IRCTC એકવાર ફરી ડાઉન, ટિકિટ બુક કરવામાં આવી રહી છે મુશ્કેલીઓ

ભારતીય રેલવેની ટિકિટ બુકિંગ એપ અને વેબસાઇટ ફરી એકવાર ડાઉન થઈ ગઈ છે. આ મહિનામાં આ ત્રીજી વખત છે જ્યારે IRCTC ડાઉન છે અને લોકોને ટિકિટ બુક કરાવવામાં મુશ્કેલીનો સામનો કરવો પડી રહ્યો છે.

ફોટોઃ abp live

ભારતીય રેલવેની ટિકિટ બુકિંગ એપ અને વેબસાઇટ ફરી એકવાર ડાઉન થઈ ગઈ છે. આ મહિનામાં આ ત્રીજી વખત છે જ્યારે IRCTC ડાઉન છે અને લોકોને ટિકિટ બુક કરાવવામાં મુશ્કેલીનો સામનો કરવો પડી રહ્યો છે. તત્કાલ ટિકિટ બુકિંગ સમયે IRCTC ડાઉન છે અને તેના કારણે લોકોની મુશ્કેલીઓ વધી છે.

ઈન્ટરનેટ આઉટેજ પર નજર રાખતી વેબસાઈટ DownDetector અનુસાર, IRCTC વેબસાઈટ ડાઉન હોવાના લગભગ 1,500 રિપોર્ટ્સ સવારે 10:12 વાગ્યે મળ્યા હતા. આ અહેવાલો દિલ્હી, મુંબઈ, ચેન્નઈ, કોલકાતા સહિત દેશના ઘણા શહેરોમાંથી મળ્યા હતા.

લોકો સોશિયલ મીડિયા પર IRCTC ડાઉન હોવાની ફરિયાદ કરી રહ્યા છે. તત્કાલ બુકિંગ દરમિયાન એક યુઝરે લખ્યું કે આ શું બકવાસ છે. રીલોડ પર ક્લિક કરવા પર અનેબલ ટૂ પરફોર્મ ટ્રાન્જેક્શન જોવા મળી રહ્યું છે. IRCTC ફરી ડાઉન છે.

અન્ય યુઝરે લખ્યું કે IRCTC એપ અને વેબસાઈટ બંને ક્રેશ થઈ ગયા છે. કેપ્ચા સર્વર ક્રેશ થયું છે. તેઓએ કેપ્ચા 2.0 છોડીને ક્લાઉડ પર શિફ્ટ થવું જોઈએ. રેલ્વે મંત્રીને ટેગ કરીને આ યુઝરે લખ્યું કે જો તમે લોકો IRCTC ચલાવી શકતા નથી તો તેને એક્સપર્ટ્સ અને પ્રોફેશનલ્સ પર છોડી દેવો જોઈએ. આની જવાબદારી કોઈએ લેવી પડશે.

આ મહિનામાં ભારતીય રેલવેમાં આ ત્રીજી મોટી આઉટેજ છે. આ પહેલા 9 ડિસેમ્બરે ઈ-ટિકિટિંગ પ્લેટફોર્મ સમારકામને કારણે એક કલાક માટે અને 26 ડિસેમ્બરે પણ મેઈન્ટેનન્સ એક્ટિવિટીને કારણે લાંબા સમય સુધી બંધ રહ્યું હતું. આ સમય દરમિયાન પણ તત્કાલ ટિકિટ બુક કરાવનારા લોકોને સૌથી વધુ અસર થઈ હતી.

IRCTCએ પોતાની એક એડવાઈઝરીમાં કહ્યું હતું કે જે લોકો તેમની ટિકિટ કેન્સલ કરવા ઈચ્છે છે તેઓ કસ્ટમર કેર પર ફોન કરીને આમ કરી શકે છે. આ સિવાય તેઓ ટિકિટ ડિપોઝિટ રિસિપ્ટ (TDR) માટે ઈમેલ કરી શકે છે. IRCTCએ સંપર્ક નંબર 14646, 08044647999, 08035734999 આપ્યા હતા. ટિકિટ સંબંધિત સમસ્યાઓના ઉકેલ માટે etickets@irctc.co.in પર મેઇલ મોકલી શકાય છે.