Breaking News Live: અદાણી મુદ્દે યુથ કોંગ્રેસ રસ્તા પર ઉતરી, PM મોદી રાજ્યસભામાં જવાબ આપી રહ્યા છે
તુર્કી અને સીરિયામાં ભૂકંપમાં મૃતકોની સંખ્યા વધી રહી છે. મૃત્યુઆંક 15 હજારને વટાવી ગયો છે. 68 હજારથી વધુ ઘાયલ થયા છે.
LIVE
Background
Breaking News Live Updates 9th February' 2023: વડાપ્રધાન નરેન્દ્ર મોદી આજે રાજ્યસભામાં રાષ્ટ્રપતિના અભિભાષણ પરની ચર્ચાનો જવાબ આપશે. ગઈકાલે (8 ફેબ્રુઆરી) લોકસભામાં, વિપક્ષ પર ઉગ્ર વળતો પ્રહાર કરતા પીએમએ કહ્યું હતું કે, ખોટા આરોપો દેશના વિશ્વાસના બખ્તરને વીંધી શકતા નથી. પીએમ બપોરે 2 વાગે રાજ્યસભામાં એકવાર વિપક્ષ પર હુમલો કરી શકે છે.
તુર્કી-સીરિયાના ભૂકંપમાં અત્યાર સુધીમાં 15 હજાર લોકોના મોત થયા છે
તુર્કી અને સીરિયામાં ભૂકંપમાં મૃતકોની સંખ્યા વધી રહી છે. મૃત્યુઆંક 15 હજારને વટાવી ગયો છે. 68 હજારથી વધુ ઘાયલ થયા છે. ભારતથી તુર્કી પહોંચેલી NDRFની ટીમ રાહત અને બચાવ કાર્યમાં લાગેલી છે. કાટમાળમાં ફસાયેલા લોકોને બચાવવા માટે કૂતરા અને મશીનનો ઉપયોગ કરવામાં આવી રહ્યો છે.
NDRFના જવાનો પણ તુર્કીમાં લોકોને સાંત્વના આપવાનું કામ કરી રહ્યા છે. ઘણા લોકો 3 દિવસથી તેમના નજીકના અને પ્રિયજનોની શોધમાં ભટકી રહ્યા છે.
ત્રિપુરા વિધાનસભા ચૂંટણી
ભાજપના રાષ્ટ્રીય અધ્યક્ષ જેપી નડ્ડા આજે ત્રિપુરા વિધાનસભા ચૂંટણી માટેનો ઢંઢેરો જાહેર કરશે. મેનિફેસ્ટો બપોરે 12:30 વાગ્યે બહાર પાડવામાં આવશે. સીએમ માણિક સાહાએ ત્રિપુરામાં ચૂંટણી પ્રચાર દરમિયાન કહ્યું હતું કે, આ વખતે સુનામી આવશે અને ભાજપ 50થી વધુ સીટો જીતશે. ત્રિપુરા પહોંચેલા રક્ષા મંત્રી રાજનાથ સિંહે વિપક્ષી પાર્ટીઓ પર પ્રહાર કરતા કહ્યું કે, બીજેપીમાં આવ્યા બાદ કોઈએ માતાનું દૂધ નથી પીધુ જે કોઈની હત્યા કરી શકે.
અદાણી કેસને લઈને યુથ કોંગ્રેસનો વિરોધ
અદાણી-હિંડનબર્ગ મુદ્દે દિલ્હીમાં શાસ્ત્રી ભવનની બહાર યુવા કોંગ્રેસના કાર્યકરો વિરોધ પ્રદર્શન કરે છે.
#WATCH | Youth Congress workers protest over Adani-Hindenburg issue outside Shastri Bhawan in Delhi pic.twitter.com/tK5n7aMZWN
— ANI (@ANI) February 9, 2023
સીએમ કેજરીવાલના ઘરની બહાર બીજેપીનું પ્રદર્શન
દિલ્હી: ભાજપના કાર્યકરો અને નેતાઓ ફીડબેક યુનિટ (દિલ્હી સરકાર દ્વારા સ્થાપિત) અંગે સીએમ અરવિંદ કેજરીવાલના નિવાસસ્થાનની બહાર વિરોધ કરે છે.
Delhi | BJP workers and leaders hold a protest against CM Arvind Kejriwal outside his residence over 'Feedback unit' (created by Delhi govt). pic.twitter.com/aEiw5OBj2O
— ANI (@ANI) February 9, 2023
દિલ્હી: મહિલા કોંગ્રેસ દ્વારા જંતર-મંતર પર કેન્દ્ર વિરુદ્ધ વિરોધ પ્રદર્શન
દિલ્હી: મહિલા કોંગ્રેસના સભ્યોએ બેરોજગારી, મોંઘવારી અને અન્ય મુદ્દાઓ પર કેન્દ્ર સરકાર વિરુદ્ધ જંતર-મંતર પર વિરોધ પ્રદર્શન કર્યું.
'મહિલાઓને મસ્જિદની અંદર નમાજ...', મુસ્લિમ પર્સનલ લૉ બોર્ડે સુપ્રીમ કોર્ટમાં શું કહ્યુ?
