![ABP Premium](https://cdn.abplive.com/imagebank/Premium-ad-Icon.png)
સુરતઃ યુવકે ટીનેજર છોકરીને મોંઘીદાટ ગિફ્ટ આપી પ્રેમજાળમાં ફસાવી, પરાણે માણ્યું શરીરસુખ ને એક દિવસ....
સગીરાનો ફોટો સોશિયલ મીડિયામાં વાયરલ કરવાની ધમકી આપી તેની સાથે સાવરકુંડલા અને કાપોદ્રામાં પરાણે શારીરિક સંબંધ બાંધી ગર્ભવતી બનાવી દીધી હતી. સાવરકુંડલા પોલીસમાં પોક્સો એક્ટ હેઠળ ગુનો નોંધાયો હતો.
![સુરતઃ યુવકે ટીનેજર છોકરીને મોંઘીદાટ ગિફ્ટ આપી પ્રેમજાળમાં ફસાવી, પરાણે માણ્યું શરીરસુખ ને એક દિવસ.... Surat : A 26 year old youth arrested in pocso case in Amreli સુરતઃ યુવકે ટીનેજર છોકરીને મોંઘીદાટ ગિફ્ટ આપી પ્રેમજાળમાં ફસાવી, પરાણે માણ્યું શરીરસુખ ને એક દિવસ....](https://feeds.abplive.com/onecms/images/uploaded-images/2021/03/27/6a01d39dd266c14ac761bf35cdbc9ba8_original.jpg?impolicy=abp_cdn&imwidth=1200&height=675)
સુરતઃ ટીનેજર છોકરીઓને મોંઘીદાટ ગિફ્ટથી પ્રેમજાળમાં ફસાવી દુષ્કર્મ કરનાર ઝડપાયો છે. મૂળ અમરેલીના સાવરકુંડલાનો જીતેન્દ્ર ઉર્ફે જીતુ સોમાભાઈ રાઠોડ કોઈ તરુણી સમક્ષ પોતાની ઓળખ ક્યારેય જાહેર કરતો નહોતો. 2014માં સુરતના કાપોદ્રાની તરુણી સાથે અવારનવાર દુષ્કર્મ બાદ બે વર્ષ ફરાર રહ્યો હતો. જોકે, 2016માં પકડાયા બાદ 2019માં જામીન છૂટી સાવરકુંડલાની તરુણીને શિકાર બનાવી હતી.
આ અંગેની વિગતો એવી છે કે, 2019માં જામીન પર છૂટેલા આરોપીએ લોકડાઉન દરમિયાન સાવરકુંડલાની એક 14 વર્ષીય સગીરાને પોતાની જાળમાં ફસાવી હતી. સગીરાનો ફોટો સોશિયલ મીડિયામાં વાયરલ કરવાની ધમકી આપી તેની સાથે સાવરકુંડલા અને કાપોદ્રામાં પરાણે શારીરિક સંબંધ બાંધી ગર્ભવતી બનાવી દીધી હતી. સગીરાની માતાએ સાવરકુંડલા પોલીસમાં બળાત્કાર અને પોક્સો એક્ટ હેઠળ ગુનો નોંધાવ્યો હતો. એસઓજીએ આરોપી જીતુ જોખમને સુરતથી ઝડપી પાડ્યો હતો.
આ જ આરોપીએ વર્ષ 2014માં સુરતના કાપોદ્રામાં પાડોશમાં રહેતી 16 વર્ષની સગીરાને પ્રેમજાળમાં ફસાવીને ભગાડી ગયો હતો. તેમજ તેની સાથે પણ વારંવાર શારીરિક સંબંધ બાંધી ગર્ભવતી બનાવી દીધી હતી. સગીરાએ બાળકને જન્મ આપ્યા બાદ સગીરાને આરોપીએ તેના એક મિત્રને સોંપી દીધી હતી. સગીરાએ જીતુ અને તેના મિત્ર સામે કાપોદ્રા પોલીસમાં બળાત્કારનો ગુનો નોંધાવ્યો હતો. બંનેની ધરપકડ પણ કરાઈ હતી. તેમજ જીતુને આ કેસમાં જેલ પણ પડી હતી. આ કેસમાં વર્ષ 2019માં જામીન પર છૂટયો હતો.
લોકડાઉનના સમયે આ હવસખોર સાવરકુંડલા આવ્યો હતો અને અહીં તેણે 14 વર્ષની સગીરાને ફસાવી હતી. સગીરાને વીંટી પહેરાવતો ફોટો મોબાઇલમાં પાડી લીધા પછી તેણે સગીરાને બ્લેકમેલ કરી હતી અને ફોટો વાયરલ કરવાની ધમકી આપી તેની સાથે પરાણે શારીરિક સંબંધો બાંધ્યા હતા. આ સગીરા સાથે યુવકે સાવરકુંડલા અને કાપોદ્રામાં શારીરિક સંબંધો બાંધ્યા હતા અને ગર્ભવતી બનાવી દીધી હતી. આ અંગે સગીરાની માતાને જાણ થતાં તેમણે જીતુ સામે સાવરકુંડલા પોલીસમાં રેપ અને પોક્સો એકટની કલમો હેઠળનો ગુનો નોંધાવ્યો હતો.
સાવરકુંડલા પોલીસે બાતમીને આધારે કાપોદ્રા ગાયત્રી સોસાયટી પાસેથી આરોપી જીતેન્દ્ર ઉર્ફે જીતુ જોખમ રાઠોડને પકડી પાડયો હતો. તેની સામે બે રેપના ગુનાઓ નોંધાયેલા છે. આરોપી રત્નકલાકાર છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)