રાજસ્થાનમાં બે દલિત ભાઇઓ સાથે બર્બરતાનો વીડિયો વાયરલ, રાહુલ ગાંધીએ કહ્યુ- તત્કાળ કાર્યવાહી થાય

કોગ્રેસના પૂર્વ અધ્યક્ષ રાહુલ ગાંધીએ રાજસ્થાનના નાગૌરમાં બે દલિત યુવકો સાથે કથિત રીતે થયેલી બર્બર ઘટનાને ભયાનક ગણાવી હતી.

નવી દિલ્હીઃ કોગ્રેસના પૂર્વ અધ્યક્ષ રાહુલ ગાંધીએ રાજસ્થાનના નાગૌરમાં બે દલિત યુવકો સાથે કથિત રીતે થયેલી બર્બર ઘટનાને ભયાનક ગણાવી હતી. તેમણે પ્રદેશની અશોક ગેહલોતની સરકારે કહ્યું કે, તે આ મામલે તત્કાળ કાર્યવાહી કરે. રાહુલ ગાંધીએ ટ્વિટ કરી જણાવ્યું કે, રાજસ્થાનના નાગૌરમાં બે દલિત યુવકો સાથે બર્બરતા કરવાનો એક વીડિયો વાયરલ થયો છે. હું રાજ્ય સરકારને આગ્રહ કરું છું કે તે આ ગુનાના દોષિતોને ઝડપવા માટે તત્કાળ કાર્યવાહી કરે.

The recent video of two young Dalit men being brutally tortured in Nagaur, Rajasthan is horrific & sickening. I urge the state Government to take immediate action to bring the perpetrators of this shocking crime to justice.

— Rahul Gandhi (@RahulGandhi) February 20, 2020

આ ઘટના બાદ રાજ્યના મુખ્યમંત્રી અશોક ગેહલોતે નિવેદન આપ્યું છે. તેમણે કહ્યુ કે સાતેય આરોપીઓની ધરપકડ કરવામાં આવી ચૂકી છે. ઘટનાના તરત જ કાર્યવાહી કરાઇ હતી. દોષિતોને કડકમાં કડક સજા આપવામાં આવશે. કોઇને છોડવામાં આવશે નહીં.

In the horrific incident in Nagaur, immediate and effective action has been taken and seven accused have been arrested so far. Nobody will be spared. The culprits will be punished according to the law and we will ensure that the victims get justice.

— Ashok Gehlot (@ashokgehlot51) February 20, 2020

વાસ્તવમાં બે દલિત યુવકો સાથે બર્બરતાનો વીડિયો વાયરલ થયો હતો. આ વીડિયો રાજસ્થાનના નાગૌરનો છે જેમાં ચોરીના આરોપમાં બે દલિત ભાઇઓને માર મારવામાં આવી રહ્યો છે. એક પેટ્રોલ પંપના કર્મચારીઓએ ચોરીના આરોપમાં બંન્ને ભાઇઓને માર મારી બર્બર વ્યવહાર કર્યો હતો.

કોગ્રેસ રાજસ્થાનના પ્રભારી અવિનાશ પાંડેએ કહ્યુ કે, આ મામલામાં દોષિતો વિરુદ્ધ ફાસ્ટ ટ્રેક કોર્ટમાં કાયદાકીય પ્રક્રિયા ચલાવવામાં આવે જેથી જલદી ન્યાય થઇ શકે.