Surat: સુરતની 27 જેટલી ડાયમંડ કંપનીઓના બેંક એકાઉન્ટ અચાનક ફ્રીઝ કરવામાં આવતા મચી અફરાતફરી, કરોડોના વ્યવહારો ખોરવાયા

સુરત: તેલંગાણા, કેરેલા જેવા રાજ્યોમાં થયેલી સાઇબર ક્રાઇમની ફરીયાદને આધાર બનાવીને ત્યાંની સ્થાનિક પોલીસે સુરતની 27 જેટલી મોટી હીરા પેઢીઓના બેંક અકાઉન્ટ્સ ફ્રીઝ કરી દીધા છે.

પ્રતિકાત્મક તસવીર

સુરત: તેલંગાણા, કેરેલા જેવા રાજ્યોમાં થયેલી સાઇબર ક્રાઇમની ફરીયાદને આધાર બનાવીને ત્યાંની સ્થાનિક પોલીસે સુરતની 27 જેટલી મોટી હીરા પેઢીઓના બેંક અકાઉન્ટ્સ ફ્રીઝ કરી દીધા છે. બેંકોએ પણ અન્ય રાજ્યોની પોલીસે આપેલી સૂચનાનું પાલન કરી પૂરેપૂરો કેસ જાણ્યા વગર હીરા પેઢીઓના બેંક એકાઉન્ટ ફ્રીઝ કરી દેતા સુરતના હીરા ઉદ્યોગપતિઓના કરોડો રૂપિયાના વ્યવહારો સ્થગિત થઇ ચૂક્યા છે.

હીરા ઉદ્યોગના અગ્રણી અને જીજેઇપીસીના ડિરેક્ટર દિનેશ નાવડીયાએ કહ્યું કે આ અંગે સુરતના અનેક હીરા ઉદ્યોગપતિઓની મૌખિક અને લેખિત ફરીયાદ મળી છે. બીજા રાજ્યોની પોલીસે સુરતની હીરા પેઢીઓના કરન્ટ એકાઉન્ટ કે જેમાંથી પગાર, ખર્ચા, ખરીદીના બિલો ચૂકવાય છે એવા એકાઉન્ટને રાતોરાત સ્થગિત કરી દીધા છે. આ મામલો ખૂબ ગંભીર છે એટલે મેં સુરતના એડિશનલ પોલિસ કમિશનર શરદ સિંઘલને જાણ કરી છે. આવતીકાલ ગુરુવારે સવારે જે વેપારીઓના એકાઉન્ટ બિનજરૂરી રીતે ફ્રિઝ કરાયા છે તેઓ એડિશનલ કમિશનર શરદ સિંઘલને રૂબરૂ રજૂઆત કરવા જવાના છે.

દિનેશ નાવડીયાએ જણાવ્યું કે પ્રથમદર્શી નજરે જોતા એવું જણાય છે કે વેપારીઓને બેંકોએ કોઇપણ કારણ આપ્યું નથી કે કયા કારણથી બેંક એકાઉન્ટ ફ્રીઝ થયું છે. બીજુ એવું જણાય છે કે ત્રાહિત વ્યક્તિની ફરીયાદ છે, જે વ્યક્તિનું એકાઉન્ટમાં સાઇબર ક્રાઇમ થયો છે તેની એકેય એન્ટ્રી નથી. આમ છતાં પોલીસે ત્રાહિત પેઢી કે જેને સાઇબર ક્રાઇમની સાઇકલમાં ક્યાંય સંબંધ નથી તેવા વેપારીઓના એકાઉન્ટ ફ્રીઝ કરીને વેપારીઓ માટે તહેવારોના સમયમાં મોટી આફત ઉભી કરી આપી છે.

વેપારીઓની એવી પણ ફરીયાદો હતી કે પરરાજ્યોની પોલીસ સ્થાનિક વેપારીઓના બેંક એકાઉન્ટ આડેધડ રીતે ફ્રીઝ કરી રહી છે અને બેંક એકાઉન્ટ પુનઃ સ્થાપિત કરી આપવાના બદલામાં મોટી રકમના વ્યવહારો કરવાની ફરજ પડાતી હોવાની ફરીયાદો પણ મળી છે.

સરકારી કર્મચારીને સાયબર ક્રાઇમનો શિકાર બનાવનારી મહિલા સહિત ત્રણ ઝડપાયા

 સુરત શહેરમાં પોલીસ અને સરકારી કર્મચારી સાયબર ક્રાઇમના શિકાર બન્યા હતા. સુરત સાયબર ક્રાઇમ પોલીસ એક મહિલા સહિત ત્રણ ઈસમની ધરપકડ કરવામાં આવી છે. સાઈબર ફ્રોડ ગેંગ દ્વારા કૌભાંડ કરવામાં આવ્યું હતું. PLC ULTIMA કોઈનમાં રોકાણ કરતા 59 લાખ રૂપિયા ગુમાવ્યા હતા. 12 લોકો સાયબર ફ્રોડ નો શિકાર બન્યા હતા. 12 પૈકી એક સુરત પોલીસનો જવાન તથા અન્ય ફાયર વિભાગમાં ફરજ બજાવતા કર્મચારી હોવાનું બહાર આવ્યું હતું. છેલ્લા કેટલાક સમયથી સાયબર ફ્રોડના કિસ્સા સતત વધી રહ્યા છે. ગેંગ દ્વારા 59 લાખ નું ચીટિંગ કરવામાં આવ્યું હતું.

આરોપીઓએ આરબીઆઈની કોઈપણ જાતની મંજૂરી મેળવ્યા વગર PLCU ULTIMA નામની કંપની ઉભી કરી તેની એપ્લિકેશન બનાવી PLCU કોઇન ઉભા કરી તેમાં રોકાણ કરવાથી જેટલા રૂપિયાનું રોકાણ કરશો તેટલા રૂપિયા ત્રણ મહિનામાં પરત આપવાનું અને એક વર્ષમાં કરેલા રોકાણના ત્રણ ગણા રૂપિયા આપવાની તથા બીજી કોઈ વ્યક્તિને રોકાણ કરાવશો તો કમીશન અને બોનસ આપવાની લોભામણી વાતો કરી હતી.

પકડાયેલા આરોપીઓ

• વિનોદ હરીલાલ નીશાદ (ઉ.વ.36)
• મહેન્દ્ર ઉદેસિંહ સીસોદીયા (ઉ.વ.34)
• પંપા બરૂન દાસ (ઉ.વ.34)