સમગ્ર દેશમાં સંપૂર્ણ લોકડાઉનની જરૂર, વિલંબના કારણે મરી રહ્યાં છે લોકો, ક્યા ટોચના નેતાએ આપ્યું મોટું નિવેદન ?

દેશમાં કોરોના મહામારીએ (Coronavirus) ભારે તાંડવ મચાવ્યું છે અને બેકાબૂ બનેલી કોરોનાની લહેર અટકવાનું નામ જ નથી લઈ રહી.   

ફાઈલ તસવીર

દેશમાં કોરોના વાયરસનો કહેર સતત યથાવત છે. કોરોનાના વધતા કેસને જોતા અનેક રાજ્યોમાં લોકડાઉન લગાવવામાં આવ્યું છે. ત્યારે હવે કોંગ્રેસના પૂર્વ અધ્યક્ષ રાહુલ ગાંધીએ સમગ્ર દેશમાં પૂર્ણ લોકડાઉનની માગ કરી છે. તેમણે ટ્વીટ કર્યું કે, “કોરોનાના વધતા કેસને રોકવા માટે હવે માત્ર એક જ રસ્તો બચ્યો છે અને તે છે પૂર્ણ લોકડાઉન.” રાહુલ ગાંધીનું ટ્વીટ એવા સમયે આવ્યું છે જ્યારે દેશમાં કોરોના સંક્રમિતોની કુલ સંખ્યા 2 કરોડને પાર કરી ગઈ છે.

રાહુલ ગાંધીએ ટ્વીટ કર્યું, “હાલમાં કોરોનાનો સામનો કરવા માટે પૂર્ણ લોકડાઉન લગાવવું જ એકમાત્ર ઉપાય છે અને સરકાર આ તરફ ધ્યાન આપવાની જરૂરત છે.” તેમણે આગળ લખ્યું, “સમાજના કેટલાક લોકોને ન્યાય યોજનાનો લાભ આપીને પૂર્ણ લોકડાઉન લગાવી શકાય છે જેથી લોકોના જીવ સમય રહેતા બચાવી શકાય.” રાહુલ ગાંધી આ પહેલા પણ કોરોના વાયરસ સંક્રમણને ફેલાતું રોકવા માટે કેન્દ્ર સરકારને પોતાના સૂચનો આપતા રહ્યા છે.

GOI doesn’t get it.

The only way to stop the spread of Corona now is a full lockdown- with the protection of NYAY for the vulnerable sections.

GOI’s inaction is killing many innocent people.

— Rahul Gandhi (@RahulGandhi) May 4, 2021

દેશમાં કોરોના મહામારીએ (Coronavirus) ભારે તાંડવ મચાવ્યું છે અને બેકાબૂ બનેલી કોરોનાની લહેર અટકવાનું નામ જ નથી લઈ રહી.   

એક્ટિવ કેસ 34 લાખને પાર

દેશમાં એક્ટિવ કેસનો આંકડો 34 લાખને પાર થઈ ગયો છે.  છેલ્લા કેટલાક દિવસથી પોઝિટિવ કેસની સંખ્યા સતત વધી રહી છે અને તેની સરખામણીએ કોવિડ-19 (COVID-19)ના દર્દીઓના સાજા થવાનો દર ઘટી રહ્યો છે.

દેશમાં શું છે કોરોનાની સ્થિતિ

સ્વાસ્થ્ય મંત્રાલયના તાજા આંકડા અનુસાર, છેલ્લા 24 કલાકમાં 3,57,299 નવા કોરોનાના કેસ (Corona Cases) આવ્યા અને 3449 લોકોના મોત થયા છે. જોકે 24 કલાકમાં 3,20,289 લોકો ઠીક પણ થયા છે.

કુલ કેસ-  બે કરોડ 2 લાખ 82 હજાર 833

કુલ ડિસ્ચાર્જ- એક કરોડ 66 લાખ 13 હજાર 292

કુલ એક્ટિવ કેસ - 34 લાખ 47 હજાર 133

કુલ મોત - 2 લાખ 22 હજાર 408

છેલ્લા ત્રણ દિવસમાં નોંધાયેલા કેસ અને મોત

તારીખ	કેસ	મોત
3 મે	3,68,147	3417
2 મે	3,92,498	3689
1 મે	4,01,993	3523

 15 કરોડથી વધારેને રસી અપાઈ

દેશમાં 16 જાન્યુઆરીથી રસીકરણ અભિયાન શરૂ થયું હતું. કોરોના દર્દીની સંખ્યા પ્રમાણે જોઈએ તો ભારત વિશ્વનો સૌથી પ્રભાવિત દેશ છે. અત્યાર સુધીમાં 15 કરોડ 89 લાખ 32 હજાર 133 ડોઝ આપવામાં આવ્યા છે.

આ રાજ્યોમાં એક્ટિવ કેસ એક લાખથી વધુ

સ્વાસ્થ્ય મંત્રાલય પ્રમાણે મહારાષ્ટ્ર, ઉત્તર પ્રદેશ, કેરળ, રાજસ્થાન, કર્ણાટક, છત્તીસગઢ, ગુજરાત અને તમિલનાડુ એવા રાજ્ય છે જ્યાં 1 લાખથી વધુ એક્ટિવ કેસ છે.

રાજ્યોની હાલત છે ખરાબ

કોરોનાના આંકડામાં આવી રહેલો આ ઉછાળો ખૂબ જ ચિંતાજનક છે. મહારાષ્ટ્ર બાદ હવે રાષ્ટ્રીય રાજધાની દિલ્હી અને ઉત્તર પ્રદેશમાં પણ કોરોનાના રેકોર્ડ કેસ નોંધાઈ રહ્યા છે. કેન્દ્રીય સ્વાસ્થ્ય મંત્રાલયના અહેવાલ પ્રમાણે ભારતમાં કોવિડ-19ના દૈનિક કેસમાંથી 82 ટકાથી વધુ કેસ 10 રાજ્યોમાંથી જ છે. તેમાં મહારાષ્ટ્ર, ઉત્તર પ્રદેશ, છત્તીસગઢ, દિલ્હી, મધ્ય પ્રદેશ, કર્ણાટક, કેરળ, તમિલનાડુ, ગુજરાત અને રાજસ્થાનનો સમાવેશ થાય છે.