Republic Day 2026: ગણતંત્ર દિવસમાં 'સિંદૂર' ફોર્મેશન, રાફેલ, Su-30, MiG-29, જગુઆર જેટ થશે સામેલ

77મા પ્રજાસત્તાક દિવસે રાષ્ટ્ર પરેડમાં લાંબા સમયથી રાહ જોવાતી એક ભવ્યતા જોશે

ફાઇલ તસવીર

Source : એબીપી અસ્મિતા

77મા પ્રજાસત્તાક દિવસે રાષ્ટ્ર પરેડમાં લાંબા સમયથી રાહ જોવાતી એક ભવ્યતા જોશે. ભારતીય વાયુસેના "સિંદૂર" ફોર્મેશનમાં તેના ફાઇટર જેટ ઉડાવશે. આ ફોર્મેશનમાં રાફેલ, સુખોઈ-30, મિગ-29 અને જગુઆર ફાઇટર જેટનો સમાવેશ થશે. આ ફોર્મેશનનો એક સ્કેચ સામે આવ્યો છે, જેનાથી રાષ્ટ્રને એ સમજવાની તક મળી છે કે ભારતીય ફાઇટર જેટએ પાકિસ્તાન અને પીઓકેમાં કાર્યરત આતંકવાદી સંગઠનો પર કેવી રીતે વિનાશ વેર્યો હતો.

Indian Air Force to fly the 'Sindoor' formation at the Republic Day parade, in which the fighter aircraft that took part in the Operation Sindoor would be flying. The formation would include two each of Rafales, Su-30s, and MiG-29s, along with a single Jaguar fighter. pic.twitter.com/rclyYyoiTw

— ANI (@ANI) January 22, 2026

"સિંદૂર" ફોર્મેશનમાં ઉડાન ભરનારા ફાઇટર જેટ

સમાચાર એજન્સી NAI અનુસાર, આ વર્ષે ભારતીય વાયુસેના (IAF) ફાઇટર જેટ મુખ્ય પ્રજાસત્તાક દિવસની પરેડ દરમિયાન "સિંદૂર" ફોર્મેશનમાં ઉડાન ભરશે. આ ફોર્મેશનમાં ઓપરેશન સિંદૂરમાં ભાગ લેનારા ફાઇટર જેટનો સમાવેશ થશે. આ ફોર્મેશનમાં બે રાફેલ, સુખોઈ-30 અને મિગ-29 ફાઇટર જેટ, તેમજ એક જગુઆર ફાઇટર જેટનો સમાવેશ થશે.

ઓપરેશન સિંદૂર ક્યારે થયું?

ભારતીય સશસ્ત્ર દળોએ 6-7 મે, 2025ની રાત્રે પાકિસ્તાન અને પાકિસ્તાન અધિકૃત કાશ્મીર (PoK) માં આતંકવાદી ઠેકાણાઓ પર હુમલો કરવા માટે ઓપરેશન સિંદૂર શરૂ કર્યું. શરૂઆતમાં આ ઓપરેશનમાં નવ સ્થળોએ જૈશ-એ-મોહમ્મદ અને લશ્કર-એ-તૈયબા જેવા આતંકવાદી સંગઠનોના ઠેકાણાઓનો નાશ કરવામાં આવ્યો હતો. જ્યારે પાકિસ્તાની સેનાએ 7-8 મે ની રાત્રે ભારત તરફ નજર ઉંચી કરવાની હિંમત કરી ત્યારે ભારતે વળતો હુમલો શરૂ કર્યો જેમાં 10 મે સુધીમાં ઘણા પાકિસ્તાની સેના અને વાયુસેનાના બેઝ પર સંપૂર્ણપણે નાશ પામ્યા હતા.  

ભારતીય સેનાના રાઇફલ-માઉન્ટેડ રોબોટ્સ

નવી દિલ્હીના કર્તવ્ય પથ પર પ્રજાસત્તાક દિવસના રિહર્સલ દરમિયાન ભારતીય સેનાના રોબોટિક ડૉગ્સનો એક વીડિયો વાયરલ થઈ રહ્યો છે. તેમાં સેનાના રોબોટિક ડૉગ્સ રાઇફલથી સજ્જ જોવા મળે છે. આવા ચાર પગવાળા રોબોટિક ડૉગ્સ પહેલા પણ જોવા મળ્યા છે, પરંતુ એસોલ્ટ રાઇફલ્સથી સજ્જ આ રોબોટ્સની ઝલક દુશ્મન છાવણીમાં ગભરાટ ફેલાવી શકે છે. ભારતીય સેનાએ તાજેતરમાં તેના શસ્ત્રો શસ્ત્રાગારમાં 100 રોબોટિક મ્યૂલ્સ  (મલ્ટિ-યુટિલિટી લેગ્ડ ઇક્વિપમેન્ટ) સામેલ કર્યા છે.