Fact Check: ચંદ્ર પર અશોક સ્તંભની નિશાનીવાળી તસવીર ISRO એ જાહેર કરી ? જાણો વાયરલ તસવીરની હકીકત

ભૂતપૂર્વ અભિનેત્રી અને ભારતીય જનતા પાર્ટીના નેતા ખુશ્બુ સુંદરે પણ આ જ દાવા સાથે વાયરલ તસવીર શેર કરી હતી. ફેક્ટ ચેક રિપોર્ટમાં આ ફોટો નકલી છે.

વાયરલ થયેલી તસવીર

Source : Social Media

Social Media Viral Photo: ઇન્ડિયન સ્પેસ રિસર્ચ ઓર્ગેનાઇઝેશન (ISRO) ના ચંદ્રયાન-3 એ 23 ઓગસ્ટ ચંદ્ર પર સફળ સોફ્ટ લેન્ડિંગ કર્યું. આ પછી, ભારત ચંદ્રના દક્ષિણ ધ્રુવ સુધી પહોંચનારો પ્રથમ અને ચંદ્ર પર પહોંચનારો ચોથો દેશ બન્યો. રોવર પ્રજ્ઞાન લેન્ડર વિક્રમ સાથે વાતચીત કરશે અને ડેટા એકત્રિત કરશે.

ઈસરોના જણાવ્યા અનુસાર પ્રજ્ઞાન પ્રતિ સેકન્ડ એક સેન્ટીમીટરની ઝડપે આગળ વધશે. ઉપરાંત, જેમ જેમ પ્રજ્ઞાન આગળ વધશે તેમ, તે ચંદ્રની સપાટી પર ઈસરોના લોગો અને ભારતના રાષ્ટ્રીય પ્રતીક અશોક સ્તંભના નિશાન છોડશે. આવો જ એક ફોટો સોશિયલ મીડિયા પર વાયરલ થયો હતો. ચંદ્રયાન-3 ચંદ્ર પર ઉતર્યું ત્યારથી આ ફોટો વાયરલ થઈ રહ્યો છે.

શું છે આ ફોટાનું સત્ય?

ઈસરોના લોગો અને ભારતના રાષ્ટ્રીય પ્રતીક સાથેનો આ ફોટો લઈને એવો દાવો કરવામાં આવ્યો હતો કે રોવર પ્રજ્ઞાનના પૈડાએ આવા નિશાન બનાવ્યા છે. આ ચિત્રમાં બે સમાંતર પૈડાં દેખાય છે જેમાં આ બંને પ્રતીકો બનાવવામાં આવ્યા છે. સોશિયલ મીડિયા પર તસવીર પોસ્ટ કરનાર વ્યક્તિએ લખ્યું, "અશોકનું પ્રતીક અને ISROનો લોગો ચંદ્ર પર અનંતકાળ માટે અંકિત! પ્રજ્ઞાન રોવર ચંદ્રની સપાટી પર ઉતર્યું. ચંદ્રયાન 3 એક મોટી સફળતા છે.

Ashoka Emblem & ISRO logo is etched on the moon for eternity.! #PragyanRover touches down on the moon surface. #Chandrayaan3 is a grand success. pic.twitter.com/dFntXAHz8F

— Zaira Nizaam 🇮🇳 (@Zaira_Nizaam) August 23, 2023

ભૂતપૂર્વ અભિનેત્રી અને ભારતીય જનતા પાર્ટી (BJP)ના નેતા ખુશ્બુ સુંદરે પણ આ જ દાવા સાથે વાયરલ તસવીર શેર કરી હતી. ઈન્ડિયા ટુડેના ફેક્ટ ચેક રિપોર્ટમાં આ ફોટો નકલી છે. આ એ ફોટો નથી કે પ્રજ્ઞાને ચંદ્ર પર નિશાન છોડ્યા હોય. વાયરલ તસવીર પ્રજ્ઞાનના વ્હીલની વાસ્તવિક નિશાની નથી, પરંતુ એડોબ ફોટોશોપનો ઉપયોગ કરીને બનાવવામાં આવી છે. તેને લખનઉના એક વ્યક્તિએ બનાવી છે.

આ વ્યક્તિએ કહ્યું, “તેણે આ ફોટો ઈસરોના કર્ટેન રાઈઝર વીડિયોથી પ્રેરિત થઈને બનાવ્યો છે. આ તસવીર તેણે તેની ઈન્સ્ટાગ્રામ સ્ટોરી પર શેર કરી છે. તેણે વાયરલ ઈમેજ બનાવવા માટે એડોબ ફોટોશોપનો ઉપયોગ કર્યો હતો."

ઈસરોની વેબસાઈટ પરના સત્તાવાર વિડિયોમાં, સ્પેસ એજન્સીનું પ્રતીક અને લોગો અલગ-અલગ વ્હીલ્સ પર બતાવવામાં આવે છે, જે વાયરલ ઈમેજનો વિરોધાભાસ કરે છે જ્યાં બંને એક જ વ્હીલ પર એમ્બોસ્ડ છે.