CAA વિરોધઃ UPના 11 જિલ્લાઓમાં ઇન્ટરનેટ બંધ, ગાજિયાબાદમાં 3600 લોકો પર કેસ

Background

લખનઉઃ ઉત્તર પ્રદેશના ગાજિયાબાદમાં વિરોધ પ્રદર્શનના આરોપમાં 3600 લોકો પર કેસ દાખલ કરવામાં આવ્યો છે. જેમાંથી 400થી વધુ લોકોની ઓળખ કરાઇ છે જ્યારે 3200 અજ્ઞાત લોકો પર કેસ દાખલ કરાયો છે. પોલીસ આરોપીની ઓળખ કરી રહી છે.પ્રદર્શનકારીઓને ભડકાવવા પર અનેક સપા નેતાઓ પર કેસ દાખલ કરવામાં આવ્યો છે. અહીં પણ પોલીસે 65 લોકોની ધરપકડ કરી હતી.

12:37 PM (IST)  •  21 Dec 2019

ઉત્તર પ્રદેશની સ્થિતિને જોતા મુખ્યમંત્રી યોગી આદિત્યનાથે પોતાના તમામ કાર્યક્રમો રદ કર્યા છે. મુખ્યમંત્રી આજે અમેઠીની મુલાકાતે જવાના હતા પરંતુ તેમણે પ્રવાસ રદ કર્યો છે. નાયબ મુખ્યમંત્રી કેશવ મૌર્યએ પણ પોતાના તમામ કાર્યક્રમો રદ કરી દીધા છે.

12:35 PM (IST)  •  21 Dec 2019

નાગરિકતા સંશોધન કાયદા વિરુદ્ધ ચાલી રહેલા પ્રદર્શનો વચ્ચે ચૂંટણી રણનીતિકાર અને જેડીયુ નેતા પ્રશાંત કિશોરે કહ્યુ કે, કોગ્રેસ આ પ્રદર્શનમાં રસ્તા પર જોવા મળી રહી નથી. પાર્ટીના મોટા નેતાઓ ગુમ છે. જે મુખ્યમંત્રીઓ પોતાના રાજ્યમાં એનઆરસી લાગુ નહી કરે તેમને સમર્થન કોગ્રેસ શાસિત રાજ્યોના મુખ્યમંત્રીઓને સાથે રાખે તેવું કામ કોગ્રેસ કરી શકે છે નહી તો કોગ્રેસના નિવેદનનો કોઇ અર્થ નથી.

12:33 PM (IST)  •  21 Dec 2019

જૌનપુરમાં 14 લોકો વિરુદ્ધ એફઆઇઆર દાખલ કરાઇ છે. ભદોહીમાં 200, બહરાઇચમાં 2200 લોકો વિરુદ્ધ એફઆઇઆર દાખલ કરાઇ છે.

12:32 PM (IST)  •  21 Dec 2019

ઉત્તર પ્રદેશમાં શુક્રવારે વિરોધ બાદ શનિવારે લખનઉ, બ્રિજનૌર, મેરઠ, ફિરોઝાબાદ, કાનપુર, સંભલ. મુરાદાબાદ, મુઝફ્ફરનગર, હાથરસ અને બુલંદશહેરમાં ઇન્ટરનેટ બંધ છે. અલીગઢ, દેવબંધ, બરેલી, આઝમગઢ, સહારનપુર અને બ્રિજનૌરમાં સ્થિતિ સામાન્ય છે અલીગઢમાં ત્રણ લોકોની ધરપકડ કરાઇ છે. બુલંદશહેરમાં 19 લોકો વિરુદ્ધ એફઆઇઆર દાખલ કરાઇ છે. જ્યારે 700-800 અજ્ઞાત લોકો વિરુદ્ધ એફઆઇઆર દાખલ કરાઇ છે.

12:29 PM (IST)  •  21 Dec 2019

Bihar: RJD (Rashtriya Janata Dal) workers hold protest in Patna. RJD has called a bandh in Bihar today against the… https://t.co/4551mgVIbG