મમતા બેનરજીની નજીકના આ નેતાનું કોરાનાના કારણે થયુ નિધન, જાણો વિગત

પશ્ચિમ બંગાળમાં તૃણમુલ કોંગ્રેસના ધારાસભ્ય તમોનાશ ઘોષનું 60 વર્ષની વયે બુધવારે અવસાન થયું છે.

કોલકાતાઃ પશ્ચિમ બંગાળમાં તૃણમુલ કોંગ્રેસના ધારાસભ્ય તમોનાશ ઘોષનું 60 વર્ષની વયે બુધવારે અવસાન થયું છે. મે મહિનાના અંતમાં તેમનો કોરોના પોઝિટિવ આવ્યો હતો. ત્યારથી તેમની કોવિડ-19ની સારવાર ચાલતી હતી. બુધવારે જ તેમણે હોસ્પિટલમાં અંતિમ શ્વાસ લીધા હતા. છેલ્લા 35 વર્ષથી તેઓ પક્ષમાં હતા. મુખ્યમંત્રી મમતા બેનર્જીએ તેમના નિધન પર શોક વ્યક્ત કર્યો છે. પશ્ચિમ બંગાળના મુખ્યમંત્રી મમતા બેનર્જીએ ટ્વિટ કરીને લખ્યું, "ખૂબ દુઃખ થયું, ફલ્ટાથી ત્રણ વખત ધારાસભ્ય રહ્યા અને 1998થી પાર્ટીના ટ્રેઝરર રહેલા તમોનાશ ઘોષ હવે નથી રહ્યા. તેઓ પાર્ટી પ્રત્યે સમર્પિત રહ્યા. પોતાના સામાજિક કાર્યથી તેમણે ખૂબ મોટું યોગદાન આપ્યું."

Very, very sad. Tamonash Ghosh, 3-time MLA from Falta & party treasurer since 1998 had to leave us today. Been with us for over 35 years, he was dedicated to the cause of the people & party. He contributed much through his social work. (1/2)

— Mamata Banerjee (@MamataOfficial) June 24, 2020

મમતાએ બીજા એક ટ્વિટમાં તેના પરિવાર પ્રત્યે સંવેદના વ્યક્ત કરતાં લખ્યું, "તેમના જવાથી ક્યારેય ન ભરી શકાય તેવી ખોટ પડી છે. હું તેમના તરફથી તેમની પત્ની ઝરના, તેની બે પુત્રીઓ અને શુભચિંતકો પ્રત્યે સંવેદના પ્રકટ કરું છું."