Mehsana : કોલેજિયન ફ્રેન્ડે યુવતીને ફોટા વાયરલ કરવાની ધમકી આપી વારંવાર માણ્યું શરીરસુખ ને પછી....

વડનગરની યુવતીને ખેરાલુના યુવક સાથે કોલેજમાં ફ્રેન્ડશિપ હતી. બંને મોબાઇલ પર મેસેજ પર વાતચીત પણ કરતા હતા. એટલું જ નહીં, ગત 14 ડિસેમ્બર, 2020ના રોજ વડનગર તાનારીરી મહોત્સવમાં પણ બંને સાથે ગયા હતા. અહીં યુવકે યુવતીને ચોકલેટ અને ગુલાબ સાથેના ફોટા પાડ્યા હતા. 

પ્રતિકાત્મક તસવીર.

મહેસાણાઃ વડનગરની યુવતીને કોલેજ ફ્રેન્ડે ફોટા વાયરલ કરવાની ધમકી આપી વારંવાર પરાણે શારીરિક સંબંધ બાંધ્યા હોવાની તેમજ સંબંધ ન રાખે તો બદનામ કરી દેવાની ધમકી આપી હતી. એટલું જ નહીં, યુવકની બહેને પણ યુવતીને એટ્રોસિટીની ફરિયાદ કરવાની ધમકી આપી હતી. 

આ અંગે મળતી વિગતો પ્રમાણે, વડનગરની યુવતીને ખેરાલુના યુવક સાથે કોલેજમાં ફ્રેન્ડશિપ હતી. બંને મોબાઇલ પર મેસેજ પર વાતચીત પણ કરતા હતા. એટલું જ નહીં, ગત 14 ડિસેમ્બર, 2020ના રોજ વડનગર તાનારીરી મહોત્સવમાં પણ બંને સાથે ગયા હતા. અહીં યુવકે યુવતીને ચોકલેટ અને ગુલાબ સાથેના ફોટા પાડ્યા હતા. 

દરમિયાન યુવતીની અન્ય યુવક સાથે સગાઇ થઈ ગઈ હતી. આ અંગે યુવકને જાણ થઈ જતાં તેણે યુવતીના મંગેતરને ફોટા મોકલી દીધી હતા. જેને કારણે યુવતીની સગાઇ તૂટી ગઈ હતી. આ પછી યુવકે યુવતીને અવાર-નવાર ફોન કરી ધમકી આપીને મળવા બોલાવતો હતો. તેમજ ન આવે તો ફોટા વાયરલ કરીને સમાજમાં બદનામ કરવાની ધમકી આપતો હતો. યુવતીને વારંવાર મળવા બોલાવી તેની સાથે પરાણે શારીરિક સંબંધ બાંધતો હતો. 

એટલું જ નહીં, યુવકની બહેન પણ ભાઈ સાથે સંબંધ રાખવા દબાણ કરતી હતી. તેમજ યુવતી અને તેના પિતા સામે એટ્રોસિટીની ફરિયાદ કરવાની ધમકી પણ આપી હતી. યુવતીને પામવા માટે યુવકે બ્લેડથી યુવતીનું નામ પોતાના હાથ પર લખ્યું હતું અને તેના ફોટા યુવતીને મોબાઇલ પર મોકલ્યા હતા. આમ, યુવક અને તેની બહેનની ધમકીઓથી કંટાળીને યુવતીએ બંને સામે પોલીસ ફરિયાદ નોંધાવી છે. પોલીસે બંને સામે ગુનો નોંધી તપાસ હાથ ધરી છે. 

Mehsana : સગીરાને કારમાં બેસાડી યુવક લઈ ગયો ખેતરમાં, પરાણે માણ્યું શરીરસુખ ને પછી....

 

મહેસાણાઃ મહેસાણા તાલુકાની એક સગીરા પર યુવકે બળાત્કાર ગુજાર્યો હોવાની ઘટના સામે આવતા નાના એવા ગામમાં ખળભળાટ મચી ગયો છે. અઢી મહિના પહેલા સવારે 6 વાગ્યે સગીરા પર બળાત્કાર ગુજારાયો હતો. જોકે, પિતાને કોરોના હોવાથી અને દીકરી પણ બીમાર પડી ગઈ હોવાથી અત્યારે પોલીસ ફરિયાદ નોંધાવાઇ છે. 

 

આ અંગે મળતી વિગતો પ્રમાણે, અઢી મહિના પહેલા ગામનો જ યુવક સગીરાને સવારે 6 વાગ્યે ભોળવીને કારમાાં બેસાડી તળેટી ગામની સીમમાં લઈ ગયો હતો. અહીં સગીરાને લલચાવી-ફોસલાવી યુવકે પરાણે શારીરિક સંબંધો બાંધ્યા હતા. તેમજ હવસ સંતોષ્યા પછી કોઈને આ અંગે વાત કરશે, તો જાનથી મારી નાંખવાની ધમકી આપી હતી. 

 

આ ઘટના બની ત્યારે સગીરાના પિતાને કોરોનાની સારવાર ચાલું હોવાથી તેમ જ ભોગ બનનાર સગીરા પણ બીમાર પડી ગઈ હોવાથી ફરિયાદ નોંધાવી શકાઇ નહોતી. સગીરા સ્વસ્થ થતાં શનિવારે આરોપી સામે મહેસાણા તાલુકા પોલીસ સ્ટેશનમાં ફરિયાદ નોંધાવવામાં આવી છે. પોલીસે યુવક સામે બળાત્કાર અને પોક્સો એક્ટ હેઠળ ગુનો નોંધી વધુ તપાસ હાથ ધરી છે.