Farmers Protest: ખેડૂત આંદોલન વચ્ચે કેન્દ્ર સરકારે લીધો મોટો નિર્ણય,શેરડીના ખરીદ ભાવમાં કર્યો વધારો

Farmers Protest: બુધવારે કેન્દ્રીય કેબિનેટની બેઠકમાં ઘણા મહત્વપૂર્ણ નિર્ણયો લેવામાં આવ્યા હતા. કેબિનેટે શેરડીની ખરીદીના ભાવમાં આઠ ટકાના વધારાને મંજૂરી આપી છે.

( Image Source : PTI )

Source : PTI

Farmers Protest: બુધવારે કેન્દ્રીય કેબિનેટની બેઠકમાં ઘણા મહત્વપૂર્ણ નિર્ણયો લેવામાં આવ્યા હતા. કેબિનેટે શેરડીની ખરીદીના ભાવમાં આઠ ટકાના વધારાને મંજૂરી આપી છે. કેબિનેટે શેરડીની ખરીદીની કિંમત 315 રૂપિયા પ્રતિ ક્વિન્ટલથી વધારીને 340 રૂપિયા પ્રતિ ક્વિન્ટલ કરવાની મંજૂરી આપી છે. આ રીતે શેરડીના ભાવમાં પ્રતિ ક્વિન્ટલ 25 રૂપિયાનો વધારો થયો છે.

 

#WATCH | Union Minister Anurag Thakur says "...It has been decided to fix the price for the upcoming sugarcane season, in the period from October 1, 2024, to September 30, 2025, to ensure the fair and reasonable price of sugarcane to the farmers by the sugar mills...It has been… pic.twitter.com/3QRlh4e2gd

— ANI (@ANI) February 21, 2024

કેબિનેટની બેઠક બાદ કેન્દ્રીય મંત્રી અનુરાગ ઠાકુરે કહ્યું કે મોદી સરકારે છેલ્લા 10 વર્ષથી ખેડૂતોના કલ્યાણ માટે કામ કર્યું છે. 2014 પહેલા ખેડૂતોને ખાતર મેળવવા માટે પણ રસ્તા પર ઉતરવું પડતું હતું. તે સમયે શેરડીના ભાવ વ્યાજબી ન હતા. બે બે વર્ષ રાહ જોવી પડતી હતી. પરંતુ મોદી સરકારે આ દિશામાં ઉત્તમ કામ કર્યું છે.

ઠાકુરે કહ્યું કે શેરડી પકવતા ખેડૂતોને 2019-20માં 75,854 કરોડ રૂપિયા મળ્યા છે. 2020-21માં 93,011 કરોડ રૂપિયા મળ્યા છે. 2021-22માં ખેડૂતોને 1.28 લાખ કરોડ રૂપિયા મળ્યા છે. તો બીજી તરફ, 2022-23માં 1.95 લાખ કરોડ રૂપિયા પ્રાપ્ત થયા છે. આ પૈસા સીધા તેના ખાતામાં મોકલવામાં આવ્યા હતા. અમે ખેડૂતોની આવક બમણી કરવા માટે પ્રતિબદ્ધ છીએ.

'પશુ વીમાને પ્રોત્સાહન આપવામાં આવશે'

અનુરાગ ઠાકુરે કહ્યું કે મોદી કેબિનેટનો બીજો મોટો નિર્ણય એ છે કે રાષ્ટ્રીય પશુધન હેઠળ એક પેટા યોજના શરૂ કરવામાં આવી રહી છે. જેના કારણે ઘોડા, ઊંટ, ગધેડા અને ખચ્ચરની સંખ્યા ઘટી રહી છે અને દેશી પ્રજાતિઓ લુપ્ત થવાના આરે છે. જેથી પશુધનને બચાવવા માટે નેશનલ લાઈવસ્ટોક એક્સચેન્જ ચલાવવામાં આવી રહ્યું છે. બ્રીડ મલ્ટિફિકેશન પર કામ કરવામાં આવી રહ્યું છે. ઉદ્યોગસાહસિક તરીકે વ્યક્તિ હોય કે સ્વ-સહાય જૂથ, તે બધાને 50 ટકા સબસિડી આપવામાં આવી છે. તેની મહત્તમ મર્યાદા 50 લાખ રૂપિયા રાખવામાં આવી છે.

તેમણે જણાવ્યું કે ઘોડા, ઊંટ, ગધેડા અને ખચ્ચર માટે બ્રીડ મલ્ટિફિકેશનનું કામ કરવામાં આવશે. ઘાસચારાની પ્રાપ્યતા વધારવા માટે, ક્ષીણ થઈ ગયેલી જંગલની જમીનનો ઘાસચારાના ઉત્પાદન માટે ઉપયોગ કરવામાં આવશે. આ માટે સબસિડી પણ આપવામાં આવશે. તમને તમામ પ્રકારના પશુધનનો વીમો લેવાનો લાભ મળશે. બધામાં સમાન પ્રીમિયમ ભરવાનું રહેશે. પહેલા 20 થી 50 ટકા પ્રીમિયમ ભરવું પડતું હતું, હવે 15 ટકા ચૂકવવું પડશે. રિસર્ચ અને ડેવલપમેન્ટ માટે ચેલેન્જ મેથડના આધારે ખાનગી સંસ્થાઓને વધુમાં વધુ 5 કરોડ રૂપિયા સુધીની 50 ટકા સબસિડી મળશે. નાના અને સીમાંત ખેડૂતોને આનો મોટો લાભ મળવાનો છે.