Kolkata Case: પહેલા દારૂ પીછો, અશ્લીલ ફિલ્મો જોઇ, રેડ લાઇટ એરિયા ગ્યો... ડૉક્ટર પર દુષ્કર્મ આચરતા પહેલા આરોપીએ શું શું કર્યુ ?

Kolkata Doctor Rape-Murder Case: કોલકાતાની આરજી કર મેડિકલ કૉલેજ અને હૉસ્પિટલના જૂનિયર ડૉક્ટરના દુષ્કર્મ-હત્યા કેસના મુખ્ય આરોપી સંજય રોય વિશે એક નવો ખુલાસો થયો છે

(તસવીર- એબીપી લાઇવ)

Source : એબીપી લાઇવ

Kolkata Doctor Rape-Murder Case: કોલકાતાની આરજી કર મેડિકલ કૉલેજ અને હૉસ્પિટલના જૂનિયર ડૉક્ટરના દુષ્કર્મ-હત્યા કેસના મુખ્ય આરોપી સંજય રોય વિશે એક નવો ખુલાસો થયો છે. 9 ઓગસ્ટના રોજ ડૉક્ટરનો મૃતદેહ મળ્યાના એક દિવસ બાદ આરોપીની ધરપકડ કરવામાં આવી હતી. કલકત્તા હાઈકોર્ટના આદેશ બાદ આ મામલો રાજ્ય પોલીસમાંથી સીબીઆઈ પાસે ગયો છે.

ઈન્ડિયા ટૂડેના અહેવાલમાં સૂત્રોના હવાલાથી કહેવામાં આવ્યું છે કે 8 ઓગસ્ટની મધ્યરાત્રિ પછી સંજય રોય અન્ય મિત્ર સાથે સોનાગાછી ગયો હતો. આ ઉત્તર કોલકાતાનો 'રેડ લાઈટ એરિયા' છે. તેણે જણાવ્યું કે આરોપી રોયે તે રાત્રે દારૂ પણ પીધો હતો. સોનાગાછી પહોંચ્યા પછી રોયનો સાથી વેશ્યા સાથે રૂમમાં ગયો જ્યારે સંજય બહાર ઊભો હતો.

સોનાગાછી બાદ ચેતલા રેડ લાઇટ એરિયા પહોંચ્યો 
અહેવાલમાં સૂત્રોના હવાલાથી એમ પણ કહેવામાં આવ્યું છે કે સોનાગાછી પછી તે બંને રાત્રે લગભગ 2 વાગ્યે દક્ષિણ કોલકાતાના અન્ય રેડ લાઇટ વિસ્તાર ચેતલા ગયા હતા અને અહીં પણ આ જ ઘટના બની હતી. સૂત્રોના જણાવ્યા અનુસાર આરોપીએ નશાની હાલતમાં ત્યાંથી પસાર થઈ રહેલી એક મહિલાને પણ છેડતી કરી હતી. તેણે એક મહિલાને ફોન કરીને તેની નગ્ન તસવીરો પણ માંગી હતી.

આરજી કર મેડિકલ કૉલેજ પહોંચીને શું કર્યુ ? 
સંજય રોયનો સાથી ભાડે આપેલી કૉમર્શિયલ બાઇક લઈને ઘરે ગયો. દરમિયાન સંજય સવારે 3.50 વાગ્યાની આસપાસ આરજી કર હૉસ્પિટલના ટ્રોમા યૂનિટની આસપાસ ફરતો જોવા મળ્યો હતો. દરવાજો તોડીને સંજય નશાની હાલતમાં ઓપરેશન થિયેટરમાં પ્રવેશ્યો હતો. તેઓ સવારે લગભગ 4.03 વાગ્યે હૉસ્પિટલના ઈમરજન્સી વોર્ડમાં પહોંચ્યા અને પછી સીધા ત્રીજા માળે આવેલા સેમિનાર હૉલમાં ગયો હતો.

પોલીસ પૂછપરછ દરમિયાન, સંજયે કબૂલાત કરી હતી કે જ્યારે તે ગાઢ નિંદ્રામાં હતી ત્યારે તેણે તાલીમાર્થી ડૉક્ટરને જોઇ હતી, સૂત્રોના જણાવ્યા મુજબ, તેણે પોલીસ સમક્ષ કબૂલાત કરી હતી કે તે "તેના પર કૂદી પડ્યો અને તેના પર દુષ્કર્મ ગુજાર્યો હતો."

ઘટના પહેલા દારૂ પીતા-પીતા જોઇ અશ્લીલ ફિલ્મો 
સૂત્રોએ અગાઉ જણાવ્યું હતું કે ગુનાની રાત્રે લગભગ 11 વાગ્યે સંજય રોય હૉસ્પિટલની પાછળની જગ્યાએ દારૂ પીવા ગયો હતો અને દારૂ પીને ત્યાં અશ્લીલ ફિલ્મ જોઈ હતી. પોલીસ સૂત્રોએ એમ પણ જણાવ્યું હતું કે રોય તે રાત્રે ઘણી વખત હૉસ્પિટલના પરિસરમાં પ્રવેશ્યા હતા. દરમિયાન, સેન્ટ્રલ બ્યુરો ઑફ ઇન્વેસ્ટિગેશન (CBI) ને સોમવારે કોલકાતાની કોર્ટમાંથી સંજય રોય પર પોલીગ્રાફ ટેસ્ટ કરાવવાની પરવાનગી મળી હતી.

આ પણ વાંચો