UP By-Election 2022:મૈનપુરી, રામપુર અને ખતૌલી પેટાચૂંટણી માટે ભાજપે જાહેર કર્યા ઉમેદવારો, જાણો કોને મળી ટિકિટ?

ભાજપે મંગળવારે ઉત્તર પ્રદેશમાં મૈનપુરી, રામપુર અને ખતૌલી બેઠકો માટે તેના ઉમેદવારનું નામ જાહેર કર્યું છે

ફાઇલ તસવીર

Source : Twitter/@BJP4India

UP By-Election 2022: ભાજપે મંગળવારે ઉત્તર પ્રદેશમાં મૈનપુરી, રામપુર અને ખતૌલી બેઠકો માટે તેના ઉમેદવારનું નામ જાહેર કર્યું છે.  ભાજપે રઘુરાજ સિંહ શાક્યને મૈનપુરી પેટાચૂંટણી માટે પોતાના ઉમેદવાર બનાવ્યા છે. આ બેઠકો પર કેન્દ્રીય ચૂંટણી સમિતિ તરફથી અંતિમ મંજૂરી મળ્યા બાદ ઉમેદવારોના નામની જાહેરાત કરવામાં આવી હતી.

भारतीय जनता पार्टी की केंद्रीय चुनाव समिति द्वारा उत्तर प्रदेश के लोकसभा व विधानसभा उपचुनाव, 2022 हेतु बनाए गए प्रत्याशियों को हार्दिक बधाई एवं शुभकामनाएं। pic.twitter.com/EFUuYADppw

— BJP Uttar Pradesh (@BJP4UP) November 15, 2022

ભાજપની કેન્દ્રીય ચૂંટણી સમિતિએ મંગળવારે ઉત્તર પ્રદેશ પેટાચૂંટણી માટે ઉમેદવારના નામની જાહેરાત કરી હતી. ભાજપે મૈનપુરી લોકસભા બેઠક પર પેટાચૂંટણીમાં સમાજવાદી પાર્ટીના ઉમેદવાર અને અખિલેશ યાદવની પત્ની ડિમ્પલ યાદવ સામે રઘુરાજ શાક્યને ટિકિટ આપી છે. મૈનપુરીમાં પહેલાથી જ એવી અટકળો ચાલી રહી હતી કે ભાજપ શાક્ય સમાજના ઉમેદવારને ટિકિટ આપશે.

BJP announces list for Lok Sabha and Assembly by-polls

Read @ANI Story | https://t.co/7QMjsRWpRc#loksabhbypolls #assemblybypolls #MainpuriBypoll #BJP pic.twitter.com/BfDwpzAtno

— ANI Digital (@ani_digital) November 15, 2022

રામપુર અને ખતૌલીમાંથી ભાજપની ટિકિટ કોને મળી?

આ સિવાય ભાજપે રામપુર વિધાનસભા બેઠકની પેટાચૂંટણી માટે પોતાના ઉમેદવારના નામની જાહેરાત કરી દીધી છે. આઝમ ખાનના આ ગઢમાં પાર્ટીએ આકાશ સક્સેનાને પોતાનો ઉમેદવાર બનાવ્યો છે. આકાશ સક્સેના રામપુરમાં આઝમ ખાનના કટ્ટર વિરોધી માનવામાં આવે છે. જોકે અગાઉ પણ આકાશ સક્સેનાને ઉમેદવાર બનાવવાની ચર્ચા હતી.

મુઝફ્ફરનગરની ખતૌલી વિધાનસભા પેટાચૂંટણીમાં ભાજપે રાજકુમારી સૈનીને ટિકિટ આપી છે, રાજકુમારી સૈની વિક્રમ સિંહ સૈનીની પત્ની છે. જ્યારે આરએલડીએ આ સીટ પર સપા ગઠબંધનમાંથી મદન ભૈયાને ઉમેદવાર બનાવ્યા છે. મૈનપુરી અને ખતૌલી સીટ માટે નોમિનેશન 17 નવેમ્બર સુધી ચાલશે. જ્યારે રામપુર સીટ માટે નોમિનેશન 18 નવેમ્બર સુધી ચાલશે. આ બેઠકો પર 5 ડિસેમ્બરે મતદાન થશે અને 8મી ડિસેમ્બરે મતગણતરી થશે.

ઉલ્લેખનીય છે કે મુલાયમ સિંહ યાદવના નિધન બાદ મૈનપુરીમાં ચૂંટણી થઈ રહી છે. જ્યારે રામપુરથી આઝમ ખાન અને ખતૌલીથી ભાજપના ધારાસભ્ય રહેલા વિક્રમ સિંહ સૈનીની સદસ્યતા રદ થયા બાદ પેટાચૂંટણી યોજાઈ રહી છે.