નીતીશ કુમારના પુત્ર નિશાંત બન્યા સ્વાસ્થ્ય મંત્રી, બિહારમાં કરાઈ ખાતાઓની ફાળવણી 

બિહારમાં મંત્રીમંડળના વિસ્તરણ બાદ મંત્રીઓને વિભાગોની ફાળવણી કરવામાં આવી છે.  નીતીશ કુમારના પુત્ર નિશાંત કુમારને આરોગ્ય મંત્રી બનાવવામાં આવ્યા છે.

બિહારમાં મંત્રીઓને વિભાગોની ફાળવણી

Source : તસવીર સોશિયલ મીડિયા

બિહારમાં મંત્રીમંડળના વિસ્તરણ બાદ મંત્રીઓને વિભાગોની ફાળવણી કરવામાં આવી છે.  નીતીશ કુમારના પુત્ર નિશાંત કુમારને આરોગ્ય મંત્રી બનાવવામાં આવ્યા છે. ભાજપના વિજય સિંહાને કૃષિ મંત્રી બનાવવામાં આવ્યા છે. સમ્રાટ ચૌધરીની આગેવાની હેઠળની સરકારનું મંત્રીમંડળ વિસ્તરણ ગુરુવારે (7 મે) થયું હતું. ભૂતપૂર્વ મુખ્યમંત્રી નીતિશ કુમારના પુત્ર નિશાંત કુમાર અને અન્ય 31 નેતાઓએ મંત્રી તરીકે શપથ લીધા હતા.

લેશી સિંહને મકાન બાંધકામ, રામ કૃપાલ યાદવને સહકારી અને નીતિશ મિશ્રાને શહેરી વિકાસ અને ગૃહનિર્માણ અને માહિતી ટેકનોલોજી વિભાગ સોંપવામાં આવ્યો છે. દામોદર રાવત પરિવહન વિભાગ સંભાળશે.

સંજય સિંહ ટાઇગરને ઉચ્ચ શિક્ષણ અને કાયદો વિભાગ, અશોક ચૌધરીને ખાદ્ય અને ગ્રાહક સુરક્ષા વિભાગ અને ભગવાન સિંહ કુશવાહાને આયોજન અને વિકાસ વિભાગ સોંપવામાં આવ્યો છે. અરુણ શંકર પ્રસાદ શ્રમ સંસાધન, પ્રવાસી શ્રમિક કલ્યાણ, યુવા, રોજગાર અને કૌશલ્ય વિકાસ વિભાગ સંભાળશે. મદન સહનીને આબકારી અને નોંધણી વિભાગ અને ડૉ. સંતોષ કુમાર સુમનને લઘુ જળ સંસાધન વિભાગ સોંપવામાં આવ્યો છે.

Bihar Cabinet portfolios | CM Samrat Choudhary keeps General Administration, Home, Cabinet Secretariat, Vigilance, Civil Aviation. All such departments that have not been allocated to anyone.

Deputy CM Vijay Kumar Chaudhary gets Water Resources and Parliamentary Affairs.… pic.twitter.com/CZ2x7dRRo0

— ANI (@ANI) May 7, 2026

રમા નિવાસને સામાજિક કલ્યાણ વિભાગ, રત્નેશ સાદાને આપત્તિ વ્યવસ્થાપન વિભાગ અને કુમાર શૈલેન્દ્રને માર્ગ બાંધકામ વિભાગ આપવામાં આવ્યો છે. શીલા કુમારી વિજ્ઞાન અને ટેકનિકલ શિક્ષણ, કેદાર પ્રસાદ ગુપ્તા પ્રવાસન વિભાગ સંભાળશે. સુનિલ કુમારને ગ્રામીણ બાંધકામ, શ્રેયસી સિંહને ઉદ્યોગ અને રમતગમત અને મોહમ્મદ જામા ખાનને અલ્પસંખ્ય  કલ્યાણ ખાતું સોંપવામાં આવ્યું છે.

આ પણ વાંચો- મમતા બેનર્જી હવે મુખ્યમંત્રી નહીં, પશ્ચિમ બંગાળના રાજ્યપાલે વિધાનસભા ભંગ કરી 

નિશાંતે લગભગ બે મહિના પહેલા સક્રિય રાજકારણમાં પ્રવેશ કર્યો હતો જ્યારે તેમના પિતા નીતિશ કુમારે મુખ્યમંત્રી પદેથી રાજીનામું આપીને રાજ્યસભાના સભ્ય બનવાનો ઇરાદો જાહેર કર્યો હતો. ગયા મહિને ભાજપના નેતા સમ્રાટ ચૌધરી મુખ્યમંત્રી બન્યા ત્યારે તેમણે નાયબ મુખ્યમંત્રી પદનો ઇનકાર કર્યો હતો. બાદમાં, જેડીયુના વરિષ્ઠ નેતાઓના આગ્રહ બાદ તેઓ સંમત થયા અને મંત્રીમંડળમાં જોડાયા.

રાજ્યપાલે પદ અને ગુપ્તતાના શપથ લેવડાવ્યા

અગાઉ, બિહારના રાજ્યપાલ સૈયદ અતા હસનૈને તમામ 32 એનડીએ નેતાઓને પદ અને ગુપ્તતાના શપથ લેવડાવ્યા હતા. શપથ ગ્રહણ સમારોહ માટે પટનાના ગાંધી મેદાનમાં એક ભવ્ય સમારોહ યોજાયો હતો. આ કાર્યક્રમમાં વડા પ્રધાન નરેન્દ્ર મોદી, ગૃહ પ્રધાન અમિત શાહ, સંરક્ષણ પ્રધાન રાજનાથ સિંહ, કેન્દ્રીય આરોગ્ય પ્રધાન જેપી નડ્ડા અને ભાજપ પ્રમુખ નીતિન નવીન સહિત અન્ય લોકો હાજર રહ્યા હતા.

આ પણ વાંચો

મમતા બેનર્જી હવે મુખ્યમંત્રી નહીં, પશ્ચિમ બંગાળના રાજ્યપાલે વિધાનસભા ભંગ કરી