Shashi Tharoor: 'જો કોંગ્રેસને મારી જરૂર ન હોય તો...', હવે શશિ થરૂરે હાઈકમાન્ડને પહોંચાડ્યો મેસેજ!
દેશભરમાં પોતાના સમર્થનની સાથે સાથે પોતાના ઘણા મોટા નેતાઓને સતત ગુમાવી રહેલી કોંગ્રેસ પાર્ટી ફરી એકવાર મુશ્કેલીમાં મુકાઈ શકે છે.
Shashi Tharoor: દેશભરમાં પોતાના સમર્થનની સાથે સાથે પોતાના ઘણા મોટા નેતાઓને સતત ગુમાવી રહેલી કોંગ્રેસ પાર્ટી ફરી એકવાર મુશ્કેલીમાં મુકાઈ શકે છે. આ વખતે કોંગ્રેસ હાઈકમાન્ડને કેરળમાંથી ખરાબ સંકેતો મળ્યા છે. પાર્ટીના સાંસદ શશિ થરૂરે એવું નિવેદન આપ્યું છે, જેનાથી લાગે છે કે તેમણે હવે મન બનાવી લીધું છે.
તિરુવનંતપુરમથી ચાર વખતના કોંગ્રેસના સાંસદ શશિ થરૂરે કહ્યું છે કે જો કોંગ્રેસને તેમની જરૂર નથી તો તેમની પાસે કામ માટે બીજા ઘણા વિકલ્પો છે. શશિ થરૂરે મલયાલમ પોડકાસ્ટમાં ઈન્ડિયન એક્સપ્રેસ સાથેની વાતચીત દરમિયાન આ વાત કહી.
શશિ થરૂર વર્ષ 2026માં આવનારી કેરળ વિધાનસભા ચૂંટણી વિશે વાત કરી રહ્યા હતા. તેમણે આગામી ચૂંટણી માટે કોંગ્રેસની જરૂરિયાતો અંગે ચર્ચા કરી હતી. આ દરમિયાન, તેમણે કહ્યું કે, ઘણી સંસ્થાઓ દ્વારા કરવામાં આવેલા સર્વેક્ષણમાં સ્પષ્ટ થઈ ગયું છે કે કેરળમાં નેતૃત્વ સંભાળવામાં હું અન્ય કરતા ઘણો આગળ છું. જો કોંગ્રેસ પાર્ટી મારો ઉપયોગ કરવા માંગતી હોય તો હું પાર્ટી માટે હાજર રહીશ. જો તેમને મારી જરૂર નથી, તો મારે મારું પોતાનું કામ છે. તમારે એવું ન વિચારવું જોઈએ કે મારી પાસે બીજો કોઈ વિકલ્પ નથી. મારી પાસે પુસ્તકો, ભાષણો અને વિશ્વભરના આમંત્રણો છે.
શશિ થરૂરે જણાવ્યું કે તે સોનિયા ગાંધી, મનમોહન સિંહ અને કેરળ કોંગ્રેસના નેતા રમેશ ચેન્નીથલા સહિતના વરિષ્ઠ કોંગ્રેસના નેતાઓના આગ્રહ પર તેઓ સંયુક્ત રાષ્ટ્ર સંઘમાં પોતાનો કાર્યકાળ પૂરો કર્યા બાદ અમેરિકામાં પોતાની આરામદાયક જિંદગી છોડીને પરત રાજકારણમાં આવ્યા હતા.
'કેરળ કોંગ્રેસને એક લીડરની જરુર છે'
કૉંગ્રેસના નેતા શશિ થરૂરે કહ્યું, 'તે મારી જવાબદારી નથી, પરંતુ મેં આ તરફ પાર્ટીનું ધ્યાન દોર્યું છે. ઘણા કાર્યકરોને એવું પણ લાગે છે કે કેરળ કોંગ્રેસમાં નેતાનો અભાવ છે. UDFમાં કોંગ્રેસના સાથીઓએ પણ મને આ વાત કહી છે.
પોતાના લોકસભા મતવિસ્તારમાં સતત જીત પર તેઓ કહે છે, 'તિરુવનંતપુરમમાં મારી અપીલ પાર્ટીની તુલનામાં ઘણી વધારે છે. લોકોને મારી વાત કરવાની રીત અને વર્તન ગમે છે. સામાન્ય રીતે કોંગ્રેસની વિરુદ્ધ હોય તેવા લોકો પણ મને મત આપે છે. 2026ની ચૂંટણીમાં આપણે મતદારોને આ રીતે આપણી સાથે રાખવાના છે.
ટોપ સ્ટોરી
ટ્રેન્ડિંગ સમાચાર
