UP Election: સમાજવાદી પાર્ટીએ 56 ઉમેદવારોની વધુ એક યાદી જાહેર કરી, BJPથી આવેલા દારાસિંહને ક્યાંથી આપી ટિકિટ?

સમાજવાદી પાર્ટીએ ઉત્તર પ્રદેશની ચૂંટણી માટે પોતાના ઉમેદવારોની વધુ એક યાદી જાહેર કરી છે.

akhilesh_yadav_UP_Chunav

લખનઉઃ સમાજવાદી પાર્ટીએ ઉત્તર પ્રદેશની ચૂંટણી માટે પોતાના ઉમેદવારોની વધુ એક યાદી જાહેર કરી છે. આ વખતે પાર્ટીએ વધુ 56 ઉમેદવારોના નામની જાહેરાત કરી છે. આ અગાઉ પણ પાર્ટી તરફથી અનેક તબક્કામાં ઉમેદવારોના નામની જાહેરાત કરવામાં આવી છે. બુધવારે પણ સપાએ 39 ઉમેદવારોના નામની જાહેરાત કરી હતી.

પાર્ટી તરફથી લખીમપુર જનપદની ધૌરહરા બેઠક પરથી વરુણ ચૌધરીને ટિકિટ આપવામાં આવી છે. જ્યારે મોહમ્મદી બેઠક પરથી દાઉદ અહમદને તક આપી છે. અમેઠી જનપદમાં તિલોઇથી નઇમ ગુર્જરને ટિકિટ આપી છે. જ્યારે ઇલાહાબાદ જનપદની ફૂલપુર બેઠક પરથી મુર્તઝા સિદ્દિકીને મેદાનમાં ઉતાર્યા છે. તાજેતરમાં જ ભાજપ છોડીને સપામાં આવેલા દારા સિંહ ચૌહાણને સપાએ ઘોસી બેઠક પરથી ઉમેદવાર બનાવ્યા છે.

pic.twitter.com/Uf6Fuvs3tp

— Samajwadi Party (@samajwadiparty) January 27, 2022

તે સિવાય ભાજપ છોડનારા રમાકાંત યાદવને ફૂલપુર પવઇ બેઠક પરથી ઉમેદવાર બનાવવામાં આવ્યા છે. જ્યારે બસપામાંથી સપામાં આવેલા રામઅચલ રાજભરને અકબરપુરથી ઉમેદવાર બનાવ્યા છે. બસપાથી આવેલા લાલજી વર્મા કટેહરી પરથી ઉમેદવાર બનાવ્યા છે. જ્યારે રાકેશ પાંડે જલાલપુર પરથી ઉમેદવાર બનાવ્યા છે.

સપાએ પોતાની લિસ્ટમાં એક્ટ્રેસ કાજલ નિષાદને તક આપી છે. આ વખતે સપાની ટિકિટ પરથી ચૂંટણી લડશે. બાહુબલી અભય સિંહને સમાજવાદી પાર્ટીએ ગોસાઇગંજ પરથી પોતાના ઉમેદવાર બનાવ્યા છે.