ક્યા દેશના વડાપ્રધાને મોદીને પોતાના દેશની સૌથી લોકપ્રિય વ્યક્તિ ગણાવીને પોતાની પાર્ટીમાં જોડાવા આપ્યું નિમંત્રણ ?

આ દરમિયાન ઈઝરાયલના નવનિયુક્ત વડાપ્રધાન નફ્તાલી બેનેટ સાથે પીએમ મોદીએ મુલાકાત કરી હતી..

Modi_with_naftali_bennet

નવી દિલ્હીઃ ઈટાલી અને બ્રિટનનો પ્રવાસ પૂર્ણ કર્યા બાદ PM મોદી આજે સવારે 8.15 વાગ્યે દિલ્હી પહોંચ્યા હતા. ભારતીય સમય અનુસાર પીએમ મોદીએ મંગળવારે રાત્રે 11 વાગ્યે ગ્લાસગોથી દિલ્હી માટે ઉડાન ભરી હતી. ગ્લાસગોથી ભારત જતા પહેલા ભારતીય મૂળના લોકો પીએમ મોદીને વિદાય આપવા માટે મોટી સંખ્યામાં ડ્રમ સાથે પહોંચ્યા હતા, લોકોની વિનંતી પર પીએમ મોદીએ પણ ડ્રમ વગાડ્યું હતું.

ગ્લાસગોમાં સંબોધન દરમિયાન પીએમ મોદીએ કહ્યું, માનવતાને બચાવવા માટે આપણે સૂર્ય સાથે ચાલવું પડશે. પીએમ મોદીએ વિશ્વ માટે જરૂરી એક સૂર્ય, એક વિશ્વ, એક ગ્રીડનું સૂત્ર આપ્યું હતું. વડાપ્રધાન નરેન્દ્ર મોદીએ ક્લાઈમેટ સમિટમાં વિશ્વના અનેક નેતાઓ સાથે બે દિવસની તીવ્ર ચર્ચામાં ભાગ લીધો હતો. આ દરમિયાન તેમણે કહ્યું કે ભારતે માત્ર પેરિસની પ્રતિબદ્ધતાઓ પાર નથી કરી, પરંતુ હવે આગામી 50 વર્ષ માટે મહત્વાકાંક્ષી એજન્ડા પણ નક્કી કર્યો છે.

આ દરમિયાન ઈઝરાયલના નવનિયુક્ત વડાપ્રધાન નફ્તાલી બેનેટ સાથે પીએમ મોદીએ મુલાકાત કરી હતી.. વડાપ્રધાન મોદી સાથે વિવિધ પ્રસંગે તેમની કેટલીક તસવીરો અને વીડિયો પણ સામે આવ્યા છે જે બંને નેતાઓની સારી મિત્રતા અને સંબંધો દર્શાવે છે. એક સમયે મુલાકાત દરમિયાન ઈઝરાયલી પીએમ નફ્તાલી બેનેટે વડાપ્રધાન મોદીને કહ્યું કે, તમે ઈઝરાયલમાં સૌથી વધારે લોકપ્રિય છો. તમે મારી પાર્ટી જોઈન કરી લો.

Enhancing friendship with Israel.

Prime Ministers @narendramodi and @naftalibennett had a fruitful meeting in Glasgow. Both leaders discussed deepening various avenues of cooperation for the benefit of our citizens. pic.twitter.com/QnzdCmgijT

— PMO India (@PMOIndia) November 2, 2021

આ બધા વચ્ચે વડાપ્રધાન નરેન્દ્ર મોદીએ ગ્લાસગો ખાતે COP-26 સંમેલનથી અલગ ઈઝરાયલી વડાપ્રધાન નફ્તાલી બેનેટ સાથે દ્વિપક્ષીય વાર્તા પણ કરી હતી. આ દરમિયાન ઈઝરાયલી પીએમ બેનેટે વડાપ્રધાન મોદીની પ્રશંસા કરતી વખતે તમે ઈઝરાયલમાં સૌથી લોકપ્રિય વ્યક્તિ છો તેમ કહ્યું હતું. આ ઉપરાંત મજાકમાં જ તેમણે વડાપ્રધાન મોદીને પોતાની પાર્ટીમાં સામેલ થવાનું નિમંત્રણ પણ આપ્યું હતું.

Excellent meeting with @NarendraModi at @COP26.

Narendra, I want to thank you for your historic role in shaping the ties between our countries.

Together, we can bring India-Israel relations to a whole new level and build a better & brighter future for our nations.
🇮🇱🤝🇮🇳 pic.twitter.com/sfRk7cNA7d

— Prime Minister of Israel (@IsraeliPM) November 2, 2021