રક્ષાબંધનના દિવસે આ મોટા શહેરમાં સીટી બસ અને બીઆરટીએસ બસ મહિલાઓ માટે ફ્રી, મહાનગર પાલિકાની જાહેરાત

રક્ષાબંધનના પવિત્ર પર્વને લઈને રાજકોટ મહાનગરપાલિકા દ્વારા એક મહત્વપૂર્ણ જાહેરાત કરવામાં આવી છે,

ફાઇલ તસવીર

Raksha Bandhan 2023: દેશભરમાં આગામી 30 ઓગસ્ટ, બુધવારે ભાઇ-બહેનનો પવિત્ર તહેવાર રક્ષાબંધનને ધામધૂમથી ઉજવવામાં આવશે, આ દિવસને હિન્દુ પંચાગ અને શાસ્ત્રો પ્રમાણે વ્રત-પૂર્ણિમાનો શુભ દિવસ માનવામાં આવે છે. હવે રક્ષાબંધનના પવિત્ર તહેવારને લઇને ગુજરાતમાં તંત્ર પણ લોકોને ગિફ્ટ આપવાના મૂડમાં છે, હાલમાં જ સમાચાર મળી રહ્યા છે કે, રાજકોટમાં આ રક્ષાબંધનના તહેવારને વિશેષ બનાવવા માટે મહાનગર પાલિકાએ એક મહત્વપૂર્ણ જાહેરાત કરી છે.

રક્ષાબંધનના પવિત્ર પર્વને લઈને રાજકોટ મહાનગરપાલિકા દ્વારા એક મહત્વપૂર્ણ જાહેરાત કરવામાં આવી છે, આ જાહેરાત એવી છે કે, આ દિવસે શહેરમાં સીટી બસ અને બીઆરટીએસમાં મહિલાઓને ફ્રીમાં મુસાફરી કરાવવામાં આવશે, એટલે કે રક્ષાબંધનના દિવસે મહિલાઓ સીટી બસ અને બીઆરટીએસ બસમાં ફીમાં મુસાફરી કરી શકશે. રાજકોટમાં વર્ષોથી મહાનગરપાલિકા દ્વારા બહેનો માટે આ રીતે જાહેરાત કરવામાં આવી રહી છે. દર વર્ષે હજારો બહેનો સીટી બસ અને બીઆરટીએસમાં મુસાફરી કરીને ભાઈને રાખડી બાંધવા માટે જાય છે.

• શું ભદ્રા રક્ષાબંધન પર અવરોધરૂપ બનશે ?
રક્ષાબંધનનો તહેવાર દર વર્ષે શ્રાવણની પૂર્ણિમાની તિથિએ મનાવવામાં આવે છે. આ વર્ષે રક્ષાબંધનનો તહેવાર 30 ઓગસ્ટ 2023, બુધવાર (14મી) વ્રત-પૂર્ણિમાના દિવસે મનાવવામાં આવશે. આ દિવસે ભદ્રા મૃત્યુ ભૂમિમાં નિવાસ કરશે. શાસ્ત્રો અનુસાર રક્ષાબંધન હંમેશા ભદ્રા પછી ઉજવવું જોઈએ. ભદ્રામાં રક્ષાબંધન કરવા પર પ્રતિબંધ છે. મૃત્યુ ભૂમિમાં ભદ્રાના નિવાસને કારણે આ વર્ષે રક્ષાબંધન પર્વમાં વિક્ષેપ આવશે ?

રક્ષાબંધનનો શુભ સમય -
ખૂબ જ શુભ સમય - સવારે 06 થી 09 (ભદ્રા અને પંચકના ઉદય પહેલા)
શુભ અને શુભ સમય - બપોરે 3:30 થી 6:30 સુધી (ભૉદ્રાના મુખકાળના 5 કલાક પછી)
પ્રદોષ કાળ: સાંજે 5:00 થી 6:30 વાગ્યા સુધી

રક્ષાબંધન સંબંધિત નિયમો  -
• ધાર્મિક માન્યતાઓ અનુસાર, ભદ્રકાળમાં રક્ષાબંધનનો તહેવાર મનાવવાની મનાઈ છે, તેથી જ નિયમો અનુસાર રાખડી બાંધતી વખતે ભદ્રાકાળનું ધ્યાન રાખવું જોઈએ.
• પંચાંગ અનુસાર, રક્ષાબંધનનો તહેવાર શ્રાવણ મહિનામાં તે દિવસે ઉજવવામાં આવે છે જ્યારે પૂર્ણ ચંદ્ર બપોરે આવે છે.
• જો પૂર્ણિમા તિથિએ બપોરે ભદ્રા હોય, તો રક્ષાબંધન ભદ્રામાં ના ઉજવવું જોઈએ.
• ભાઈને રાખડી બાંધતી વખતે તેનું મુખ પૂર્વ કે ઉત્તર પૂર્વ દિશા તરફ હોવું જોઈએ. ભાઈએ પશ્ચિમ દિશામાં બેસીને ક્યારેય રાખડી ના બાંધવી જોઈએ.