શું અમેરિકા અને ઈરાન વચ્ચે યુદ્ધનો અંત આવશે? ઈરાનના એક નિર્ણયથી જાગી આશા

28 ફેબ્રુઆરીથી ચાલી રહેલા યુદ્ધ અને હોર્મુઝ સ્ટ્રેટની નાકાબંધી વચ્ચે, પાકિસ્તાનની મધ્યસ્થીથી બંને દેશો કામચલાઉ શાંતિ કરાર પર પહોંચવાના પ્રયાસમાં છે.

iran response to us proposal pakistan mediation end war 2026 update

Source : Social Media

Show Quick Read

Key points generated by AI, verified by newsroom

• ઈરાને પાકિસ્તાન મારફતે અમેરિકાને શાંતિ પ્રસ્તાવનો જવાબ આપ્યો.
• હાલ યુદ્ધ રોકવા અને હોર્મુઝ સ્ટ્રેટ પર કામચલાઉ કરાર ચર્ચા હેઠળ.
• વૈશ્વિક ઊર્જા સંકટમાંથી રાહત મળવાની આશા જાગી છે.
• 28 ફેબ્રુઆરીથી અમેરિકા-ઈરાન વચ્ચે સંઘર્ષ ચાલી રહ્યો છે.

US Iran war end 2026: મધ્ય પૂર્વમાં 28 ફેબ્રુઆરીથી અમેરિકા અને ઈરાન વચ્ચે ચાલી રહેલા ભયંકર યુદ્ધનો અંત આવવાની આશા જાગી છે. બંને દેશો વચ્ચે શાંતિ કરાર માટેના પ્રયાસો હવે તેજ બન્યા છે. ઈરાને અમેરિકાના શાંતિ પ્રસ્તાવનો જવાબ પાકિસ્તાન મારફતે મોકલી આપ્યો છે. હાલમાં બંને દેશો વચ્ચે યુદ્ધ રોકવા અને હોર્મુઝ સ્ટ્રેટ (દરિયાઈ માર્ગ) ફરી શરૂ કરવા માટે કામચલાઉ કરાર પર ચર્ચા ચાલી રહી છે. જો આ કરાર સફળ થશે, તો મધ્ય પૂર્વના દેશો પર નિર્ભર રહેતી દુનિયાને સર્જાયેલી ઊર્જા કટોકટીમાંથી મોટી રાહત મળી શકે છે.

પાકિસ્તાન મારફતે ઈરાને મોકલ્યો જવાબ

રોઇટર્સ ન્યૂઝ એજન્સીએ ઈરાનની સરકારી ન્યૂઝ એજન્સી IRNA ના હવાલાથી એક મોટું અપડેટ આપ્યું છે. રિપોર્ટ મુજબ, 2 મહિનાથી વધુ સમયથી ચાલી રહેલા આ યુદ્ધને રોકવા માટે અમેરિકાએ જે પ્રસ્તાવ મૂક્યો હતો, તેનો જવાબ ઈરાને આપી દીધો છે. આ જવાબ પાકિસ્તાન દ્વારા મોકલવામાં આવ્યો છે, જે આ સમગ્ર મામલામાં મધ્યસ્થી તરીકે મોટી ભૂમિકા ભજવવાનો દાવો કરી રહ્યું છે. સૂત્રોના જણાવ્યા અનુસાર, ઈરાને પોતાના પ્રસ્તાવમાં સ્પષ્ટ કર્યું છે કે હાલની વાટાઘાટો માત્ર આ વિસ્તારમાં ચાલી રહેલા સંઘર્ષ અને હિંસાને રોકવા પૂરતી જ સીમિત રહેશે.

કામચલાઉ કરાર (MOU) પર પહોંચવાનો પ્રયાસ

રોઇટર્સના રિપોર્ટમાં બંને પક્ષોની માહિતીના આધારે જણાવાયું છે કે, આ લેટેસ્ટ શાંતિ પ્રયાસોનો મુખ્ય હેતુ યુદ્ધને તાત્કાલિક અટકાવવાનો અને હોર્મુઝ સ્ટ્રેટમાં જહાજોની અવરજવર ફરીથી શરૂ કરવા માટે કોઈ કામચલાઉ કરાર (MOU) પર સહી કરવાનો છે. એકવાર આ કામચલાઉ કરાર થઈ જાય, ત્યારબાદ ઈરાનના પરમાણુ કાર્યક્રમ જેવા વધુ જટિલ અને મોટા વિવાદો ઉકેલવા માટે ભવિષ્યમાં વ્યાપક ચર્ચાઓ કરવામાં આવશે.

કેવી રીતે શરૂ થયું હતું આ યુદ્ધ?

તમને જણાવી દઈએ કે, 28 ફેબ્રુઆરીના રોજ અમેરિકા અને ઈઝરાયલે સંયુક્ત રીતે ઈરાન પર એક મોટો હુમલો કર્યો હતો. આ હુમલામાં ઈરાનના તત્કાલીન સુપ્રીમ લીડર આયાતુલ્લાહ ખામેનીની હત્યા કરવામાં આવી હતી. ત્યારબાદ તેમના પુત્ર મોજતબા ખામેનીએ સુપ્રીમ લીડર તરીકે સત્તા સંભાળી હતી. આ ઘટના પછી ઈરાને અમેરિકા અને ઈઝરાયલ દ્વારા કરવામાં આવેલા દરેક હુમલાનો બદલો લીધો છે.

સાથે જ, ઈરાને હોર્મુઝ સ્ટ્રેટની નાકાબંધી કરી દેતા દુનિયાભરના દેશોને આર્થિક સંકટમાં ધકેલી દીધા છે. 10 મે સુધીની સ્થિતિ મુજબ, અમેરિકા અને ઈરાન હાલમાં એક નાજુક યુદ્ધવિરામ (સીઝફાયર) ની સ્થિતિમાં અટવાયેલા છે. બંને દેશો શાંતિ કરાર સુધી પહોંચવા પ્રયાસ કરી રહ્યા છે, જોકે આ અગાઉ પાકિસ્તાનના ઈસ્લામાબાદમાં યોજાયેલી શાંતિ મંત્રણા કોઈ પણ નક્કર પરિણામ વિના જ સમાપ્ત થઈ ગઈ હતી.