સૌરાષ્ટ્રના વાહનચાલકોને મોટી રાહત: રાજકોટ-જેતપુર નેશનલ હાઈવે પર ટ્રાફિકજામ નિવારવા કડક પગલાં, NHAIની મોટી જાહેરાત

NHAI traffic jam solution: ભારે વાહનો પર દિવસ દરમિયાન પ્રતિબંધ, 24 કલાક કંટ્રોલ રૂમ અને 30 થી વધુ ટ્રાફિક માર્શલ્સ તૈનાત.

રાજકોટ-જેતપુર નેશનલ હાઈવે પર ટ્રાફિકજામ નિવારવા કડક પગલાં

Source : abp asmita

Rajkot Jetpur highway traffic: છેલ્લા દોઢ વર્ષથી રાજકોટ-જેતપુર (Rajkot-Jetpur) નેશનલ હાઈવે નંબર-27 પર 6 લાઈનની કામગીરીને (6-lane work) કારણે વાહનચાલકોને ભારે હાલાકીનો સામનો કરવો પડી રહ્યો હતો. વારંવાર ટ્રાફિકજામ (Traffic Jam) થવાની અને એમ્બ્યુલન્સ (Ambulance) ફસાઈ જવાની ઘટનાઓ સામે આવતી હતી, જેમાં મુખ્ય કારણ ભારે વાહનોનો (Heavy Vehicles) અનિયંત્રિત પ્રવાહ હતો. મીડિયા અને કોંગ્રેસના (Congress) અહેવાલો બાદ રાજકોટ જિલ્લા વહીવટી તંત્ર (District Administration) અને નેશનલ હાઈવે ઓથોરિટી ઓફ ઈન્ડિયાના (National Highway Authority of India - NHAI) અધિકારીઓ જાગૃત થયા છે અને ટ્રાફિક વ્યવસ્થા સુધારવા માટે સઘન આયોજન કર્યું છે.

તાત્કાલિક લેવાયેલા મુખ્ય પગલાં

નેશનલ હાઈવે ઓથોરિટી દ્વારા રાજકોટ-જેતપુર હાઈવે પર ટ્રાફિકની સરળતા માટે કેટલાક મહત્વપૂર્ણ પરિપત્રો જાહેર કરવામાં આવ્યા છે અને નક્કર પગલાં લેવાયા છે:

• દિવસ દરમિયાન ભારે વાહનો પર પ્રતિબંધ: ટ્રાફિક જામ ના સર્જાય તે માટે ઓવર સાઈઝ ટ્રકોને દિવસ દરમિયાન પસાર ન થવા દેવાની સલાહ અપાઈ છે.
• 24 કલાક ઈમરજન્સી કંટ્રોલ રૂમ: ટ્રાફિકજામની ફરિયાદ માટે પ્રોજેક્ટ અમલીકરણ યુનિટ દ્વારા 24 કલાક કાર્યરત ઈમરજન્સી કંટ્રોલરૂમ (Emergency Control Room) શરૂ કરવામાં આવ્યો છે. તેના નંબર હાઈવે પર વિવિધ સ્થળે દર્શાવવામાં આવ્યા છે: (1) 84276 77178, (2) 98258 46729, (3) 81300 06125. અત્યાર સુધીમાં 70 થી વધુ ફરિયાદોનો તત્કાલ નિકાલ કરવામાં આવ્યો છે.
• ટ્રાફિક માર્શલ્સની તૈનાતી: ટ્રાફિકના સુગમ સંચાલન અને રોંગ સાઈડથી આવતા વાહનોને રોકવા માટે 16 સ્થળો પર 30 થી વધુ ટ્રાફિક માર્શલ્સ (Traffic Marshals) 24 કલાક શિફ્ટ મુજબ ફરજ બજાવી રહ્યા છે. તેઓ જરૂર પડ્યે ટ્રાફિક જામવાળા સ્થળે પહોંચીને ટ્રાફિક ક્લીયર કરાવે છે.
• ટ્રાફિક ડાયવર્ઝન રિ-ડિઝાઇન: ટ્રાફિક ડાયવર્ઝનને (Traffic Diversion) ફરીથી ડિઝાઇન કરવામાં આવ્યા છે, જેથી વાહન વ્યવહાર સરળ બની શકે.
• ટ્રાફિક પોલીસની તૈનાતી: ટ્રાફિકજામના સંભવિત સ્થળોએ ટ્રાફિક પોલીસની (Traffic Police) ટીમો પણ તૈનાત કરવામાં આવી છે.
• હેવી ક્રેનની વ્યવસ્થા: 12 જેટલા હેવી ટ્રાફિકવાળા પોઈન્ટ પર બ્રેકડાઉન થયેલા વાહનોને ઝડપથી ખસેડવા માટે હેવી ક્રેન પણ મૂકવામાં આવી છે.

ટ્રાફિક જામના કારણો અને નિવારણ માટેના પગલાં

NHAI ના અધિકારીઓના જણાવ્યા મુજબ, હાઈવે પર ટ્રાફિક જામના મુખ્ય કારણો સર્વે કરીને શોધી કાઢવામાં આવ્યા હતા:

1. રોંગ સાઈડ ડ્રાઈવિંગ: સ્થાનિક લોકો રસ્તો જલ્દી ઓળંગવા કે દૂર ફરવા ન જવું પડે તે માટે સર્વિસ રોડ (Service Road) તથા ડાયવર્ઝન પર રોંગસાઈડ ડ્રાઈવિંગ (Wrong Side Driving) કરતા હોવાથી ટ્રાફિક જામ થાય છે.
2. પીપળીયા પાસે સંકડામણ: પીપળીયા (Pipaliya) ક્રોસ રોડ પાસે જમીનની ઉપલબ્ધતા ન હોવાને કારણે સર્વિસ રોડ માત્ર 5.50 મીટર પહોળો છે. પીક અવર્સમાં (Peak Hours) આ રસ્તો હેવી ટ્રાફિકના સંચાલન માટે સાંકડો પડતો હોવાથી ટ્રાફિકજામ થાય છે. છેલ્લા 3-4 માસથી અહીં ટ્રાફિકમાં નોંધપાત્ર વધારો થયો છે.
3. ઓવર સાઈઝ વ્હીકલ્સ: આ હાઈવે પર ઔદ્યોગિક વિસ્તાર હોવાના કારણે ઓવર સાઈઝ વ્હીકલ્સ પસાર થતા રહે છે, જેના કારણે સર્વિસ રોડ બ્લોક થઈ જાય છે અને જામ સર્જાય છે.

આ સમસ્યાઓના ઉકેલ માટે, NHAI એ નાગરિકોને પણ અપીલ કરી છે કે તેઓ રોંગસાઈડ ડ્રાઈવિંગ ન કરે અને સરળ ટ્રાફિક સંચાલન માટે સ્થળ પર હાજર સ્ટાફને સહયોગ આપે. આ પગલાંથી સૌરાષ્ટ્રના વાહનચાલકોને ટ્રાફિકની સમસ્યામાંથી મોટી રાહત મળશે તેવી અપેક્ષા છે.

આ પણ વાંચો

બિસ્માર રસ્તાઓ અને રોંગ સાઈડ ડ્રાઇવિંગને લઈ હાઈકોર્ટે તંત્રનો લીધો ઉધડો: "વચનો નહીં, પરિણામ જોઈએ!"

ગુજરાત કોંગ્રેસમાં મોટો ફેરફાર! અમિત ચાવડા ફરી પ્રમુખ? નવી ટીમમાં કોણ, જાણો એક્સક્લુઝિવ અપડેટ્સ!