'વિચારી લેજો, જેમણે અમને વોટ નથી આપ્યા તેમનું શું થશે...', BJP સાંસદની ખુલ્લી ધમકી
Andaman BJP MP threatens People: સાંસદ બિષ્ણુ પદ રેના ભાષણનો વીડિયો વાયરલ થયા બાદ વિવાદ ઉભો થયો છે, જેમાં તેઓ કથિત રીતે એવા લોકોને ધમકી આપી રહ્યા છે જેઓ તેમને મત નથી આપતા.
Andaman BJP MP threatens People: આંદામાન અને નિકોબાર ટાપુઓના નવા ચૂંટાયેલા ભારતીય જનતા પાર્ટી (BJP)ના સાંસદ બિષ્ણુ પદ રેના ભાષણનો વીડિયો વાયરલ થયા બાદ વિવાદ ઊભો થયો છે, જેમાં તેમણે તેમને મત ન આપતા લોકોને ધમકી આપી છે. જો કે, રેએ શુક્રવારે દાવો કર્યો હતો કે તેમની ટિપ્પણીઓનું 'ખોટું અર્થઘટન' કરવામાં આવ્યું હતું.
ભાષણ દરમિયાન સાંસદે કહ્યું હતું કે, “લોકોના કામ તો પૂરા થશે, પરંતુ જેમણે અમને વોટ નથી આપ્યા તેનું શું થશે? વિચારો...'
બાદમાં કહ્યું- વિપક્ષ વિરુદ્ધ નિવેદન આપ્યું હતું
જો કે, રેએ સ્પષ્ટતા કરી હતી કે તેઓ નિકોબારમાં અગાઉની કોંગ્રેસ સરકાર દરમિયાન ગેરવહીવટ અને ભ્રષ્ટાચાર તરફ ધ્યાન દોરતા હતા. રેએ એવો પણ દાવો કર્યો હતો કે, “મારું નિવેદન એવા લોકોના વર્ગ વિરુદ્ધ હતું જેમણે ચૂંટણી દરમિયાન મારા નિકોબેરી ભાઈઓ અને બહેનોને ગેરમાર્ગે દોર્યા હતા. તેથી જ મેં કહ્યું - સીબીઆઈ આવશે... તે ચોક્કસ આવશે... તેના વિશે વિચારો ભાઈ.''
કોંગ્રેસ સરકારના કુશાસન તરફ ઈશારો કરવામાં આવ્યો હતો
તેણે પીટીઆઈને કહ્યું, “તે દુર્ભાગ્યપૂર્ણ છે કે મારા નિવેદનનું ખોટું અર્થઘટન કરવામાં આવ્યું અને ગેરસમજ થઈ. મેં અગાઉની કોંગ્રેસ સરકાર દરમિયાન નિકોબાર જિલ્લામાં ગેરવહીવટ અને ભ્રષ્ટાચારનું ધ્યાન દોર્યું હતું.
નિકોબેરી આદિવાસીઓ નિર્દોષ છે
જ્યારે નિકોબેરી આદિવાસી લોકોને કથિત રીતે ધમકી આપવા વિશે પૂછવામાં આવ્યું ત્યારે રેએ કહ્યું, 'મારું ભાષણ ક્યારેય તેમની વિરુદ્ધ નહોતું. તેઓ ખૂબ જ નિર્દોષ છે. મેં માત્ર એવા લોકોને ચેતવણી આપી હતી જેઓ અગાઉના કોંગ્રેસના સાંસદ માટે કામ કરી ચૂક્યા હતા અને ભ્રષ્ટાચારમાં સામેલ હતા. તેમણે મતદારોને પ્રભાવિત કર્યા.
કુલદીપ રાય શર્માને હરાવ્યા
રેએ તાજેતરમાં પૂર્ણ થયેલી સંસદીય ચૂંટણીમાં કોંગ્રેસ પાસેથી આંદામાન અને નિકોબાર ટાપુઓની એકમાત્ર લોકસભા બેઠક જીતી હતી. તેમણે કોંગ્રેસના ઉમેદવાર કુલદીપ રાય શર્માને લગભગ 24,000 મતોના માર્જિનથી હરાવ્યા હતા.
ટોપ સ્ટોરી
ટ્રેન્ડિંગ સમાચાર
