![ABP Premium](https://cdn.abplive.com/imagebank/Premium-ad-Icon.png)
ગુજરાતની સૌથી મોટી નગરપાલિકામાં ભાજપે આ યુવા મહિલાને બનાવ્યાં પ્રમુખ, પહેલી જ વાર જીત્યાં છે ચૂંટણી...
નગરપાલિકાના નવા પ્રમુખ તરીકે ભાજપનાં કાશ્મીરાબેન શાહ બિનહરીફ ચૂંટાયા હતા. નગરપાલિકાના ઉપપ્રમુખ તરીકે અભય શાહ અને વગરપાલિકાના કારોબારી ચેરમેન તરીકે મિતેશ ભાઈ દેસાઈ બિનહરીફ ચૂંટાયા હતા.
![ગુજરાતની સૌથી મોટી નગરપાલિકામાં ભાજપે આ યુવા મહિલાને બનાવ્યાં પ્રમુખ, પહેલી જ વાર જીત્યાં છે ચૂંટણી... Kashmira Shah elected As president of Vapi Nagarpalika ગુજરાતની સૌથી મોટી નગરપાલિકામાં ભાજપે આ યુવા મહિલાને બનાવ્યાં પ્રમુખ, પહેલી જ વાર જીત્યાં છે ચૂંટણી...](https://feeds.abplive.com/onecms/images/uploaded-images/2021/12/14/a82590aadbfdd0310934a7a2aee3580b_original.jpg?impolicy=abp_cdn&imwidth=1200&height=675)
વાપીઃ રાજ્યની સૌથી મોટી વાપી નગરપાલિકાના પ્રમુખ અને ઉપપ્રમુખની આજે મંગળવારે સવારે ચૂંટણી યોજાઈ હતી. આ ચૂંટણીમાં નગરપાલિકાના નવા પ્રમુખ તરીકે ભાજપનાં કાશ્મીરાબેન શાહ બિનહરીફ ચૂંટાયા હતા. નગરપાલિકાના ઉપપ્રમુખ તરીકે અભય શાહ અને વગરપાલિકાના કારોબારી ચેરમેન તરીકે મિતેશ ભાઈ દેસાઈ બિનહરીફ ચૂંટાયા હતા.
મહત્વપૂર્ણ છે કે વાપી નગરપાલિકાની તાજેતરમાં યોજાયેલી ચૂંટણીમાં પાલિકાની કુલ 44 બેઠકોમાંથી 37 બેઠકો પર વિજય મેળવીને ભાજપં પ્રચંડ બહુમતિ સાથે ફરી સત્તા પર મેળવી છે. કોંગ્રેસ માત્ર 7 બેઠકો પર જ જીતી શકી હતી.
આજે નગરપાલિકાના નવા પ્રમુખ, ઉપપ્રમુખ અને કારોબારીના ચેરમેનની વરણી માટે વાપી નગરપાલિકાના ચૂંટાયેલા સભ્યોની પ્રથમ સામાન્ય સભા મળી હતી. આ સભામાં વાપી નગરપાલિકાની ચૂંટણીમાં વિજેતા થયેલા ભાજપના તમામ ચૂંટાયેલા સભ્યો અને વલસાડ જિલ્લા ભાજપના અગ્રણીઓ ઉપસ્થિત રહ્યા..
આ સભામાં ભાજપના મોવડી મંડળ દ્વારા અપાયેલા મેંડેટ પ્રમાણે પાલિકાના પ્રમુખ, ઉપપ્રમુખ અને કારોબારી ચેરમેન બિનહરીફ ચૂંટાયા હતા.
આ વખતે વાપી નગરપાલિકાની યોજાયેલી ચૂંટણીમાં ભાજપ દ્વારા મોટાભાગના નવા ઉમેદવારોને મેદાનમાં ઉતારવામાં આવ્યા હતા. આ કારણે વાપી નગરપાલિકાની આ વખતની ટીમમાં મોટા ભાગે તમામ નવા સભ્યો જ છે.પ્રમુખ તરીકે ચૂંટાયેલા કાશ્મીરાબેન શાહ પણ સૌ પ્રથમ વખત કોર્પોરેટરની ચૂંટણી લડ્યા હતા અને પાર્ટીએ તેમના પર વિશ્વાસ મૂકીને વાપી નગરપાલિકાના પ્રમુખની જવાબદારી સોંપી છે.
કાશ્મીરા શાહે કહ્યું કે, આ નવી ટીમ વાપી નગરપાલિકા વિસ્તારમાં ચાલી રહેલા કામોને વધુ તેજ ગતિથી આગળ વધારવાની સાથે નગરના વિકાસ માટે હંમેશા પ્રયત્નશીલ રહેશે. લોકો ની જરૂરિયાતો અંગે અભ્યાસ કરી અને વિકાસના નવા કામો નું પ્લાનિંગ કરશે તેવી તેમણે ખાતરી આપી હતી. નગર. પાલિકાના નવા કારોબારી ચેરમેને નગરપાલિકાની હવે પછીની ચૂંટણી મહાનગરપાલિકાની ચૂંટણી તરીકે યોજાય તે માટે વાપીને મહાનગરપાલિકા નો દરજ્જો અપાવવા નવી ટીમ સરકાર સુધી રજૂઆત કરશે અને સાચા અર્થમાં વાપીને મહાનગરપાલિકા બનાવવામાં આવે તે માટે તમામ પ્રયાસો કરશે તેવી ખાતરી આપી હતી.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)