SIR પ્રક્રિયા દરમિયાન BLOને મળનારી ધમકીઓ સહન કરવામાં આવશે નહીં: સુપ્રીમ કોર્ટ
જસ્ટિસ બાગચીએ કહ્યું હતું કે આ ડેસ્ક વર્ક નથી અને બીએલઓને ઘરે ઘરે જઈને ગણતરી ફોર્મ ભરવાનું હોય છે
સુપ્રીમ કોર્ટે મંગળવારે પશ્ચિમ બંગાળ અને અન્ય રાજ્યોમાં ચાલી રહેલા SIR 2.0 પ્રક્રિયામાં બીએલઓ અને અન્ય અધિકારીઓની "ધાકધમકી" ને ગંભીરતાથી લીધી હતી. કોર્ટે ચૂંટણી પંચને આવા કેસોને તેમના ધ્યાન પર લાવવા કહ્યું હતું નહીં તો તેનાથી અરાજકતા ફેલાઈ જશે. ભારતના મુખ્ય ન્યાયાધીશ (CJI) સૂર્યકાંત અને જોયમાલ્યા બાગચીની બેન્ચે ચૂંટણી પંચને મતદાર યાદીઓના સ્પેશિયલ ઇન્ટેન્સિવ રિવિઝન (SIR) માં વિવિધ રાજ્ય સરકારો તરફથી સહકારના અભાવને ગંભીરતાથી લેવા કહ્યું હતું.
બેન્ચે ચૂંટણી પંચ (EC) નું પ્રતિનિધિત્વ કરતા વરિષ્ઠ વકીલ રાકેશ દ્વિવેદીને કહ્યું હતું કે બીએલઓના કામમાં અવરોધ અને સહકારના અભાવના કિસ્સાઓ અમારા ધ્યાન પર લાવો અને અમે યોગ્ય આદેશો પસાર કરીશું."દ્વિવેદીએ કહ્યું કે જો પરિસ્થિતિ વધુ વણસે છે, તો EC પાસે પોલીસને ડેપ્યુટેશન પર લેવા સિવાય કોઈ વિકલ્પ રહેશે નહીં, જે રાજ્ય સરકારના અધિકારક્ષેત્ર હેઠળ છે. ન્યાયાધીશ બાગચીએ જણાવ્યું હતું કે ચૂંટણી પ્રક્રિયા શરૂ ન થાય ત્યાં સુધી ચૂંટણી પેનલ પોલીસને પોતાના અધિકાર ક્ષેત્રમાં લઈ શકશે નહીં.
રાકેશ દ્વિવેદીએ જણાવ્યું હતું કે ચૂંટણી પંચ પાસે બીએલઓ અને એસઆઈઆરની કામગીરીમાં રોકાયેલા અન્ય અધિકારીઓને ધાકધમકી આપવાના કેસોનો સામનો કરવા માટે તમામ બંધારણીય સત્તાઓ છે. ચીફ જસ્ટિસ કાંતે દ્વિવેદીને કહ્યું હતું કે, "પરિસ્થિતિનો ઉકેલ લાવો નહીંતર અરાજકતા ફેલાશે." તેમણે પરિસ્થિતિને "ખૂબ જ ગંભીર" ગણાવી હતી. દ્વિવેદીએ સમજાવ્યું કે પશ્ચિમ બંગાળમાં તણાવને કારણે બીએલઓના આત્મહત્યા કરવાનો કોઈ સવાલ જ નથી કારણ કે તેમને 30 થી 35 મતદારોના છ થી સાત ઘરોની ગણતરી કરવાની હોય છે.
"એટલું સરળ નથી જેટલું...."
જસ્ટિસ બાગચીએ કહ્યું હતું કે આ ડેસ્ક વર્ક નથી અને બીએલઓને ઘરે ઘરે જઈને ગણતરી ફોર્મ ભરવાનું હોય છે અને પછી તેને અપલોડ કરવાનું હોય છે. અને તે દેખાય છે તેટલું સરળ નથી. વરિષ્ઠ વકીલ વી. ગિરીએ જણાવ્યું હતું કે અરજદારોએ SIR કાર્યમાં રોકાયેલા BLO અને અન્ય અધિકારીઓ વિરુદ્ધ હિંસા અને ધમકીઓનો આરોપ લગાવ્યો છે અને ચૂંટણી પંચને તેમના રક્ષણ માટે નિર્દેશો આપવાની માંગ કરી છે.
ટોપ સ્ટોરી
ટ્રેન્ડિંગ સમાચાર
