સંગમના પાણીમાં પ્રદૂષણને લઇને NGTએ UP સરકારને લગાવી ફટકાર, એક સપ્તાહમાં માંગ્યો રિપોર્ટ

સુનાવણી દરમિયાન ઉત્તર પ્રદેશ સરકારના વકીલે કહ્યું કે સીપીસીબીએ ટેસ્ટ રિપોર્ટ રજૂ કર્યો નથી

પ્રતિકાત્મક તસવીર

Source : PTI

NGT Hearing On Sangam Water: પ્રયાગરાજના સંગમમાં પ્રદૂષિત પાણીના મામલે આજે (બુધવાર, 19 ફેબ્રુઆરી, 2025) NGTમાં સુનાવણી યોજાઈ હતી. NGT એ આ મામલે પ્રશ્નો ઉઠાવ્યા અને ઉત્તર પ્રદેશ સરકાર પર નારાજગી પણ વ્યક્ત કરી હતી. ઉત્તર પ્રદેશ સરકારે એનજીટીને ખાતરી આપી છે કે તે સીપીસીબી રિપોર્ટ પર કાર્યવાહી કરશે. કેસની આગામી સુનાવણી 28 ફેબ્રુઆરીએ થશે.

સુનાવણી દરમિયાન ઉત્તર પ્રદેશ સરકારના વકીલે કહ્યું કે સીપીસીબીએ ટેસ્ટ રિપોર્ટ રજૂ કર્યો નથી. યુપીપીસીબીએ પણ રિપોર્ટ દાખલ કર્યો છે અને પોતાનો પક્ષ રજૂ કર્યો છે. આના પર NGT એ પૂછ્યું કે શું યુપી સરકાર CPCB રિપોર્ટ પર પ્રશ્નો ઉઠાવી રહી છે?

યુપી સરકારે NGTમાં શું કહ્યું?

વકીલે કહ્યું કે યુપી સરકાર ઇચ્છે છે કે સીપીસીબી તેના રિપોર્ટ સાથે ટેસ્ટ રિપોર્ટ પણ સબમિટ કરે. NGT એ કહ્યું કે નદીનું પાણી સ્વચ્છ રહે તે સુનિશ્ચિત કરવાની જવાબદારી યુપી સરકારની છે. NGT એ યુપી સરકાર પર સવાલ ઉઠાવ્યા અને કહ્યું કે તમે લાંબો જવાબ દાખલ કર્યો છે પરંતુ ક્યાંય કોલિફોર્મનો ઉલ્લેખ નથી. NGT એ કહ્યું કે રિપોર્ટ વિગતવાર છે, પરંતુ તેમાં ગંગા અને યમુનાની સફાઈ સંબંધિત તમામ માપદંડોનો ઉલ્લેખ નથી.

યુપીપીસીબીનો દાવો છે કે જ્યાંથી સીપીસીબીએ ગંગા અને યમુનાના નમૂના એકત્રિત કર્યા હતા ત્યાં પાણી પ્રદૂષિત હતું, પરંતુ જ્યાંથી અમે નમૂના એકત્રિત કર્યા હતા ત્યાં પાણી સ્વચ્છ હતું. આ મુદ્દે NGTએ નારાજગી વ્યક્ત કરી હતી. યુપી સરકારે એનજીટીને ખાતરી આપી હતી કે તે સીપીસીબીના રિપોર્ટ પર કાર્યવાહી કરશે. યુપીપીસીબી એક અઠવાડિયામાં ગંગા અને યમુનાના પાણીની ગુણવત્તા અંગેનો લેટેસ્ટ રિપોર્ટ રજૂ કરશે. હવે આ કેસની આગામી સુનાવણી 28 ફેબ્રુઆરીએ થશે.

'સંગમનું પાણી સ્નાન માટે યોગ્ય છે'

ઉત્તર પ્રદેશ પ્રદૂષણ નિયંત્રણ બોર્ડે કહ્યું હતું કે , 'સંગમનું પાણી સ્નાન માટે યોગ્ય છે.' પ્રયાગરાજમાં ગંગા અને યમુના નદીઓના 6 પોઇન્ટ્સ પરનું પાણી સ્નાન માટે યોગ્ય છે. પ્રયાગરાજમાં ગંગા અને યમુના નદીઓના 6 પોઇન્ટ્સ પર એકત્રિત કરાયેલા પાણીના નમૂનાઓમાં ડિસલોવ ઓક્સિજન (DO), બાયોકેમિકલ ઓક્સિજન ડિમાન્ડ (BOD) અને ફેકલ કોલિફોર્મ (FC) નું સ્તર સ્વીકાર્ય ધોરણોની અંદર છે.

UPPCB એ વધુમાં જણાવ્યું હતું કે, 'શાસ્ત્રી બ્રિજ નજીક બાયોકેમિકલ ઓક્સિજન ડિમાન્ડ અને ફેકલ કોલિફોર્મના આંકડામાં થોડો વધારો થયો છે.' પર્યાવરણીય ધોરણોનું ઉલ્લંઘન કરનારાઓ સામે કાયદેસરની કાર્યવાહી કરવામાં આવશે. ગંગા નદી કે યમુના નદીમાં ગટર દ્વારા કોઈ પ્રદૂષિત ગટરનું પાણી સીધું છોડવામાં આવી રહ્યું નથી. ગંગા અને યમુનામાં કોઈપણ ઘન કચરો ન જાય તે માટે નિયમિત દેખરેખ રાખવામાં આવી રહી છે.