Surat Fire: સુરતમાં આગની ઘટનાથી અફડાતફડી, ફાયર ફાઇટરની 10 ટીમોની ભારે જહેમતૌ
સુરતમાં ફરી એકવાર આગની ઘટનાથી અફડાતફડી મચી ગઇ છે, આજે સવારે સુરતના પાંડેસરા વિસ્તારમાં આગની ઘટના ઘટી જેમાં ફાયર ફાઇટરની 10થી વધુ ટીમો કામે લાગી હતી,
Surat Fire News: સુરતમાં ફરી એકવાર આગની ઘટનાથી અફડાતફડી મચી ગઇ છે, આજે સવારે સુરતના પાંડેસરા વિસ્તારમાં આગની ઘટના ઘટી જેમાં ફાયર ફાઇટરની 10થી વધુ ટીમો કામે લાગી હતી, જોકે, આ આ આગની ઘટનામાં કોઇ જાનહાનિ પહોંચી નથી.
મળતી માહિતી પ્રમાણે, સુરતના પાંડેસરા વિસ્તારમાં આજે સવારે એક ભીષણ આગની ઘટના ઘટી હતી. શહેરમાં આ આગ પોલીસ સ્ટેશનની પાછળના ભાગે આવેલી પ્રયાગ મિલમાં લાગી હતી. જેને લઈ સમગ્ર વિસ્તારમાં અફરાતફરીનો માહોલ સર્જાયો. આગને કાબુ કરવા માટે ફાયર વિભાગની 10 ટીમ ઘટનાસ્થળે પહોંચી હતી, અને ભારે જહેમત બાદ કામ શરૂ થયુ હતુ, પાણીનો મારો ચલાવી આગ પર કાબૂ મેળવવાના પ્રયાસો હાથ ધરાયા હતા, હાલમાં પણ આગ બૂઝાવવાની કામગીરી ચાલુ છે. ખાસ વાત છે કે, આ વિકરાળ હોવા છતાં આ આગમાં કોઈ ફસાયુ નથી, ફાયર વિભાગના જવાનો પણ આની પુરેપુરી તપાસ કરી રહ્યાં છે. હાલ સુધી તો કોઈ જાનહાનિના સમાચાર આવ્યા નથી.
સુરતમાં નવરાત્રિ માટે માતાજીની મૂર્તિ લેવા ગયેલા 28 વર્ષીય યુવાનનું હાર્ટ અટેકથી મોત
સુરતમાં છેલ્લા કેટલાક સમયથી યુવાનોમાં હૃદયરોગના હુમલો આવવાના કિસ્સા વધી રહ્યા છે સુરતના ઇચ્છાપોર વિસ્તારમાં નવરાત્રી માટે માતાજીની મૂર્તિ લેવા ગયેલા 28 વર્ષીય યુવાનનું હાર્ટ અટેકમાં મોત થયું હતું. મૃતકનું નામ અમર કિશોરભાઈ રાઠોડ છે, જેઓ હીરા કંપનીમાં કામ કરતા હતા. તેમના પરિવારમાં એક પુત્ર અને પત્ની છે. યુવકના અચાનક મોતથી પરિવાર શોકમાં ગરકાવ થઈ ગયો છે.
થોડા દિવસ પહેલા વેસુમાં કલર કામ કરતો 35 વર્ષીય યુવાન,પાંડેસરામાં કામ કરતી વખતે 45 વર્ષનો યુવાન અને અમરોલીમાં સવારે ઉંધ માંથી નહી ઉઠનાર 37 વર્ષીય યુવાનનું મોત નીપજયું હતું. ડીંડોલીમાં બીલીયાનગરમાં રહેતો 35 વર્ષીય ધર્મવીર ગોંડ બુધવારે સાંજે વેસુમાં વી.આઇ.પી રોડ એસ.એમ.સી આવાસમાં પાસે કન્ટ્રકશન સાઇટ પર કલર કામ કરતો હતો. ત્યારે તેને અચાનક છાતીમાં દુઃખાવો થતા બેભાન થઇ ગયો હતો. જેથી તેને સારવાર માટે નવી સિવિલમાં ખસેડાયો હતો. જયાં ફરજ પરના ડોકટરે તેને મૃત જાહેર કર્યો હતો. પાંડેસરામાં ગોવાલકનગરમાં રહેતો 45 વર્ષીય બ્રિજબિહાર યાદવ આજે ગુરુવારે બપોરે બમરોલી રોડ હરીઓમનગર ઇન્ડસ્ટ્રીઝ પાસે મજુરી કામ કરતો હતો. ત્યારે તેની અચાનક તબિયત બગડતા ઢળી જતા સાવાર માટે સ્મીમેર હોસ્પિટલમાં ખસેડાયો હતો.જયાં ફરજ પરના ડોકટરે તેમને મૃત જાહેર કર્યો હતો. અમરોલીમાં કોસાડ આવાસમાં રહેતો 37 વર્ષીય રાજારામ સહાની આજે ગુરુવારે સવારે ઘરમાં ઉંધ માંથી ઉઠયો નહી. જેથી તેને સારવાર માટે સ્મીમેર હોસ્પિટલમાં લઇ ગયા હતા. જયાં ફરજ પરના ડોકટરે તેને મૃત જાહેર કર્યો હતો. તે કલર કામ કરતો હતો.
વડોદરના પાદરામાં યવકનું હાર્ટ અટેકના કારણે મોત થયું છે,. પાદરાની અરિહંત કોમ્પલેક્ષમાં યુવક અચાનક જ ઢળી પડ્યો હતો બાદ તેને તાબડતોબ હોસ્પિટલ લઇ જવાયો હતો. તબીબે હાર્ટ અટેકથી મોત થયાનો ખુલાસો કર્યો હતો. યુવકના અચાનક ઢળી પડવાની ઘટના સીસીટીવીમાં કેદ થઇ છે.
ટ્રેન્ડિંગ સમાચાર
ટોપ સ્ટોરી
