Pragyan Rover Video: રોવર પ્રજ્ઞાને ચંદ્રની સપાટી પર કર્યો મૂન ડાન્સ, લેન્ડર વિક્રમે આ રીતે રેકોર્ડ કર્યો વીડિયો

Chandrayaan-3 Mission: રોવર પ્રજ્ઞાન ચંદ્ર પર ઉતર્યા બાદથી દરરોજ પૃથ્વી પર મહત્વપૂર્ણ માહિતી શેર કરી રહ્યું છે, આમાં સૌથી મહત્વપૂર્ણ માહિતી ચંદ્રની સપાટી પર ઓક્સિજનની શોધ છે.

રોવર પ્રજ્ઞાને ચંદ્રની સપાટી પર કર્યો મૂન ડાન્સ

Pragyan Rover Video: ચંદ્રના દક્ષિણ ધ્રુવ પર ઉતર્યા ત્યારથી રોવર પ્રજ્ઞાન અને લેન્ડર વિક્રમ દરરોજ પૃથ્વી પર મહત્વપૂર્ણ માહિતી મોકલી રહ્યાં છે. આ દરમિયાન લેન્ડર વિક્રમે ચંદ્રની સપાટી પરથી રોવર પ્રજ્ઞાનનો એક ફની વીડિયો પણ ઈસરોને મોકલ્યો છે. આ વીડિયોમાં રોવર સુરક્ષિત માર્ગની શોધમાં 360 ડિગ્રી પર ફરતું જોવા મળે છે, જેનાથી એવું લાગે છે કે તે ચંદ્રની સપાટી પર ડાન્સ કરી રહ્યું છે.

આ વીડિયોને શેર કરતાં ઈસરોએ ટ્વીટ કર્યું, 'લેન્ડર વિક્રમે રોવર પ્રજ્ઞાનને સુરક્ષિત માર્ગ તરફ પરિભ્રમણ કરવાનો વીડિયો રેકોર્ડ કર્યો છે. આ વીડિયોમાં એવું લાગે છે કે એક બાળક ચંદમામાના આંગણામાં રમી રહ્યું છે અને તેની માતા તેને પ્રેમથી રમતા જોઈ રહી છે.

Chandrayaan-3 Mission:
The rover was rotated in search of a safe route. The rotation was captured by a Lander Imager Camera.

It feels as though a child is playfully frolicking in the yards of Chandamama, while the mother watches affectionately.
Isn't it?🙂 pic.twitter.com/w5FwFZzDMp

— ISRO (@isro) August 31, 2023

રોવર પ્રજ્ઞાને ઓક્સિજન અને સલ્ફરની શોધ કરી

અગાઉ મંગળવારે (29 ઓગસ્ટ 2023), ભારતીય અવકાશ સંશોધન સંસ્થા (ISRO) એ જણાવ્યું હતું કે રોવર પ્રજ્ઞાન પર લગાવેલા એક સાધને ચંદ્રના દક્ષિણ ધ્રુવ પાસે સલ્ફરની પુષ્ટિ કરી છે. ઇસરોએ એમ પણ કહ્યું કે સાધનમાં અપેક્ષા મુજબ એલ્યુમિનિયમ, કેલ્શિયમ, આયર્ન, ક્રોમિયમ, ટાઇટેનિયમ, મેંગેનીઝ, સિલિકોન અને ઓક્સિજન પણ મળી આવ્યા છે.

ઈસરોએ કહ્યું, 'ચંદ્રની સપાટી પર રોવર દ્વારા વૈજ્ઞાનિક પ્રયોગો ચાલી રહ્યા છે. રોવર પર લગાવવામાં આવેલા લેસર ઓપરેટેડ બ્રેકડાઉન સ્પેક્ટ્રોસ્કોપ (LIBS) ઈન્સ્ટ્રુમેન્ટે ચંદ્રના દક્ષિણ ધ્રુવની નજીકની સપાટીમાં સલ્ફરની હાજરીની સ્પષ્ટ પુષ્ટિ કરી છે. અપેક્ષા મુજબ, એલ્યુમિનિયમ, કેલ્શિયમ, આયર્ન, ક્રોમિયમ, ટાઇટેનિયમ, મેંગેનીઝ, સિલિકોન અને ઓક્સિજન પણ મળી આવ્યા હતા. હાઇડ્રોજનની શોધ ચાલુ છે.

વિક્રમ લેન્ડર પરના ચાર પેલોડ શું કરશે? 1. રંભા (RAMBHA)... તે ચંદ્રની સપાટી પર સૂર્યમાંથી આવતા પ્લાઝ્મા કણોની ઘનતા, જથ્થા અને ફેરફારોની તપાસ કરશે. 2. ChaSTE... તે ગરમી એટલે કે ચંદ્રની સપાટીનું તાપમાન તપાસશે. 3. ILSA... તે લેન્ડિંગ સાઇટની આસપાસ સિસ્મિક ગતિવિધિઓની તપાસ કરશે. 4. લેસર રેટ્રોરેફ્લેક્ટર એરે (LRA)... તે ચંદ્રની ગતિશીલતાને સમજવાનો પ્રયત્ન કરશે.