આવી ગઇ સૌથી વધુ ગુસ્સાવાળા દેશોની યાદી, ટૉપ-5 માં છે મુસ્લિમ દેશો, જાણો ભારતનો નંબર
World Angriest Country: લેબનાન સિવાય તુર્કી 48 ટકા સાથે બીજા સ્થાને છે. જે ગત વર્ષે આવેલા ભૂકંપના કારણે સર્જાયેલી તબાહી અને આર્થિક સંકટના કારણે આજ સુધી પુનઃપ્રાપ્ત થઈ શક્યું નથી
World Angriest Country: વિશ્વના વિવિધ દેશોમાં રહેતા નાગરિકોને લગતા અનેક પ્રકારની યાદીઓ આવતી રહે છે, જેમ કે હેપ્પીનેસ ઈન્ડેક્સ યાદી, શ્રીમંત દેશોની યાદી, ગરીબ દેશોની યાદી વગેરે. આવી જ બીજી યાદી બહાર આવી છે, જે ગુસ્સા પર આધારિત છે. આ યાદી ગેલપ દ્વારા તૈયાર કરવામાં આવી છે. 2024 ગ્લૉબલ ઈમૉશન્સ રિપૉર્ટ અનુસાર, લેબનાન વિશ્વના સૌથી ક્રોધિત - ગુસ્સાવાળા દેશોની યાદીમાં પ્રથમ ક્રમે છે. તેની લગભગ 49% વસ્તીએ ગુસ્સાની લાગણી દર્શાવી. આ આંકડો દેશમાં ચાલી રહેલી રાજકીય, આર્થિક અને સામાજિક કટોકટીની ગંભીરતા દર્શાવે છે.
હાલમાં લેબનાન ઇઝરાયેલ સાથે ચાલી રહેલા યુદ્ધમાં ફસાયેલું છે, જેના કારણે ત્યાંના લોકો ખૂબ જ નિરાશ છે. આ સમયગાળા દરમિયાન ઇઝરાયેલના હુમલામાં લગભગ 3000 લોકોના મોત થયા છે, જેના કારણે દેશમાં વિનાશક આર્થિક પરિસ્થિતિને કારણે લોકોમાં વ્યાપક અસંતોષ ફેલાયો છે. કોમી વિભાજન અને સંઘર્ષોએ સમાજને વધુ અસ્થિર બનાવ્યો છે.
ગુસ્સા વાળા દેશોની યાદીમાં ભારતની સ્થિતિ
લેબનાન સિવાય તુર્કી 48 ટકા સાથે બીજા સ્થાને છે. જે ગત વર્ષે આવેલા ભૂકંપના કારણે સર્જાયેલી તબાહી અને આર્થિક સંકટના કારણે આજ સુધી પુનઃપ્રાપ્ત થઈ શક્યું નથી. ત્રીજા નંબર પર આર્મેનિયા છે. જે તાજેતરના સમયમાં નાગોર્નો-કારાબાખ સંઘર્ષ અને પ્રાદેશિક અસ્થિરતાથી પરેશાન છે. આ સિવાય ઈરાક, અફઘાનિસ્તાન, જોર્ડન, માલી અને સિએરા લિયૉન પણ આ યાદીમાં સામેલ છે. જો કે આ યાદીમાં ભારત કયો નંબર છે તેની માહિતી ઉપલબ્ધ નથી.
લેબનાનમાં ગુસ્સો વધવાનું કારણ
લેબનાનમાં ગુસ્સો વધવાનું સૌથી મોટું કારણ હિઝબુલ્લાહનો પ્રભાવ છે. તેની લશ્કરી અને રાજકીય શક્તિએ શાસન પ્રણાલીને નબળી બનાવી. ઇઝરાયેલ સાથે વધતા તણાવથી લેબનીઝ લોકોમાં અસલામતી વધી છે. આ કારણે દેશ 2024 માં 6.6% આર્થિક ઘટાડાનો સામનો કરી રહ્યો છે. લેબનાન, જે એક સમયે મધ્ય પૂર્વનું સ્વિટ્ઝર્લેન્ડ કહેવાતું હતું, તે હવે રાજકીય અને આર્થિક અસ્થિરતાનું પ્રતીક બની ગયું છે.
આ પણ વાંચો
મહારાષ્ટ્રમાં કેમ 'ગૃહયુદ્ધ' થઈ રહ્યું છે? જાણો શું છે એકનાથ શિંદેની નારાજગીનું સાચું કારણ
ટોપ સ્ટોરી
ટ્રેન્ડિંગ સમાચાર
