અગર દમ હૈ તો ચીન પર.. અમિત શાહના નિવેદન પર ઔવેસીનો પલટવાર, કહ્યું- અમને મોતનો ડર નથી
તેલંગાણાના અદિલાબાદમાં એક રેલીને સંબોધતા AIMIM નેતા અસદુદ્દીન ઓવૈસીએ કેન્દ્ર સરકારને ચીન પર સર્જિકલ સ્ટ્રાઈક કરવાનો પડકાર ફેંક્યો હતો.
AIMIM Asaduddin Owaisi Rally: AIMIM નેતા અસદુદ્દીન ઓવૈસીએ મંગળવારે (30 મે) તેલંગાણાના આદિલાબાદમાં એક જાહેર સભાને સંબોધિત કરી. આ દરમિયાન તેમણે ભાજપ અને ગૃહમંત્રી અમિત શાહ પર જોરદાર નિશાન સાધ્યું હતું. ઓવૈસીએ ભાજપ પર ધાર્મિક આધાર પર ભેદભાવ કરવાનો પણ આરોપ લગાવ્યો હતો.
અમિત શાહના નિવેદન પર ઔવેસીનો પલટવાર
ઓવૈસીએ કહ્યું, તેઓ (અમિત શાહ) કહે છે કે જો અમે ઓલ્ડ સિટીમાં સર્જિકલ સ્ટ્રાઈક કરીશું તો શું અમે બંગડીઓ પહેરીને બેઠા છીએ. તેણે કહ્યું- જો ભાજપમાં એટલી હિંમત હોય તો તેઓ ચીન પર સર્જિકલ સ્ટ્રાઈક કેમ નથી કરતાં. બીજેપીએ મંદિરો માટે કરોડો રૂપિયા મંજૂર કર્યા છે અને તે પછી પણ તેઓ મારા પર આરોપ લગાવે છે કે સ્ટિયરિંગ મારા હાથમાં છે. અને જો મારા હાથમાં સ્ટિયરિંગ હોય તો તમને કેમ દુખ થાય છે ?
#WATCH मंदिरों के लिए करोड़ो रुपए अनुमोदित हुए और ये(अमित शाह) बोलते हैं कि स्टीयरिंग मेरे हाथ में है, अगर मेरे हाथ में स्टीयरिंग है तो आपको क्यों दर्द होता है?...ये बोलते हैं ओल्ड सिटी में सर्जिकल स्ट्राइक करेंगे। हम क्या चूड़ियां पहन कर बैठे हैं। अगर दम है तो चीन पर सर्जिकल… pic.twitter.com/4fnrdIRYtd
— ANI_HindiNews (@AHindinews) May 30, 2023
ઓવૈસીએ કહ્યું, તેલંગાણામાં કોંગ્રેસના નેતાઓ કહે છે કે જો રાજ્યમાં તેમની સરકાર આવશે તો તેઓ 100 મતવિસ્તારોમાં રામ મંદિરો બનાવશે અને તેના નિર્માણ માટે 10 કરોડ રૂપિયા આપશે. છતાં ભાજપના નેતાઓ કહે છે કે મુસ્લિમોની ખુશામત થઈ રહી છે, મુસ્લિમોને ખુશ કરવામાં આવી રહ્યા છે. તેમણે કહ્યું કે, તેલંગાણાના મુસ્લિમોને કોઈ વાંધો નથી કે મંદિરોને પૈસા કેમ આપવામાં આવે છે. પૈસા આપવાના હોય તો બધાને પૈસા આપો અથવા કોઈને ના આપો.
બ્રાહ્મણ સદન બનાવવામાં આવ્યું છે, મારું ઇસ્લામિક સેન્ટર નથી બન્યું
આ દરમિયાન ઓવૈસીએ કહ્યું કે, સત્તારૂઢ બીઆરએસ સરકારે રાજ્યમાં બ્રાહ્મણ સદન બનાવ્યું છે, પરંતુ આજ સુધી મારું ઈસ્લામિક સેન્ટર નથી બન્યું. એક પોલીસકર્મીએ બુરખો પહેરેલી મુસ્લિમ મહિલાને થપ્પડ મારી હતી, તેના પર પણ રાજ્ય સરકાર તરફથી કોઈ નિવેદન આવ્યું નથી. તેણે કહ્યું, હદ ત્યારે થઈ ગઈ જ્યારે તે છોકરી સામે કેસ દાખલ કરવામાં આવ્યો. આ કેવો ન્યાય? તેમ છતાં ભાજપ અમારા પર આરોપ લગાવતી રહે છે.
તેમણે કહ્યું કે, જો ભાજપના લોકો ઓવૈસીનું નામ લઈને પેટ ભરવા માંગતા હોય તો મને તેમાં કોઈ વાંધો નથી. જો તેઓ તે કરવા માંગતા હોય, તો તેઓ તે કરી શકે છે, અમને તેની સાથે કોઈ વાંધો નથી.
ટ્રેન્ડિંગ સમાચાર
ટોપ સ્ટોરી
