Modi Cabinet Meeting: PM મોદીની અધ્યક્ષતામાં પ્રગતિ મેદાનમાં મંત્રીપરિષદની બેઠક, કેબિનેટમાં ફેરબદલની અટકળો 

કેન્દ્રીય કેબિનેટની બેઠક દિલ્હીના પ્રગતિ મેદાનમાં થઈ રહી છે. પ્રધાનમંત્રી મોદીની અધ્યક્ષતામાં આ બેઠકમાં ગૃહમંત્રી અમિત શાહ, નીતિન ગડકરી, અનુરાગ ઠાકુર, જી કિશન રેડ્ડી સહિત ઘણા મંત્રીઓ હાજર છે.

પીએમ મોદી ( Image Source : PTI )

Union Cabinet Meeting News: કેન્દ્રીય કેબિનેટની બેઠક દિલ્હીના પ્રગતિ મેદાનમાં થઈ રહી છે. પ્રધાનમંત્રી મોદીની અધ્યક્ષતામાં આ બેઠકમાં ગૃહમંત્રી અમિત શાહ, નીતિન ગડકરી, અનુરાગ ઠાકુર, જી કિશન રેડ્ડી સહિત ઘણા મંત્રીઓ હાજર છે. ભાજપની ટોચની નેતાગીરીની અનેક રાઉન્ડની બેઠકો બાદ કેન્દ્રીય મંત્રી પરિષદમાં ફેરબદલની શક્યતાને લઈને ચાલી રહેલી ચર્ચાઓ વચ્ચે આ બેઠક યોજાઈ રહી છે.

એનસીપીના નેતા અજિત પવાર તેમની પાર્ટીના ઘણા ધારાસભ્યો સાથે ભાજપ-શિવસેના સરકારમાં જોડાયા પછી અને કેન્દ્રીય ગૃહ પ્રધાન અમિત શાહ અને પક્ષ પ્રમુખ જેપી નડ્ડા સહિત ભાજપના વ્યૂહરચનાકારો સાથે સંકળાયેલી ઘણી બંધ બારણે બેઠકો પછી મંત્રી પરિષદમાં ફેરબદલની શક્યતા છે. 
 

આમને કેન્દ્રીય મંત્રી બનાવવાની અટકળો

એનસીપીના સાંસદ અને પૂર્વ કેન્દ્રીય મંત્રી પ્રફુલ્લ પટેલને સંભવિત દાવેદાર તરીકે જોવામાં આવી રહ્યા છે. પ્રફુલ પટેલ એનસીપીના વડા શરદ પવારના ખૂબ નજીકના માનવામાં આવતા હતા, પરંતુ તેમણે શરદ પવારનો સાથ છોડી અજિત પવાર સાથે હાથ મિલાવ્યા હતા. મહારાષ્ટ્રમાં નાયબ મુખ્યમંત્રી તરીકે અજિત પવારના શપથ ગ્રહણની સાથે જ દેવેન્દ્ર ફડણવીસને કેન્દ્ર સરકારમાં લાવવાની અટકળો પણ તેજ થઈ ગઈ છે. આ બેઠકમાં મંત્રીમંડળમાં ફેરબદલ અંગે નિર્ણય લેવામાં આવે તેવી પૂરી શક્યતા છે.       

20 જુલાઈથી ચોમાસુ સત્ર શરૂ થશે

સમાચાર એજન્સી પીટીઆઈના જણાવ્યા અનુસાર, ભાજપના સૂત્રોએ સંકેત આપ્યો છે કે જ્યારે પણ મોદી તેમના મંત્રીમંડળમાં ફેરબદલ કરવાનો નિર્ણય લેશે ત્યારે સાથી પક્ષોને કેબિનેટમાં પ્રતિનિધિત્વ આપવામાં આવશે. 20 જુલાઈથી શરૂ થઈ રહેલા સંસદના ચોમાસુ સત્ર પહેલાનો સમયગાળો કેન્દ્રીય મંત્રી પરિષદમાં ફેરબદલ અથવા ફેરફારની છેલ્લી તક હોઈ શકે છે. તેથી જ મંત્રી પરિષદમાં ફેરબદલ અથવા વિસ્તરણની શક્યતાઓને વધુ બળ મળ્યું છે.

સૂત્રોએ જણાવ્યું કે કેટલાક રાજ્યો સહિત બીજેપીના કેન્દ્રીય સંગઠનમાં કેટલાક ફેરફારો જોવા મળી શકે છે કારણ કે પાર્ટીનું ટોચનું નેતૃત્વ 2024ની લોકસભા ચૂંટણી માટે પ્રચારને વધુ તીવ્ર બનાવવામાં વ્યસ્ત છે. પીએમ મોદીએ 28 જૂને અમિત શાહ અને જેપી નડ્ડા સાથે મુલાકાત કરી હતી. સૂત્રોનું કહેવું છે કે મંત્રી પરિષદમાં કોઈપણ ફેરબદલ પણ આગામી વિધાનસભાની ચૂંટણીને ધ્યાનમાં રાખીને કરવામાં આવશે. 

 

Join Our Official Telegram Channel:
https://t.me/abpasmitaofficial