દિવંગત નેતા મનોહર પર્રિકરના નામ પર ‘મોપા’ રાખવામાં આવ્યું ગોવા ઈન્ટરનેશનલ એરપોર્ટનું નામ, જાણો ખાસિયત
વડાપ્રધાન મોદીએ રવિવાર, 11 ડિસેમ્બર 2022ના રોજ મોપા ઈન્ટરનેશનલ એરપોર્ટનું ઉદ્ઘાટન કર્યું. આ એરપોર્ટનું નામ પૂર્વ રક્ષા મંત્રી અને ભાજપના દિવંગત નેતા મનોહર પર્રિકરના નામ પરથી રાખવામાં આવ્યું છે.
Mopa International Airport: વડાપ્રધાન નરેન્દ્ર મોદીએ રવિવાર, 11 ડિસેમ્બર 2022ના રોજ મોપા ઈન્ટરનેશનલ એરપોર્ટનું ઉદ્ઘાટન કર્યું. આ એરપોર્ટનું નામ પૂર્વ રક્ષા મંત્રી અને ભાજપના દિવંગત નેતા મનોહર પર્રિકરના નામ પરથી રાખવામાં આવ્યું છે. આ પ્રસંગે પીએમ મોદીએ કહ્યું કે આ એરપોર્ટથી પ્રવાસનને ચોક્કસપણે પ્રોત્સાહન મળશે.
આ એરપોર્ટનો શિલાન્યાસ વડાપ્રધાન નરેન્દ્ર મોદીએ વર્ષ 2016માં કર્યો હતો. તેને બનાવવામાં 2 હજાર 870 કરોડ રૂપિયાનો ખર્ચ થયો છે. તેના ઉદ્ઘાટન પ્રસંગે તેમણે કહ્યું કે મોપા એરપોર્ટના નિર્માણ બાદ ગોવાના પ્રવાસનને વેગ મળશે. મનોહર ઈન્ટરનેશનલ એરપોર્ટ દેશમાં ઈન્ફ્રાસ્ટ્રક્ચર પ્રત્યે સરકારની વિચારસરણી દર્શાવે છે. તેમણે કહ્યું કે 2 એરપોર્ટ હોવાને કારણે ગોવા માટે કાર્ગો હબ તરીકેની શક્યતાઓ વધી છે.
વિશેષતા શું છે?
મોપા ઇન્ટરનેશનલ એરપોર્ટ ગોવાના ઉત્તરીય પ્રદેશમાં આવેલું છે અને ગોવાની રાજધાની પણજીથી 35 કિમીના અંતરે છે. માર્ચ 2000 માં, કેન્દ્ર સરકારે ગોવાની રાજ્ય સરકારને મોપા ગામમાં ગ્રીનફિલ્ડ એરપોર્ટ બનાવવાની મંજૂરી આપી. પ્રથમ તબક્કામાં, એરપોર્ટની વાર્ષિક ક્ષમતા લગભગ 44 લાખ મુસાફરોની છે, જ્યારે પ્રોજેક્ટ પૂર્ણ થયા પછી, તેની કુલ ક્ષમતા વાર્ષિક 10 મિલિયન મુસાફરોની થશે. આ એરપોર્ટ જોવા માટે એકદમ અદભૂત છે. વિશ્વના સૌથી મોટા એરક્રાફ્ટને હેન્ડલ કરવા માટેનો રનવે પણ અહીં બનાવવામાં આવ્યો છે.
આ એરપોર્ટ પર સોલાર પાવર પ્લાન્ટ લગાવવામાં આવ્યા છે. આ સાથે તેને ગ્રીન બિલ્ડીંગ, એલઈડી લાઈટ્સ, રિસાઈકલિંગ વગેરે જેવી અનેક સુવિધાઓ સાથે બનાવવામાં આવી છે. ડાબોલિમ એરપોર્ટની સરખામણીમાં મોપા એરપોર્ટ ખૂબ જ વૈભવી સુવિધાઓથી સજ્જ છે. રાત્રીના સમયે ડાબોલિમ એરપોર્ટ પર પાર્કિંગની સુવિધા ન હતી. મોપા એરપોર્ટ પર રાત્રિ પાર્કિંગની સુવિધા છે, ડાબોલિમમાં કાર્ગો ટર્મિનલ પણ નહોતું, જ્યારે મોપા એરપોર્ટ પર 25,000 મેટ્રિક ટનની હેન્ડલિંગ ક્ષમતા સાથે કાર્ગો સુવિધા હશે.
દેશમાં એરપોર્ટની સંખ્યા વધી રહી છે
ગોવાના ડાબોલિમ એરપોર્ટ હાલમાં 15 સ્થાનિક અને 6 આંતરરાષ્ટ્રીય સ્થળોએ કનેક્ટિવિટી ધરાવે છે, જ્યારે મોપા એરપોર્ટ 35 સ્થાનિક અને 18 આંતરરાષ્ટ્રીય સ્થળોને કનેક્ટિવિટી પ્રદાન કરશે. દેશમાં એરપોર્ટની સંખ્યા સતત વધી રહી છે. હાલમાં દેશમાં 140 થી વધુ એરપોર્ટ છે. સરકાર આગામી 5 વર્ષમાં 220 એરપોર્ટનો વિકાસ અને સંચાલન કરવાની યોજના ધરાવે છે.
ટોપ સ્ટોરી
ટ્રેન્ડિંગ સમાચાર
