સુરતમાં AAPના કોર્પોરેટરની કારના કાચ તોડી કરાઇ ચોરી, લેપટોપ છોડી ચોર આ વસ્તુ ચોરી ગયા

કનું ગેડિયા થિયેટરમાં ફિલ્મ જોવા ગયા તે સમયે કારના કાચ તોડી ચોરી કરવામાં આવી હતી.

સુરતમાં આપના કોર્પોરેટર કનુ ગેડિયાની કારમાંથી ચોરી કરવામાં આવી હતી. આપના કોર્પોરેટર કારમાંથી વિવિધ કૌભાંડોના દસ્તાવેજોની ચોરી થઈ હોવાનો આરોપ લગાવ્યો હતો. કનું ગેડિયા થિયેટરમાં ફિલ્મ જોવા ગયા તે સમયે કારના કાચ તોડી માત્ર દસ્તાવેજોની ચોરી કરવામાં આવી હતી. તેમનો આરોપ છે કે ચોરી ઈરાદા પૂર્વક કરવામા આવી હતી.  કારણ કે કારમાંથી લેપટોપ સહિતની સામગ્રી છોડી માત્ર દસ્તાવેજોની જ ચોરી કરવામાં આવી છે. ચોરી કરાયેલા મનપાના વિવિધ કૌભાંડોના દસ્તાવેજો હતા. કનુ ગેડિયા વોર્ડ નંબર 3ના આપના કોર્પોરેટર છે.

અમદાવાદમા અસદુદ્દીન ઔવેસીનો કરાયો વિરોધ

અમદાવાદમાં AIMIMના રાષ્ટ્રીય અધ્યક્ષ અસદુદ્દીન ઔવેસીનો સ્થાનિકોએ વિરોધ કર્યો હતો. શહેરના જુહાપુરામાં જ સ્થાનિકોએ કાળા વાવટા ફરકાવી 'ઔવેસી તુમ વાપસ જાઓ'ના બેનરો બતાવ્યા હતા. ઓવૈસી કારમાં જુહાપુરા વિસ્તારમાં પહોંચ્યા હતા જ્યાં સ્થાનિકોએ કાળા વાવટા ફરકાવી વિરોધ કર્યો હતો. જેમાં મોટી સંખ્યામાં મુસ્લિમ મહિલાઓ હતી.

આ સાથે 'અસદુદ્દીન ઔવેસી તુમ વાપસ જાઓ, વાપસ જાઓ'ના બેનરો સાથે સુત્રોચ્ચાર કરી વિરોધ કર્યો હતો. અચાનક જ ઔવેસીનો વિરોધ કરવા લોકો આવતા AIMIMના કાર્યકર્તાઓ પણ દોડતા થઈ ગયા હતા.

રામનવમીના દિવસે ખંભાતમાં થયેલી હિંસા પણ અસદુદ્દીન  ઓવૈસીએ કહ્યું કે હિંસા હંમેશા હિંસા કહેવાય છે. આવી ઘટનાના સાચા વીડિયો બતાવવા જોઈએ. તેમણે કહ્યું કે આઈબીના ઈનપુટ હતા તો પહેલાથી જ આ ઘટનાને સરકાર રોકી શકતી હતી. કોઈ પણ જુલુસ નીકળે તો તેની પરવાનગી પોલીસ આપતી હોય છે. પોલીસે તેની જવાબદારીને લઈ રેલી સફળ કરવાની હોય છે.

મસ્જિદોમાં અઝાનના લાઉડસ્પીકરની જેમ મંદિરોમાં લાઉડસ્પીકરમાં હનુમાન ચાલીસ વગાડવા અંગે ઓવૈસીએ કહ્યું કે મંદિરોમાં લાઉડસ્પીકરમાં હનુમાન ચાલીસા વગાડવા એ સારી વાત છે, આરતી સવારે અમને ઉઠાડશે. તેમણે કહ્યું આરતી વગાડો, સરકાર તમારી છે, તમને શેનો ડર છે? તમે ઈચ્છો એ કરી શકો છો.