Earthquake: સુરતમાં ભૂકંપ આવ્યો, વહેલી સવારે 6 વાગે લોકો ઊંઘમાંથી જાગીને ઘરની બહાર દોડ્યા
Surat Earthquake:વહેલી સવારે દક્ષિણ ગુજરાતમાં સુરત જિલ્લાના ઉમરપાડા તાલુકાના પીનપુર, સતવાણ, ઉમરપાડા સહિતના ગામોમાં ભૂકંપના હળવા આંચકા અનુભવયા હતા
Surat Earthquake: ગુજરાતની ધરા ફરી એકવાર ધ્રુજી છે, આજે વહેલી સવારે સુરત જિલ્લાના ઉમરપાડાના કેટલાક વિસ્તારમાં ભૂકંપના ઝટકા અનુભવાયા હતા, જે પછી લોકોમાં ગભરાઇને ઘરની બહાર દોડી આવ્યા હતા. આ ભૂકંપના ઝટકા વહેલી સવારે 6 વાગે અનુભવાયા હોવાનું લોકો કહી રહ્યાં છે.
માહિતી અનુસાર, આજે વહેલી સવારે દક્ષિણ ગુજરાતમાં સુરત જિલ્લાના ઉમરપાડા તાલુકાના પીનપુર, સતવાણ, ઉમરપાડા સહિતના ગામોમાં ભૂકંપના હળવા આંચકા અનુભવયા હતા. સવારે 6 વાગે ભૂકંપ આવ્યો હોવાના કારણે લોકો ઊંઘમાંથી જાગીને ઘરની બહાર દોડી આવ્યા હતા. ઉમરપાડા મામલતદાર કચેરીએ ભૂકંપની નોંધ લીધી હતી. ભૂકંપ અંગે કચેરીએ જણાવ્યું કે, 12 નવેમ્બરની સવારે 6.04 કલાકે સુરત જિલ્લાના ઉમરપાડા તાલુકાના ગામોમાં ભૂકંપના આંચકાનો અનુભવ થયો હતો. ભૂકંપથી કોઈ પણ નુકસાની કે જાનહાનિના અહેવાલ નથી.
ભૂકંપની તીવ્રતા શું છે -
રિક્ટર સ્કેલ પર 2.0 થી ઓછી તીવ્રતાવાળા ધરતીકંપોને સૂક્ષ્મ તરીકે વર્ગીકૃત કરવામાં આવે છે અને અનુભવી શકાતા નથી. રિક્ટર સ્કેલ પર સૂક્ષ્મ શ્રેણીના 8,000 ભૂકંપ વિશ્વભરમાં દરરોજ નોંધાય છે. તેવી જ રીતે, 2.0 થી 2.9 ની તીવ્રતાવાળા ધરતીકંપોને માઇનોર કેટેગરીમાં રાખવામાં આવ્યા છે. આવા 1,000 ધરતીકંપો દરરોજ આવે છે, જે આપણે સામાન્ય રીતે અનુભવતા પણ નથી. 3.0 થી 3.9 ની તીવ્રતાના અત્યંત હળવા ધરતીકંપ એક વર્ષમાં 49,000 વખત નોંધાયા છે. તેઓ અનુભવાય છે પરંતુ ભાગ્યે જ કોઈ નુકસાન પહોંચાડે છે. લાઇટ શ્રેણીના ધરતીકંપો 4.0 થી 4.9 તીવ્રતાના હોય છે જે સમગ્ર વિશ્વમાં એક વર્ષમાં લગભગ 6,200 વખત રિક્ટર સ્કેલ પર નોંધાય છે. આ આંચકા અનુભવાય છે અને તેના કારણે ઘરની વસ્તુઓ હલતી જોવા મળે છે. જો કે, તેઓ નજીવું નુકસાન પહોંચાડે છે.
ભૂકંપ આવે ત્યારે બચવા શું કરશો -
ભૂકંપ આવતા જો તમે ઘરમાં છો તો જમીન પર બેસી જાવ.
મજબૂત ટેબલ કે કોઈ ફર્નીચરની નીચે શરણ લો.
ટેબલ ન હોય તો હાથ વડે ચેહરા અને માથાને ઢાંકી લો.
ઘરના કોઈ ખૂણામાં જતા રહો.
કાંચ બારીઓ દરવાજા અને દિવાલથી દૂર રહો.
પથારી પર છો તો સૂઈ રહો. ઓશિકા વડે માથુ ઢાંકી લો.
આસપાસ ભારે ફર્નીચર હોય તો તેનાથી દૂર રહો.
લિફ્ટનો ઉપયોગ કરતા બચો..
પેંડુલમની જેમ હલીને દિવાલ સાથે લિફ્ટ અથડાઈ શકે છે
લાઈટ જવાથી પણ લિફ્ટ રોકાય શકે છે.
નબળી સીઢીઓનો ઉપયોગ ન કરો..
સામાન્ય રીતે બિલ્ડિંગોમાં બનેલ સીઢીયો મજબૂત નથી હોતી.
ઝટકો આવતા સુધી ઘરની અંદર જ રહો
આંચકા આવતા બંધ થાય ત્યારે બહાર નીકળો.
આ પણ વાંચો
Brotherhood: સૌથી વધુ કયા મુસ્લિમ દેશના લોકો હિન્દુઓને કરે છે પ્રેમ
ટોપ સ્ટોરી
ટ્રેન્ડિંગ સમાચાર
