Ram mandir Inauguration: અયોધ્યાના રામ મંદિરમાં લાગશે 400 કિલોનું તાળું, બનાવવામાં લાગ્યા આટલા મહિના

Ram Mandir Pran Pratishtha: આ તાળાને વિશ્વનું સૌથી મોટું તાળું કહેવામાં આવી રહ્યું છે.

400 કિલોનું તાળું અને ચાવી

Source : ANI

Ram Mandir Pran Pratishtha: અલીગઢ મહાનગરના ક્વારસી પોલીસ સ્ટેશન વિસ્તારના જ્વાલાપુરીના રહેવાસી સત્યપ્રકાશ શર્માએ બનાવેલું 400 કિલો વજનનું તાળું અયોધ્યા પહોંચી ગયું છે. આ તાળાને વિશ્વનું સૌથી મોટું તાળું કહેવામાં આવી રહ્યું છે. આ તાળું સત્યપ્રકાશ શર્માની પત્ની રૂકમણી દેવી અને પુત્ર મહેશ ચંદે બનાવ્યું  છે. આ તાળું અયોધ્યામાં પ્રેઝન્ટેશન માટે મહામંડલેશ્વર ડૉ.અન્નપૂર્ણા ભારતી પુરી મહારાજને સોંપવામાં આવ્યું છે.

વડાપ્રધાન નરેન્દ્ર મોદીને તેમના જન્મદિવસ પર તાળું ગિફ્ટ કર્યું હતું

17 સપ્ટેમ્બરે વડા પ્રધાન નરેન્દ્ર મોદીના જન્મદિવસ પર તાળા બનાવનાર સત્યપ્રકાશ શર્મા અને તેમની પત્ની રુક્મિણી શર્મા દિલ્હી પહોંચ્યા અને તેમને મળ્યા અને તેમને પોતાના હાથે બનાવેલું છ કિલોનું તાળું ભેટમાં આપ્યું. સત્યપ્રકાશ શર્માએ વડાપ્રધાનને કહ્યું હતું કે તેમનું વર્ષો જૂનું સપનું સાકાર થયું છે. આ મુલાકાત બાદ બંને ખૂબ જ ભાવુક થઈ ગયા હતા. દંપતીએ વડા પ્રધાનને કહ્યું હતું કે તેઓએ અયોધ્યામાં શ્રી રામ મંદિર માટે 400 કિલો વજનનું ભવ્ય તાળું તૈયાર કર્યું છે, જે તેઓ મંદિરના ઉદ્ઘાટન પહેલા સોંપશે.

#WATCH | Uttar Pradesh: Lock and Key weighing around 400 kg arrives at Ayodhya from Aligarh. pic.twitter.com/Q0MGv4ytYV

— ANI (@ANI) January 20, 2024

તાજેતરમાં જ તેઓ અલીગઢ પહોંચેલા શ્રી રામ જન્મભૂમિ ન્યાસ ટ્રસ્ટના વડા મહંત નૃત્ય ગોપાલ દાસજી મહારાજને પણ મળ્યા હતા અને તેમના આશીર્વાદ લીધા હતા. દંપતીએ જણાવ્યું કે આ તાળાની ત્રણ ફૂટ ચાર ઈંચ લાંબી ચાવીનું વજન લગભગ 30 કિલોગ્રામ છે. તેના નિર્માણમાં લગભગ પાંચ લાખ રૂપિયાનો ખર્ચ થયો છે. સત્યપ્રકાશ શર્માનું 12 ડિસેમ્બરે હૃદયરોગના હુમલાથી અવસાન થયું હતું. તેમની પત્ની રૂકમણી દેવી અને પુત્ર મહેશ શર્માના કહેવા પ્રમાણે, પિતા તાળામાં શ્રી રામ અને હનુમાનની મૂર્તિઓ પણ સ્થાપિત કરતા હતા. આ તાળું અયોધ્યા શ્રી રામ મંદિરને ભેટ આપવા માટે મહામંડલેશ્વર ડૉ. અન્નપૂર્ણા ભારતીને સોંપવામાં આવ્યું છે.

1.65 લાખ રૂપિયાની રામાયણ અયોધ્યા પહોંચી

વિશ્વની સૌથી મોંઘી રામાયણમાંથી એક અયોધ્યા પહોંચી ગઈ છે. આ રામાયણની કિંમત 1.65 લાખ રૂપિયા છે. રામાયણ લખવા માટે વપરાતી શાહી જાપાનથી આયાત કરવામાં આવી છે અને કાગળ ફ્રાન્સમાં બને છે. તેને બનાવવા માટે અમેરિકન અખરોટના લાકડાનો ઉપયોગ કરવામાં આવ્યો છે. તેનું વજન 45 કિલો છે.