ચોર ચોરી કરવા માટે ફ્લેટમાં ઘૂસ્યો, કંઈ કિંમતી વસ્તુ ન મળતા મહિલાને Kiss કરી ભાગ્યો

મુંબઈના મલાડમાં એક અજીબ ઘટના સામે આવી છે.  જ્યારે ચોર ચોરી કરવા માટે ઘરમાં ઘૂસ્યો હતો અને તેને કોઈ કિંમતી સામાન ન મળ્યો તો આરોપીએ ઘરમાં હાજર મહિલાને કિસ કરી અને ભાગી ગયો.

પ્રતિકાત્મક તસવીર

Source : ABPLIVE AI

Mumbai News: મુંબઈના મલાડમાં એક અજીબ ઘટના સામે આવી છે.  જ્યારે ચોર ચોરી કરવા માટે ઘરમાં ઘૂસ્યો હતો અને તેને કોઈ કિંમતી સામાન ન મળ્યો તો આરોપીએ ઘરમાં હાજર મહિલાને કિસ કરી અને ભાગી ગયો. આ અંગેની માહિતી મળતાં પોલીસે ફરિયાદ નોંધી આરોપીની ધરપકડ કરી હતી.

ફરિયાદ અનુસાર, મલાડના કુરારમાં જ્યારે મહિલાએ ચોરને કહ્યું કે તેના ઘરમાં કોઈ કિંમતી સામાન નથી, તો આરોપીએ તેને કિસ કરી અને ભાગી ગયો. પોલીસે જણાવ્યું કે છેડતી અને લૂંટના પ્રયાસના આરોપમાં એક વ્યક્તિની ધરપકડ કરવામાં આવી હતી, પરંતુ તેને નોટિસ અપાયા બાદ છોડી દેવામાં આવ્યો હતો. આ ઘટના 3 જાન્યુઆરીએ મલાડના કુરાર વિસ્તારમાં બની હતી.

ફરિયાદીએ શું કહ્યું ?

38 વર્ષીય ફરિયાદીના જણાવ્યા મુજબ, તે ઘરમાં એકલી હતી જ્યારે આરોપી ઘરમાં ઘૂસી ગયો અને દરવાજો અંદરથી બંધ કરી દીધો. આ પછી તેણે તેને પકડીને તમામ કિંમતી સામાન, રોકડ, મોબાઈલ અને એટીએમ કાર્ડ આપવા કહ્યું હતું.  જો કે, જ્યારે મહિલાએ કહ્યું કે તેના ઘરમાં કોઈ કિંમતી સામાન નથી, તો આરોપીએ તેને કિસ કરી અને ભાગી ગયો.

ગુનાહિત રેકોર્ડ નથી- પોલીસ 

બાદમાં મહિલાએ કુરાર પોલીસ સ્ટેશનનો સંપર્ક કર્યો, જેના પગલે ભારતીય ન્યાય સંહિતા (BNS)ની સંબંધિત કલમો હેઠળ કેસ નોંધવામાં આવ્યો. ફરિયાદ બાદ તે જ સાંજે આરોપીની ધરપકડ કરવામાં આવી હતી. પોલીસે જણાવ્યું કે તે આ જ વિસ્તારનો રહેવાસી છે.

એક પોલીસ અધિકારીએ જણાવ્યું હતું કે કેસની તપાસ કરવામાં આવી રહી છે અને ઉમેર્યું હતું કે આરોપીનો અગાઉનો કોઈ ગુનાહિત રેકોર્ડ નથી. અધિકારીએ જણાવ્યું કે આરોપી તેના પરિવાર સાથે રહે છે અને હાલમાં બેરોજગાર છે.