(Source: ECI/ABP News/ABP Majha)
Delhi : અભિનેત્રીના પતિ અને સાંસદ સાથે સંસદ પરિષરમાં થઈ ગયો કાંડ
આ દરમિયાન સંસદ પરિસરમાં એક કાગડો રાઘવ ચઢ્ઢા સાથે ખેલ કરી ગયો હતો. આ ઘટનાની તસવીરો સોશિયલ મીડિયા પર ઝડપથી વાયરલ થઈ રહી છે.
Delhi News: આમ આદમી પાર્ટીના નેતા અને સાંસદ રાઘવ ચઢ્ઢા છેલ્લા કેટલાક સમયથી ચર્ચાનો વિષય બન્યા છે. અગાઉ તેઓ બોલિવૂડ અભિનેત્રી પરિણીતિ ચોપરા સાથે સગાઈ કરવાને લઈને ચર્ચામાં બન્યા હતાં. હવે વધુ એકવાર આપ સાંસદ રાઘવ ચઢ્ઢા સાથે હાસ્યાસ્પદ ઘટના ઘટી છે. બુધવારે તમે ચોમાસુ સત્રમાં ભાગ લેવા માટે રાજ્યસભા સાંસદ રાઘવ ચઢ્ઢા પહોંચ્યા હતા. આ દરમિયાન સંસદ પરિસરમાં એક કાગડો રાઘવ ચઢ્ઢા સાથે ખેલ કરી ગયો હતો. આ ઘટનાની તસવીરો સોશિયલ મીડિયા પર ઝડપથી વાયરલ થઈ રહી છે.
સોશિયલ મીડિયા પર આ ઘટનાની વાયરલ થયેલી તસવીરમાં સ્પષ્ટ જોઈ શકાય છે કે, સંસદ ભવનના પરિસરમાં કાગડો રાઘવ ચઢ્ઢાના માથામાં ચાંચ મારી જાય છે. આપ સાંસદ પણ કાગડાના હુમલાથી બચતો જોવા મળી રહ્યાં છે.
રાઘવ ચઢ્ઢા પર કાગડાની ઘટના બાદ દિલ્હી ભારતીય જનતા પાર્ટીએ પોતાના ઓફિશિયલ ટ્વિટર હેન્ડલ દ્વારા આ તસવીર દરેક સાથે શેર કરી છે. દિલ્હી બીજેપીએ ટોણો મારતા લખ્યું છે કે - જૂઠ બોલે કૌઆ કાટે. આજ સુધી મેં માત્ર સાંભળ્યું હતું, આજે મેં એ પણ જોયું છે કે કાગડાએ જૂઠું બોલનારને ચાંચ મારી!
એક ટ્વિટર યુઝરે કહ્યું- હૃદય ખૂબ જ વ્યથિત
આટલું જ નહીં સોશિયલ મીડિયા પર લોકો કમેન્ટ પણ કરી રહ્યા છે. એક ટ્વિટર યુઝરે લખ્યું છે- લોકશાહી પર સીધો હુમલો. આમ આદમી પાર્ટીના સાંસદ રાઘવ ચઢ્ઢાને સંસદ પરિસરમાં કાગડાએ ચાંચ મારી હતી. બીજી તરફ, અંશુમન નામના યુઝરે મજાકિયા લહેકામાં લખ્યું છે - જોઈ રહ્યાં છો વિનોદ, કાગડા પણ તેમને છોડી નથી રહ્યા. આ ઘટના પર સહાનુભૂતિ વ્યક્ત કરતા અન્ય એક ટ્વિટર યુઝર વિક્રમ તિવારીએ લખ્યું છે કે, AAP સાંસદ રાઘવ ચઢ્ઢાને સંસદ સંકુલમાં કાગડાએ ચાંચ મારી હતી. હૃદય ખૂબ જ અસ્વસ્થ છે.
સરકારે રાષ્ટ્રપતિ શાસન લાગુ કરવું જોઈએ
મણિપુર હિંસા મુદ્દે AAP સાંસદ સંજય સિંહને સમગ્ર ચોમાસુ સત્ર માટે સસ્પેન્ડ કરવા પર રાઘવ ચઢ્ઢાએ કહ્યું હતું કે, મણિપુરમાં માત્ર બંધારણની કલમ 355 અને 356નું ઉલ્લંઘન થયું નથી, પરંતુ ત્યાં માનવતાને પણ શરમજનક સ્થિતિમાં મુકવામાં આવી છે. તેમણે આરોપ લગાવ્યો કે, સરકાર શાંતિ અને વ્યવસ્થા જાળવવામાં સંપૂર્ણ નિષ્ફળ સાબિત થઈ છે. કાયદો અને વ્યવસ્થા કેન્દ્ર અને રાજ્ય સરકારના નિયંત્રણ બહાર ગઈ છે. કેન્દ્ર સરકારે તાત્કાલિક મણિપુરની બિરેન સિંહ સરકારને બરખાસ્ત કરી ત્યાં રાષ્ટ્રપતિ શાસન લાદવું જોઈએ.
ટ્રેન્ડિંગ સમાચાર
ટોપ સ્ટોરી
