ગુજરાત કોંગ્રેસના પ્રભારી રાજીવ સાતવની તબિયત લથડી, વેન્ટિલેટર પર ખસેડાયા

કોરોનાથી સંક્રમિત થયેલા ગુજરાત કોંગ્રેસના પ્રભારી તથા સાંસદ રાજીવ સાતવની તબિયત લથડી છે અને તેઓને વેન્ટિલેટર પર રાખવામાં આવ્યા છે. કોરોનાનો ચેપ લાગ્યા બાદ તેમને પુણેની એક હોસ્પિટલમાં દાખલ કરવામાં આવ્યા હતા.

ફાઈલ તસવીર

અમદાવાદઃ  કોરોનાથી સંક્રમિત થયેલા ગુજરાત કોંગ્રેસના પ્રભારી (Congress leader Rajeev Satav) તથા સાંસદ રાજીવ સાતવની તબિયત લથડી છે અને તેઓને વેન્ટિલેટર (ventilator support) પર રાખવામાં આવ્યા છે. કોરોનાનો ચેપ લાગ્યા બાદ તેમને પુણેની એક હોસ્પિટલમાં દાખલ કરવામાં આવ્યા હતા. જ્યાં તેમની તબિયત લથડતાં વેન્ટિલેટર પર રાખવામાં આવ્યા છે.

મહારાષ્ટ્રના મંત્રી વિશ્વજીત કદમે (Maharashtra Minister of State for Co-operation and Social Justice Vishwajeet Kadam) કહ્યું, સાતવને 23 એપ્રિલે હોસ્પિટલમાં દાખલ કરવામાં આવ્યા હતા. 25 એપ્રિલ સુધી તેમની સ્થિતિ બરાબર હતી. જે બાદ થોડા કોમ્પલિકેશનના કારણે તેમણે આઈસીયુમાં ખસેડવામાં આવ્યા હતા અને હાલ તેઓ વેન્ટિલેટર સપોર્ટ પર છે. ડોક્ટરોની એક ટીમ તેમના સ્વાસ્થ્ય પર નજર રાખી રહી છે.

કદમના કહેવા મુજબ, કોંગ્રેસ અધ્યક્ષ સોનિયા ગાંધી (Sonia Gandhi), મહારાષ્ટ્રના મુખ્યમંત્રી ઉદ્ધવ ઠાકરે (Maharashtra Chief Minister Uddhav Thackeray), રાહુલ ગાંધી, પ્રિયંકા ગાંધીએ પણ તેમના સ્વાસ્થ્ય અંગે જાણકારી મેળવી છે. મહારાષ્ટ્રની કોવિડ-19 ટાસ્ક ફોર્સની (Maharashtra COVID-19 task force)  ટીમને પણ કન્સલ્ટ કરવામાં આવી છે. હોસ્પિટલના મેડિકલ ડિરેક્ટર (medical director of Jehangir Hospital) ડો. એસ.એસ.ગિલના કહેવા મુજબ તેમની હાલત સ્થિર છે.

દેશમાં શું છે કોરોનાની સ્થિતિ

સ્વાસ્થ્ય મંત્રાલયના તાજા આંકડા અનુસાર, છેલ્લા 24 કલાકમાં 3,79,257 નવા કોરોનાના કેસ (Corona Cases) આવ્યા અને 3645 લોકોના મોત થયા છે. જોકે 24 કલાકમાં 2,69,507 લોકો ઠીક પણ થયા છે. 

• કુલ કેસ-  એક કરોડ 73 લાખ 76 હજાર 524
• કુલ ડિસ્ચાર્જ- એક કરોડ 50 લાખ 86 હજાર 878
• કુલ એક્ટિવ કેસ - 30 લાખ 84 હજાર 8149
• કુલ મોત - 2 લાખ 04 હજાર 832

15 કરોડથી વધારેને રસી અપાઈ

દેશમાં 16 જાન્યુઆરીથી રસીકરણ અભિયાન શરૂ થયું હતું. કોરોના દર્દીની સંખ્યા પ્રમાણે જોઈએ તો ભારત વિશ્વનો સૌથી પ્રભાવિત દેશ છે. અત્યાર સુધીમાં 15 કરોડ 20 હજાર 648 ડોઝ આપવામાં આવ્યા છે.

આ રાજ્યોમાં એક્ટિવ કેસ એક લાખથી વધુ

સ્વાસ્થ્ય મંત્રાલય પ્રમાણે મહારાષ્ટ્ર, ઉત્તર પ્રદેશ, કેરળ, રાજસ્થાન, કર્ણાટક, છત્તીસગઢ, ગુજરાત અને તમિલનાડુ એવા રાજ્ય છે જ્યાં 1 લાખથી વધુ એક્ટિવ કેસ છે.