![ABP Premium](https://cdn.abplive.com/imagebank/Premium-ad-Icon.png)
Monkeypox: શું કોરોનાની જેમ ભારતમાં કહેર વર્તાવશે મંકી પોક્સ? કેન્દ્ર સરકારે આપ્યો જવાબ
Monkeypox Infection: જાન્યુઆરી 2022 થી ભારતમાં મંકીપોક્સના માત્ર 30 કેસ નોંધાયા છે. તાજેતરમાં કેરળમાં એમપોક્સનો એક કિસ્સો પ્રકાશમાં આવ્યો છે.
![Monkeypox: શું કોરોનાની જેમ ભારતમાં કહેર વર્તાવશે મંકી પોક્સ? કેન્દ્ર સરકારે આપ્યો જવાબ monkeypox-infection-central-government-considering-taking-extra-precautions Monkeypox: શું કોરોનાની જેમ ભારતમાં કહેર વર્તાવશે મંકી પોક્સ? કેન્દ્ર સરકારે આપ્યો જવાબ](https://feeds.abplive.com/onecms/images/uploaded-images/2024/08/17/fb0ea0cf0973bf546a28dec89ff396be1723886350870397_original.jpg?impolicy=abp_cdn&imwidth=1200&height=675)
Monkeypox Virus Infection: મધ્ય અને પૂર્વ આફ્રિકામાં મંકીપોક્સના કેસ ઝડપથી વધી રહ્યા છે. કેસોમાં વધારાને ધ્યાનમાં રાખીને, WHOએ આ ચેપી રોગને જાહેર આરોગ્ય કટોકટી તરીકે જાહેર કર્યો છે. આ રોગનો ભય હવે ભારતના લોકોને પણ સતાવી રહ્યો છે. થોડા વર્ષો પહેલા કોવિડ-19ના ભયંકર સંક્રમણનો ડર હજુ પણ લોકોના મનમાં છે, જેના કારણે લોકોમાં એવો ડર છે કે MPox પણ કોવિડ-19 જેવો સાબિત થઈ શકે છે.
જો કે, કેન્દ્રીય સ્વાસ્થ્ય મંત્રાલયે આ આશંકાઓને ફગાવી દીધી છે. તેમ છતાં આરોગ્ય મંત્રાલયનું કહેવું છે કે આ રોગ ફેલાવાનું જોખમ ઓછું છે. ભારત સરકાર વધારાની સાવચેતી રાખવાનું વિચારી રહી છે. જાન્યુઆરી 2022 થી ભારતમાં મંકીપોક્સના માત્ર 30 કેસ નોંધાયા છે. તાજેતરમાં કેરળમાં એમપોક્સનો એક કિસ્સો પ્રકાશમાં આવ્યો છે.
MPOX ના લક્ષણો શું છે?
Mpox એક ચેપી રોગ છે જે વાયરસના સંપર્કમાં આવવાથી થાય છે. વાયરસના પ્રારંભિક લક્ષણોમાં તાવ, માથાનો દુખાવો, સોજો, કમરનો દુખાવો અને સ્નાયુઓમાં દુખાવો છે. આ પછી, જ્યારે દર્દીનો તાવ ઓછો થાય છે, ત્યારે તેના શરીર પર ફોલ્લીઓ દેખાય છે. આ સમગ્ર શરીરના વિવિધ ભાગોમાં ફેલાય છે. ચેપ સામાન્ય રીતે તેના પોતાની રીત જ દૂર થાય છે અને 14 થી 21 દિવસની વચ્ચે રહે છે. ગંભીર કિસ્સાઓમાં, ઘા આખા શરીરમાં અને ખાસ કરીને મોં, આંખો અને જનનાંગો પર થાય છે. આ વાયરસ આંખો, શ્વસનતંત્ર, નાક અથવા મોં દ્વારા શરીરમાં પ્રવેશી શકે છે.
રોગનું કારણ શું છે?
આ એમપોક્સ વાયરસથી સંક્રમિત પ્રાણીઓ જેમ કે વાંદરાઓ, ઉંદરો અને ખિસકોલીઓના સંપર્કમાં આવવાથી પણ થઈ શકે છે. આનાથી સૌથી વધુ પ્રભાવિત એવા લોકો છે જેઓ એકથી વધારે ભાગીદારો સાથે શારીરિક સંબંધો ધરાવે છે અથવા ગે છે. યૌન રીતે સક્રિય લોકો પણ આ રોગનું લક્ષ્ય છે.
આ વખતે ડીઆર કોંગોમાં મંકી પોક્સ વાયરસના ફેલાવાનું કારણ અતિશય જાતીય સંપર્ક છે, પરંતુ તે અન્ય સમુદાયોમાં પણ જોવા મળ્યું છે. 1970માં ડીઆર કોંગોમાં મંકી પોક્સનો પ્રથમ કેસ નોંધાયો હતો.
આ પણ વાંચો...
Physical Intimacy: શું શારીરિક સંબંધ બાંધવાથી બિમારીઓમાં રાહત મળે છે? જાણો શું છે સત્ય
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)
![gujarati.abplive.com](https://cdn.abplive.com/imagebank/editor.png)