Surat: ઉધના વિસ્તારમાં રેલવે ટ્રેક નાંખવાની કામગીરી શરૂ, 57 ટ્રેનોને થશે અસર

સુરતના ઉધના વિસ્તારમાં રેલવે ટ્રેકની કામગીરી શરૂ કરવામાં આવી છે, ઉધના સ્ટેશન ખાતે નવી રેલવે લાઇનને ઉધના યાર્ડમાં જોડવામાં આવશે

પ્રતિકાત્મક તસવીર

Surat: સુરત શહેરમાંથી વધુ એક મોટા સમાચાર સામે આવ્યા છે, સુરતના ઉધના સ્ટેશન ખાતે નવી રેલવે લાઇનને ઉધના યાર્ડમાં જોડવાની કામગીરી શરૂ કરવામાં આવી છે, એટલે કે અહીં ટ્રેકની કામગીરી શરૂ કરી દેવામા આવી છે, આ કારણે અહીંથી લગભગ 57 જેટલી અવરજવર કરતી ટ્રેનો પર અસર પડી છે. 

મળતી માહિતી પ્રમાણે, સુરતના ઉધના વિસ્તારમાં રેલવે ટ્રેકની કામગીરી શરૂ કરવામાં આવી છે, ઉધના સ્ટેશન ખાતે નવી રેલવે લાઇનને ઉધના યાર્ડમાં જોડવામાં આવશે, આજે 26થી 28 તારીખ સુધી 57 ટ્રેનોને અસર થશે. આ કામગીરીને લઇને રેલવે સ્ટેશન પર રેલવે તંત્ર દ્વારા જાહેરાત કરીને પેસેન્જરોને રિફન્ડ આપવાનું કામ પણ શરૂ કરાયુ છે, અત્યારે ટ્રેક નાખવાની કામગીરી શરૂ કરવામાં આવી છે. ખાસ વાત છે કે, ફ્લાઈંગ રાણી, તાપ્તી ગંગા, ભાગલપુર સહિતની ટ્રેનોને પણ અસર પહોંચશે, સુરતથી મુંબઇ અને અમદાવાદ તરફ જતી 57 ટ્રેનોને આ કામગીરીથી અસર પહોંચશે. મુંબઇ જતી 28 ટ્રેન રદ્દ છે, જ્યારે અમદાવાદ જતી 29 ટ્રેન રદ કરાઇ છે. કામગીરી સવારે 9.30 થી સાજે 5.30 વાગ્યા સુધી ચાલશે. મેગા બ્લૉકથી 70 હજારથી વધુ મુસાફરોને અસર પહોંચશે. રક્ષાબંધનના પર્વને લઈ મુસાફરો દ્વારા ટિકીટ બુક કરાવવામાં આવી હતી.

દેશના 100 સ્માર્ટ સિટીના લિસ્ટમાં સુરત બીજા ક્રમે

સુરત સ્માર્ટ સિટીમાં બીજા ક્રમે આવ્યું છે. આગામી 27 સપ્ટેમ્બરના રોજ ઇન્દોર ખાતે આયોજિત સમારોહમાં રાષ્ટ્રપતિ દ્રૌપદી મૂર્મુ દ્વારા એવોર્ડ એનાયત કરાશે. દેશની 100 ટોચની સ્માર્ટ સિટીમાં ઇન્દોર પ્રથમ ક્રમે છે. ઇન્દોરને ‘બેસ્ટ નેશનલ સ્માર્ટ સિટી’નો એવોર્ડ મળ્યો છે, જ્યારે ત્રીજા ક્રમે આગ્રા રહ્યું.

રાજ્યોમાં કોણે મારી બાજી

રાજ્યોમાં મધ્યપ્રદેશને ‘બેસ્ટ સ્ટેટ એવોર્ડ’માં બાજી મારી છે. તમિલનાડુ બેસ્ટ સ્ટેટ યાદીમાં બીજા ક્રમે છે. જ્યારે ત્રીજા સ્થાને રાજસ્થાન અને ઉત્તરપ્રદેશ બંને ચમક્યાં છે. કેન્દ્રશાસિત પ્રદેશની શ્રેણીમાં ચંડીગઢે પહેલું સ્થાન હાંસલ કર્યું છે. ગત વર્ષે ઑક્ટોબરમાં ઇન્દોરને સતત છઠ્ઠી વખત ભારતનું સૌથી સ્વચ્છ શહેર જાહેર કરાયુ હતું.

બિલ્ટ એન્વાયર્નમેન્ટ માટે કોઈમ્બતુરને ટોચનું સ્થાન મળ્યું છે. આ ઉપરાંત અમદાવાદને કલ્ચર એન્ડ ઈન્ટીગ્રેટેડ કમાન્ડ એન્ડ કંટ્રોલ સેન્ટર (ICCC) કેટેગરીમાં, અર્થતંત્ર માટે જબલપુર, ગવર્નન્સ એન્ડ મોબિલિટી માટે ચંદીગઢ, સ્વચ્છતા, પાણી અને શહેરી પર્યાવરણ માટે ઈન્દોર, સામાજિક પાસાઓ માટે વડોદરા, હુબલી ધારવાડની પસંદગી કરવામાં આવી છે. ઈનોવેટિવ આઈડિયા કેટેગરી માટે અને સુરતની કોવિડ ઈનોવેશન કેટેગરી માટે પસંદગી કરવામાં આવી છે. આ ઉપરાંત, ઉદ્યોગ માટે પાર્ટનર એવોર્ડ Enviro Control Pvt (Infrastructure), L&T કન્સ્ટ્રક્શન અને PwCને આપવામાં આવ્યો છે. ભારતના રાષ્ટ્રપતિ 27 સપ્ટેમ્બરે ઈન્દોરમાં ISAC 2022 એવોર્ડના વિજેતાઓને સન્માનિત કરશે. MoHUA તરફથી એક નિવેદનમાં કહેવામાં આવ્યું છે કે, ISAC શહેરો, પ્રોજેક્ટ્સ અને નવીન વિચારોને ઓળખે છે અને પુરસ્કાર આપે છે જે 100 સ્માર્ટ શહેરોમાં ટકાઉ વિકાસને પ્રોત્સાહન આપે છે, તેમજ સમાવેશી, સમાન, સલામત, સ્વસ્થ અને ઉત્સાહી ભાગીદાર શહેરોનું નિર્માણ કરે છે, જેનાથી જીવનની ગુણવત્તામાં વધારો થાય છે.  અગાઉ, ISAC ની 2018, 2019 અને 2020 માં ત્રણ આવૃત્તિઓ થઈ છે.