કેન્દ્ર સરકારે ભાજપના 32 નેતાઓની સુરક્ષા પાછી ખેંચી: અમિત શાહના મંત્રાલયનો મોટો નિર્ણય
ગૃહ મંત્રાલયની સમીક્ષા સમિતિએ લીધો નિર્ણય, પૂર્વ કેન્દ્રીય મંત્રી અને પૂર્વ સાંસદો સહિત અનેક નેતાઓનો સમાવેશ.
BJP leaders security removed: કેન્દ્ર સરકારે પશ્ચિમ બંગાળમાં ભારતીય જનતા પાર્ટી (BJP)ના 32 જેટલા નેતાઓની સુરક્ષા તાત્કાલિક અસરથી પાછી ખેંચી લીધી છે. ગૃહ મંત્રાલય (MHA)ની સમીક્ષા સમિતિએ બુધવારે આ અંગેનો આદેશ જારી કર્યો હતો. આ યાદીમાં ગત લોકસભા ચૂંટણીમાં પરાજય પામેલા ભાજપના કેટલાક અગ્રણી નેતાઓનો પણ સમાવેશ થાય છે.
સૂત્રોના જણાવ્યા અનુસાર, સુરક્ષા હટાવવામાં આવેલા નેતાઓમાં પૂર્વ કેન્દ્રીય મંત્રી જોન બાર્લા, પૂર્વ સાંસદ દશરથ તિર્કી, ભાજપ નેતા શંકુદેવ પાંડા અને પૂર્વ આઈપીએસ અધિકારી દેબાશીષ ધર જેવા મોટા નામોનો સમાવેશ થાય છે. આ ઉપરાંત, ડાયમંડ હાર્બર લોકસભા બેઠક પરથી તૃણમૂલ કોંગ્રેસ (TMC)ના સાંસદ અભિષેક બેનર્જી સામે હારનો સામનો કરનાર અભિજીત દાસ, ડાયમંડ હાર્બરના ભૂતપૂર્વ ધારાસભ્ય દીપક હલદર, બોલપુર લોકસભા ચૂંટણીના ભાજપ ઉમેદવાર પિયા સાહા અને જંગીપુર લોકસભા બેઠકના ભાજપ ઉમેદવાર ધનંજય ઘોષનો પણ યાદીમાં સમાવેશ થાય છે.
આ નિર્ણય અંગે પ્રતિક્રિયા આપતા ડાયમંડ હાર્બરના નેતા અભિજીત દાસે જણાવ્યું હતું કે, "હું હાલમાં હરિદ્વારમાં છું અને મને આ બાબતે કોઈ જાણકારી નથી. મને હજુ સુધી કોઈ સંદેશ મળ્યો નથી. જો કે, આ એક નિયમિત પ્રક્રિયા છે. ગૃહ મંત્રાલય દર ત્રણ મહિને સુરક્ષા સમીક્ષા કરીને યાદી બહાર પાડે છે. તેમની એક પ્રોટોકોલ છે અને તે મુજબ કાર્યવાહી કરે છે. મેં છેલ્લા સાડા છ વર્ષમાં આ ઘણી વખત જોયું છે. થોડા દિવસો પહેલા જ આવી યાદીમાં ફરીથી 20 લોકોના નામ આવ્યા હતા અને ઘણા લોકોને સુરક્ષા આપવામાં આવી હતી."
ભાજપના સાંસદ અને પ્રદેશ પ્રવક્તા સમિક ભટ્ટાચાર્યએ આ ઘટનાને સામાન્ય પ્રક્રિયા ગણાવી હતી. તેમણે ધ ઈન્ડિયન એક્સપ્રેસ સાથે વાત કરતા કહ્યું હતું કે, "આ એક નિયમિત બાબત છે. કેન્દ્ર સરકાર નક્કી કરે છે કે કોને સુરક્ષાની જરૂર છે અને ક્યારે જરૂર છે. તે મુજબ સુરક્ષા પૂરી પાડવામાં આવે છે. ગૃહ મંત્રાલયને હાલમાં લાગ્યું હશે કે આ નેતાઓને હવે સુરક્ષાની જરૂર નથી. આ મુદ્દામાં રાજકારણ લાવવા જેવું કંઈ નથી."
કેન્દ્રીય ગૃહ મંત્રાલય દ્વારા લેવાયેલા આ નિર્ણયથી પશ્ચિમ બંગાળના રાજકીય વર્તુળોમાં ચર્ચા શરૂ થઈ છે. જો કે, ભાજપના નેતાઓ આને એક નિયમિત પ્રક્રિયા ગણાવી રહ્યા છે.
આ પણ વાંચો....
Before You Go
Electricity Crisis: રાજ્યમાં વીજ સંકટ પર સરકારે તોડ્યું મૌન?
ટોપ સ્ટોરી
ટ્રેન્ડિંગ સમાચાર