Supreme Court On Entry Of Women: ઓલ ઈન્ડિયા મુસ્લિમ પર્સનલ લો બોર્ડ (AIMPLB) એ બુધવારે (8 ફેબ્રુઆરી) સુપ્રીમ કોર્ટને જણાવ્યું હતું કે મહિલાઓને મસ્જિદમાં પ્રવેશવાની અને નમાજ પઢવાની છૂટ છે.
બોર્ડે કહ્યું હતું કે મુસ્લિમ મહિલાઓ નમાજ પઢવા માટે મસ્જિદમાં પ્રવેશવા માટે સ્વતંત્ર છે અને તે તેમના પર નિર્ભર છે કે તેઓ મસ્જિદમાં નમાજ પઢવાના તેમના અધિકારનો ઉપયોગ કરવા માંગે છે કે નહીં. AIMPLBએ કોર્ટમાં એફિડેવિટ દાખલ કરીને આ જાણકારી આપી છે. આ એફિડેવિટ મુસ્લિમ મહિલાઓને નમાજ પઢવા માટે મસ્જિદમાં પ્રવેશવા સંબંધિત અરજીને લઈને દાખલ કરવામાં આવી છે.
વકીલે શું કહ્યું?
એડવોકેટ એમ.આર.શમશાદ દ્વારા દાખલ કરવામાં આવેલ એફિડેવિટમાં જણાવવામાં આવ્યું હતું કે પૂજાના સ્થળો (જે હાલના કેસમાં મસ્જિદો છે) સંપૂર્ણપણે ખાનગી સંસ્થાઓ છે અને મસ્જિદોના સંચાલકો દ્વારા તેનું નિયંત્રણ કરવામાં આવે છે. ફરહા અનવર હુસૈન શેખે 2020 માં સુપ્રીમ કોર્ટમાં અરજી દાખલ કરી તેને ગેરકાયદેસર અને ગેરબંધારણીય ગણાવીને મુસ્લિમ મહિલાઓ પર ભારતમાં મસ્જિદોમાં પ્રવેશ પરના કથિત પ્રતિબંધ અંગે નિર્દેશો જાહેર કરવા વિનંતી કરી. અરજીની સુનાવણી માર્ચમાં થઈ શકે છે.
'BJP રમી રહી છે ડબલ ગેમ'- બંગાળ વિભાજન વિરુદ્ધ પ્રસ્તાવ લાવશે TMC, આપ્યુ 48 કલાકનું અલ્ટીમેટમ
Bengal Partisan: પશ્ચિમ બંગાળના બજેટ સત્રના પહેલા દિવસે તૃમમૂલ કોંગ્રેસે (TMC) ઉત્તર બંગાળને અલગ રાજ્ય બનાવવાની માંગને લઇને ભારતીય જનતા પાર્ટી (BJP) પાસે પોતાનો મત સ્પષ્ટ કરવા માટે કહ્યુ છે. ટીએમસીએ બંગાળના વિભાજન વિરુદ્ધ વિધાનસભામાં પ્રસ્તાવની જાહેરાત કરી છે. ઉત્તર બંગાળના વિકાસ મંત્રી ઉદયન ગુહાએ રાજ્યના વિભાજન પર પોતાનો મત સ્પષ્ટ કરવાને લઇને બીજેપીને 48 કલાકનુ અલ્ટીમેટમ આપ્યુ છે. તેમને બીજેપી પર બંગાળના લોકોની સાથે ડબલ ગેમ રમવાનો આરોપ લગાવ્યો છે. ટીએમસીનો આરોપ છે કે આ માંગની પાછળ બીજેપીના નેતા છે.
બંગાળને તોડવાની કોશિશનો આરોપ -
સિલીલુડીમાં મીડિયા સાથેની વાતચીતમાં ગુહાએ કહ્યું કે, ભાજપા બંગાળના લોકોની સાથે ડબલ ગેમ રમી રહી છે. દક્ષિણ બંગાળમાં, તે કહે છે કે તે ઉત્તર બંગાળને એક અલગ રાજ્ય નથી બનાવવા માંગતા, જ્યારે ઉત્તર બંગાળમાં તેમના સાંસદ અને ધારાસભ્યો અલગ રાજ્યની માંગ કરી રહી છે. ભાજપાને 48 કલાકની અંદર પોતાનો મત સ્પષ્ટ કરવો પડશે.
ટીએમસી મંત્રીએ ભાજપ પર બંગાળમાં ગડબડી પેદા કરવાનો પણ આરોપ લગાવ્યો છે, કેમ કે ચૂંટણી નજીક છે. તેમને કહ્યું કે, બંગાળને તોડવાની કોશિશ કરવામાં આવી રહી છે. અમે આ બજેટ સત્રમાં આના વિરુદ્ધ પ્રસ્તાવ લાવીશું. વળી, પશ્ચિમ બંગાળના મંત્રી સોવનદેબ ચટ્ટોપાધ્યાયએ કહ્યું કે, અમે ઇચ્છીએ છીએ કે વિપક્ષ સહિત દરેક ધારાસભ્ય આ પ્રસ્તાવનું સમર્થન કરે.
ટ્રેન્ડિંગ સમાચાર
ટોપ સ્ટોરી
