મહારાષ્ટ્ર: કૉંગ્રેસ-NCP વચ્ચે બેઠકોની વહેંચણી, જાણો કેટલી બેઠકો પર લડશે ચૂંટણી

2014ની વિધાનસભા ચૂંટણીમાં કૉંગ્રેસ-એનસીપીને હરાવી ભાજપ સત્તામાં આવ્યું હતું. આ ચૂંટણીમાં ભાજપે પોતાના દમ પર 122 બેઠકો પર જીત મેળવી હતી.

મુંબઈ: મહારાષ્ટ્ર વિધાનસભા ચૂંટણી માટે કૉંગ્રેસ-એનસીપી વચ્ચે બેઠકોની વહેંચણી થઇ ગઇ છે. બંને પાર્ટીઓ 125-125 બેઠકો પર ચૂંટણી લડશે. આજે રાષ્ટ્રવાદી કૉંગ્રેસ પાર્ટીના અધ્યક્ષ શરદ પવારે કહ્યું, કૉંગ્રેસ-એનસીપી વિધાનસભા ચૂંટણીમાં 125-125 બેઠકો પર ચૂંટણી લડશે, જ્યારે 38 બેઠકો સહયોગી પાર્ટીઓને આપવામાં આવશે. મહારાષ્ટ્ર વિધાનસભામાં 288 બેઠકો છે.

Sharad Pawar, Nationalist Congress Party (NCP) Chief: Seats to be contested by Congress and NCP in the Maharashtra Assembly Elections are yet to be discussed and decided. https://t.co/cAjK3ilBok

— ANI (@ANI) September 16, 2019

એનસીપી સુપ્રીમો શરદ પવારે 10 સપ્ટેમ્બરે મહારાષ્ટ્ર વિધાનસભા ચૂંટણીમાં બેઠકોની વહેંચણીના મુદ્દા પર કોંગ્રેસના અંતરિમ અધ્યક્ષ સોનિયા ગાંધી સાથે ચર્ચા કરી હતી. આ મામલે એક વરિષ્ઠ નેતાએ કહ્યું કે, બંને નેતાઓએ રાજ્યની સત્તારૂઢ ભાજપ-શિવસેના ગઠબંધનને રોકવા માટે કોંગ્રેસ અને એનસીપીની વચ્ચે ગઠબંધનના મુદ્દે વાતચીત કરી હતી. આ ગઠબંધનમાં સ્થાનિક પાર્ટીઓને પણ સામેલ કરવામાં આવશે. 2014ની વિધાનસભા ચૂંટણીમાં કૉંગ્રેસ-એનસીપીને હરાવી ભાજપ સત્તામાં આવ્યું હતું. આ ચૂંટણીમાં ભાજપે પોતાના દમ પર 122 બેઠકો પર જીત મેળવી હતી. જ્યારે શિવસેનાને 63 બેઠક પર જીત મળી હતી. કોંગ્રેસે 42 અને એનસીપીને 41 બેઠકો પર જીત મેળવી હતી.