![ABP Premium](https://cdn.abplive.com/imagebank/Premium-ad-Icon.png)
Rajkot: ભાજપ નેતાના પુત્રએ 'કાંઇક બતાવુ' કહી પાંચમા ધોરણની વિદ્યાર્થીનીના કાઢ્યા કપડા ને
Rajkot: રાજકોટમાં ભાજપના નેતાના પુત્ર પર દુષ્કર્મના પ્રયાસનો આરોપ લાગ્યો છે
![Rajkot: ભાજપ નેતાના પુત્રએ 'કાંઇક બતાવુ' કહી પાંચમા ધોરણની વિદ્યાર્થીનીના કાઢ્યા કપડા ને A BJP leader's son has been accused of attempted physical assault in Rajkot Rajkot: ભાજપ નેતાના પુત્રએ 'કાંઇક બતાવુ' કહી પાંચમા ધોરણની વિદ્યાર્થીનીના કાઢ્યા કપડા ને](https://feeds.abplive.com/onecms/images/uploaded-images/2023/08/21/4a3b8d8977070df6648fef4ee13dd45e1692613104311490_original.jpg?impolicy=abp_cdn&imwidth=1200&height=675)
Rajkot: રાજકોટમાં ભાજપના નેતાના પુત્ર પર દુષ્કર્મના પ્રયાસનો આરોપ લાગ્યો છે. મળતી જાણકારી અનુસાર, રાજકોટ ભાજપના નેતા વિજય કારિયાના પુત્ર ભાવિન કારિયાની પાંચમા ધોરણમાં અભ્યાસ કરતી વિદ્યાર્થિની પર દુષ્કર્મના પ્રયાસના આરોપમાં ધરપકડ કરવામાં આવી છે.
ભાજપના આગેવાન અને સાંસ્કૃતિક સેલના સહકન્વીનર વિજય કારિયાના પુત્ર ભાવિન પર આરોપ લાગ્યો છે કે તેણે ધોરણ પાંચમાં અભ્યાસ કરતી વિદ્યાર્થિની પર દુષ્કર્મનો પ્રયાસ કર્યો હતો. આ અંગે ફરિયાદ નોંધાતા પોલીસે ભાવિન કારિયાની ધરપકડ કરી છે. ભાવિન કારિયા ઈવેન્ટ મેનેજમેન્ટનું કામ કરે છે.
ફરિયાદ અનુસાર, ભાવિન કારિયાએ કંઇક બતાવુ કહીને ધોરણ 5ની વિદ્યાર્થિનીના કપડા કાઢી દીધા હતા. વિદ્યાર્થિનીએ બૂમો પાડતા આરોપી ભાવિને પીડિતાના વાળ ખેંચી તેને માર માર્યો હતો. ફરિયાદ બાદ ભક્તિનગર પોલીસે આરોપી ભાવિન કારિયાની ધરપકડ કરી વધુ તપાસ હાથ ધરી હતી.
નોંધનીય છે કે ગયા મહિને મોરબીના હળવદ પંથકમાં એક ચોંકાવનારી ઘટના સામે આવી હતી. અહીં એક બાળક સાથે સૃષ્ટિ વિરુદ્ધનું કૃત્ય કરવામાં આવતા અરેરાટી મચી ગઈ છે. 9 વર્ષના બાળક સાથે સૃષ્ટિ વિરુદ્ધનું કૃત્યુ થયું હોવાનો આ બાળકના પિતાએ લગાવ્યો છે. બાવળની જાળીમાં બાળકને લઇ જઈને બનાવ આચાર્યો હોવાનો આરોપ લગાવામાં આવ્યો છે. હાલમાં બાળકને મોરબી સિવિલ હોસ્પિટલ ખાતે મેડીકલ રીપોર્ટ અને સારવાર માટે લઇ આવામાં આવ્યો છે. તો બીજી તરફ પિતાની ફરિયાદના આધારે હળવદ પોલીસે ફરિયાદ નોંધવા તજવીજ હાથ ધરી છે. ઘટનાને પગલે સમગ્ર વિસ્તારમાં ખળભળાટ મચી ગયો હતો.
અગાઉ શહેરના સરથાણામાં 15 વર્ષ 8 માસની કિશોરી પર દુષ્કર્મ આચરવામાં આવ્યું હતું. આરોપીએ ઇન્સ્ટાગ્રામ પર મિત્રતા કેળવી ટેમ્પમાં બેસાડી લઈ જઈ દુષ્કર્મ આચર્યું હતું. પરિવાર કે બીજાને જાણ કરીશ તો તારા પરિવારને જાનથી મારી નાખીશ અને ફોટાઓ વાયરલ કરી દઇશ તેવી ધમકીઓ પણ આપી હતી. સમગ્ર મામલે સરથાણા પોલીસ મથકમાં ફરિયાદ નોંધાઈ છે. 29 વર્ષીય પપ્પુ રાધેશ્યામ નામના ઈસમ સામે ફરિયાદ નોંધાઈ છે. સમગ્ર મામલે સરથાણા પોલીસે ગુનો નોંધી તપાસ હાથ ધરી છે. સરથાણા પોલીસે આરોપી રાધેશયમની ધરપકડ કરી આગળની કાર્યવાહી હાથ ધરી છે. નોંધનીય છે કે, સુરત શહેરમાં છેલ્લા ઘણા સમયથી હત્યા અને દુષ્કર્મના કેસોમાં નોંધપાત્ર વધારો થયો છે. વધતા ક્રાઈમને લઈને લોકોમાં પણ રોષ જોવા મળી રહ્યો છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)