Draupadi Murmu: કોલકાતા રેપ કેસ અંગે રાષ્ટ્રપતિએ એવું તે શું કહ્યું કે,TMC અને કોંગ્રેસે નોંધાવ્યો વિરોધ

Kolkata Rape and Murder Case: કોલકાતાની આરજી કર મેડિકલ હોસ્પિટલના 31 વર્ષીય ડોક્ટર સાથે બળાત્કાર અને હત્યા કેસ પર રાષ્ટ્રપતિ દ્રૌપદી મુર્મુનું નિવેદન આવ્યું છે.

રાષ્ટ્રપતિ દ્રૌપદી મુર્મુ

Source : PTI

Kolkata Rape and Murder Case: કોલકાતાની આરજી કર મેડિકલ હોસ્પિટલના 31 વર્ષીય ડોક્ટર સાથે બળાત્કાર અને હત્યા કેસ પર રાષ્ટ્રપતિ દ્રૌપદી મુર્મુનું નિવેદન આવ્યું છે. તેણે કહ્યું કે હવે બહુ થયું. આ સમગ્ર ઘટનાથી તે નિરાશ અને ડરી ગયા છે.

રાષ્ટ્રપતિ મુર્મુએ કહ્યું કે દીકરીઓ વિરુદ્ધ આવા અપરાધો સ્વીકાર્ય નથી. આ પહેલીવાર છે જ્યારે રાષ્ટ્રપતિએ આ ઘટના પર નિવેદન આપ્યું છે. દેશમાં મહિલાઓ સામેના ગુનાઓની વધતી જતી ઘટનાઓ અંગે તેમણે કહ્યું હતું કે, કોઈ પણ સંસ્કારી સમાજ દીકરીઓ અને બહેનો પરના આવા અત્યાચારને સહન કરી શકે નહીં. કોલકાતામાં વિદ્યાર્થીઓ, ડોક્ટરો અને નાગરિકો આ ઘટનાનો વિરોધ કરી રહ્યા હતા જ્યારે ગુનેગારો અન્યત્ર ફરતા હતા. હવે બહુ થયું. સમાજે પ્રમાણિક અને આત્મનિરીક્ષણ કરવાની જરૂર છે. હવે તેમના આ નિવેદન પર કોંગ્રેસ અને ટીએમસીએ વાંધો ઉઠાવ્યો છે. આ અંગે બન્ને પાર્ટીના નેતાઓએ નિવેદન આપ્યા છે.

કોંગ્રેસે રાષ્ટ્રપતિના નિવેદન સામે વાંધો વ્યક્ત કર્યો 
કોંગ્રેસના નેતા પવન ખેડાએ રાષ્ટ્રપતિ દ્રૌપદી મુર્મુના નિવેદન સામે વાંધો વ્યક્ત કર્યો છે. તેમણે કહ્યું કે, આદરણીય રાષ્ટ્રપતિ મગોદયા, માત્ર કોલકાતામાં જ નહીં, મહારાષ્ટ્ર, રાજસ્થાન, બિહાર, યુપી અને એમપી સહિત સમગ્ર દેશમાં મહિલાઓ વિરુદ્ધ વધી રહેલા અપરાધો વિશે તમારે સરકારોને સલાહ આપવાની જરૂર છે. તમને મણિપુર અને મહિલા કુસ્તીબાજો સામે યૌન શોષણની ઘટનાઓ અને તેમને ન્યાય અપાવવા માટે આગળ આવવાની જરૂર છે. તમારે પક્ષની રાજનીતિથી આગળ જોવાની જરૂર છે. માત્ર વિપક્ષને જ નહીં પરંતુ સત્તાધારી ભાજપ અને તેની ડબલ એન્જિન સરકારોને પણ જવાબદાર ઠેરવવાની હિંમત બતાવો.

રાષ્ટ્રપતિના નિવેદન પર ટીએમસીની પ્રતિક્રિયા
રાષ્ટ્રપતિ દ્રૌપદી મુર્મુએ કોલકાતા બળાત્કાર અને હત્યા કેસ પર દુઃખ વ્યક્ત કર્યું છે. હવે રાષ્ટ્રપતિના આ નિવેદન પર ટીએમસીએ પોતાની પ્રતિક્રિયા આપી છે. ટીએમસીના નેતા કુણાલ ઘોષે કહ્યું, મેં સાંભળ્યું છે કે રાષ્ટ્રપતિએ ફરીથી આરજી કર મુદ્દાનો ઉલ્લેખ કર્યો છે. જોકે, હું તેમનું સન્માન કરું છું. પરંતુ ઉન્નાવ, હાથરસ, બિલ્કિસ અને મણિપુર કેસમાં તેમના હૃદયમાં કોઈ પીડા નહોતી. તેણે ઓડિશા, મહારાષ્ટ્ર અને ઉત્તરાખંડમાં ગુનાઓ કેમ જોયા નહીં? સાક્ષી મલિક જેવી છોકરીઓના વિરોધ દરમિયાન તે કેમ ચૂપ રહ્યા? શું ભાજપ વિરુદ્ધ બોલવું મુશ્કેલ છે?

આ પણ વાંચો...