ઇન્ડિયન એરફોર્સને મળ્યું ચિનૂક હેલિકોપ્ટર, PAK સરહદ પર થશે તૈનાત

નવી દિલ્હીઃ લગભગ 11 હજાર કિલો સુધીના હથિયારો અને સૈનિકોને સરળતાથી લઇ જવામાં સક્ષમ અને સાથે ઉંચાઇઓ પર ઉડાણ ભરનારા અત્યાધુનિક ચિનૂક હેલિકોપ્ટર આજે ભારતીય એરફોર્સને મળી જશે. આ હેલિકોપ્ટરને પાકિસ્તાની સરહદ પર એરફોર્સને વધુ શક્તિશાળી બનાવવામાં મદદ કરશે. ચંડિગઢમાં એર ચીફ માર્શલ બીએસ ધનોઆ ચિનૂક હેલિકોપ્ટર ઇન્ડિયન એરફોર્સને સોંપશે. મલ્ટી મિશન હેલિકોપ્ટરને બોઇંગ કંપનીને બનાવ્યા છે. હિમાલય ક્ષેત્રમાં આ હેલિકોપ્ટર ખૂબ કારગર સાબિત થઇ શકે છે. આ હેલિકોપ્ટર નાના હેલિપેડ અને ઘાટીમાં લેન્ડ થઇ શકે છે. આ હેલિકોપ્ટરને દુનિયાના 19 દેશો દ્ધારા ઉપયોગમાં લેવામાં આવી રહ્યા છે. નોંધનીય છે કે ભારતે આ પ્રકારના 15 હેલિકોપ્ટર ખરીદવાની ડિલ કરી છે. ચિનૂક હેલિકોપ્ટરને અમેરિકન એરફોર્સ 1962થી ઉપયોગ કરી રહી છે. કંપનીએ અત્યાર સુધીમાં કુલ 1179 ચિનૂક હેલિકોપ્ટર બનાવ્યા છે. ખરાબ વાતાવરણમાં પણ આ હેલિકોપ્ટર ઉડાણ ભરી શકે છે. હેલિકોપ્ટરની મહતમ સ્પીડ 315 કિલોમીટર પ્રતિ કલાકની છે.