Air Pollution: હવે જો ખેતરમાં પરાળ સળગાવી તો ભારે પડી જશે! ભારત સરકારે વધતા પ્રદૂષણને રોકવા લીધો મોટો નિર્ણય

Air Pollution: જો કોઈ વ્યક્તિ 2 થી 5 એકર જમીનમાં પરાળ સળગાવતા પકડાશે, તો તેને 10,000 રૂપિયાનો દંડ કરવામાં આવશે, જો કોઈ વ્યક્તિ 5 એકરથી વધુ જમીન પર પરાળ સળગાવતા પકડાશે, તો તેને 30,000 રૂપિયાનો દંડ કરવામાં આવશે.

પરાળ

Source : PTI

Central Government Doubles Penalties For Stubble Burning: ભારત સરકારે વધતા પ્રદૂષણની સમસ્યાને રોકવા માટે એક મોટું પગલું ભર્યું છે. સરકારે પરાળ સળગાવવાના દંડમાં વધારો કર્યો છે. માહિતી અનુસાર, પ્રદૂષણને નિયંત્રણમાં રાખવા માટે, ભારત સરકારે બે એકરથી ઓછી જમીન પર પરાળ સળગાવવા પર 5000 રૂપિયા અને બે એકરથી વધુ જમીન પર 10000 રૂપિયાના દંડની જોગવાઈ કરી છે.

 

Centre Doubles Penalties for Stubble Burning

The government has increased fines for stubble burning. Farmers with under 2 acres will pay ₹5,000, those with 2-5 acres ₹10,000, and over 5 acres ₹30,000. pic.twitter.com/0hN5p9t2rg

— IANS (@ians_india) November 7, 2024

ભારત સરકારે આ અંગે ગેઝેટ નોટિફિકેશન પણ બહાર પાડ્યું છે. આ નોટિફિકેશનમાં સ્પષ્ટપણે કહેવામાં આવ્યું છે કે, જો કોઈ 2 થી 5 એકરમાં પરાળ સળગાવતું પકડાશે તો તેના પર 10,000 રૂપિયાનો દંડ વસૂલવામાં આવશે. તો બીજી તરફ, જો 5 એકરથી વધુ જમીન પર પરાળ સળગાવતા પકડાશે તો 30,000 રૂપિયાનો દંડ વસૂલવામાં આવશે. આ અગાઉ, દંડ અનુક્રમે 2,500, 5,000 અને 15,000 રૂપિયા નક્કી કરવામાં આવ્યો હતો.

નવા નિયમને બુધવારે જ મંજૂરી આપવામાં આવી હતી

સૂત્રોના જણાવ્યા અનુસાર, કેન્દ્ર સરકારે બુધવારે જ (6 નવેમ્બર 2024) ના રોજ પરાળ સળગાવવા માટે દંડ વધારવાનો નિર્ણય લીધો હતો, પરંતુ તેનું નોટિફિકેશન ગુરુવારે એટલે કે 7 નવેમ્બરે જારી કરવામાં આવ્યું હતું. આ સિવાય એન્વાયર્નમેન્ટ પ્રોટેક્શન એક્ટ (EPA), 1986 હેઠળ ફરિયાદ દાખલ કરવા અને તપાસ કરવા જેવી બાબતોમાં નવા નિયમો ઉમેરવામાં આવ્યા છે.

નવો નિયમ કોઈપણ પરામર્શ વિના તરત જ અમલમાં આવશે

ઈન્ડિયન એક્સપ્રેસના અહેવાલ મુજબ, નેશનલ કેપિટલ રિજન એન્ડ એડજોઈંગ એરિયાઝ એક્ટ, 2021માં એર ક્વોલિટી મેનેજમેન્ટ કમિશન હેઠળ સુધારેલા નિયમોને સૂચિત કરવામાં આવ્યા છે અને ડ્રાફ્ટ પર જાહેર પરામર્શ વિના તરત જ અમલમાં આવશે.

તેમજ ફરિયાદ દાખલ કરવાની પ્રક્રિયા વિશે પણ માહિતી આપી હતી

આ ઉપરાંત, સરકારે પર્યાવરણ સુરક્ષા (તપાસની પદ્ધતિ અને દંડ લાદવાની પદ્ધતિ) નિયમો, 2024 સંબંધિત સૂચના પણ બહાર પાડી છે. જેમાં પોલ્યુશન કંટ્રોલ બોર્ડ, એર ક્વોલિટી મેનેજમેન્ટ કમિશન અને કેન્દ્રીય પર્યાવરણ મંત્રાલયના કાર્યાલયોમાં ફરિયાદો દાખલ કરવાની પ્રક્રિયાને વિગતવાર સમજાવવામાં આવી છે. જેમાં પર્યાવરણીય પ્રદૂષણ સામેની ફરિયાદોની તપાસ અને આવી ફરિયાદો પર નિર્ણય લેવાની પ્રક્રિયા પણ સમજાવવામાં આવી હતી.

આ પણ વાંચો...