ABP-CVoter Exit Poll 2021 LIVE: પુડ્ડુચેરી, આસામમાં BJP માટે સારા સમાચાર, બંગાળમાં નહી ખીલે કમળ, જાણો અન્ય રાજ્યોના હાલ

ABP-CVoter 5 States Exit Poll 2021 LIVE Updates: આસામ, કેરલ, તમિલનાડુ, પુડ્ડુચેરીમાં વિધાનસભા ચૂંટણીનું મતદાન પહેલા જ થઈ ગયું છે. પશ્ચિમ બંગાળમાં અંતિમ તબક્કાનું મતદાન આજે સાંજે પૂર્ણ થશે.

Background

ABP Exit Poll Live: આસામ, કેરલ, તમિલનાડુ, પુડ્ડુચેરીમાં વિધાનસભા ચૂંટણીનું મતદાન પહેલા જ થઈ ગયું છે. પશ્ચિમ બંગાળમાં અંતિમ તબક્કાનું મતદાન આજે સાંજે પૂર્ણ થશે. આ સાથે જ પાંચ રાજ્યોની ચૂંટણી પૂર્ણ થશે.  27 માર્ચથી ચાલી રહેલા ધમાસાણ બાદ 2જી મે રોજ આ રાજયોના પરિણામ આવશે. પરંતુ આ પહેલા આજે સાંજે એક્ઝિટ પોલમાં જાણી શકાશે. 

આજે સાંજે 5 વાગ્યાથી એબીપી ન્યૂઝ પર પશ્ચિમ બંગાળના એક્ઝિટ પોલ જોઈ શકાશે  અને 2 મેના રોજ જાહેર થનારા ચૂંટણી પરિણામ પહેલા જ સત્તાના સિંહાસન પર કોણ બેસશે તે  જાણી શકાશે. સાંજે 5 વાગ્યાથી સતત  વોટર્સનો મૂડ  જાણી શકો છો. 

21:16 PM (IST)  •  29 Apr 2021

કૈલાશ વિજયવર્ગીયએ જીતનો દાવો કર્યો

 

ભાજપ નેતા અને પશ્ચિમ બંગાળના પ્રભારી કૈલાશ વિજયવર્ગીયે એક્ઝિટ પોલના આંકડામાં પાછળ હોવા છતા બંગાળમાં ભાજપની સરકાર બનવાનો દાવો કર્યો છે. ભાજપની પાસે સ્થાનિક નેતાઓની કમીના સવાલ પર તેમણે કહ્યું બંગાળમાં અમારી પાસે નેતાઓની કોઈ કમી નથી.

21:14 PM (IST)  •  29 Apr 2021

પશ્ચિમ બંગાળના ભાજપ અધ્યક્ષ દિલીપ ઘોષ કહે છે કે

 

પશ્ચિમ બંગાળના ભાજપ અધ્યક્ષ દિલીપ ઘોષ કહે છે કે રાજ્યમાં ચૂંટણીના કારણે કોરોના નથી ફેલાયો. હાર છુપાવવા માટે ટીએમસીના લોકો કોરોનાનું બહાનું બનાવી રહ્યા છે. છત્તીસગઢ અને મહારાષ્ટ્રમાં પ્રધાનમંત્રીની રેલી નથી થઈ છતાં ત્યાં કોરોના ફેલાયો છે. તેમણે કહ્યું મમતા બેનર્જી હારના કારણે બાનું બતાવી રહ્યા છે.