કોરોનાના કહેર વચ્ચે સુરતની આ સ્કૂલ માનવતા બતાવી, માફ કરી ફી, જાણો વિગત

સુરતની એમ્બિશન મોડર્ન સ્કૂલે પ્રથમ સત્ર ફી માફ કરી છે. ધોરણ 1 થી 12માં 550 વિદ્યાર્થીઓ અભ્યાસ કરે છે.

સુરતઃ ગુજરાત સહિત સમગ્ર દેશમાં હાલ કોરોનાએ કહેર મચાવ્યો છે. જેને કારણે ગત 22મી માર્ચથી દેશમાં લોકડાઉન લાગુ કરવામાં આવ્યું છે. લોકડાઉનને કારણે ધંધા-રોજગાર ઠપ્પ થઈ ગયા છે. આવા સમયે સુરતની એક શાળાએ માનવતા બતાવી છે અને સ્કૂલે પ્રથમ સત્રની ફી માફ કરી દીધી છે. જેને કારણે આ સ્કૂલમાં જેમના બાળકો ભણી રહ્યા છે, તેવા 550 વાલીઓને મોટી રાહત મળી છે. આ અંગેની વિગત એવી છે કે, સુરતની એમ્બિશન મોડર્ન સ્કૂલે પ્રથમ સત્ર ફી માફ કરી છે. ધોરણ 1 થી 12માં 550 વિદ્યાર્થીઓ અભ્યાસ કરે છે. લોકડાઉનમાં વાલીઓની આર્થિક સ્થિતિને જોતા અન્ય શાળાઓ પણ આ દિશમાં વિચારે એવી પ્રબળ માંગ ઉઠી છે. લોકડાઉનમાં વાલીઓના ધંધા-રોજગાર બંધ હોવાથી તેઓ આર્થિક મુશ્કેલી ન અનુભવે તે માટેનો આ મહત્વનો નિર્ણય સ્કૂલ ટ્રસ્ટ દ્વારા લેવામાં આવ્યા છે. સ્કૂલ દ્વારા પ્રથમ સત્ર એટલે કે છ મહિનાની ફી એટલે કે 550 વિદ્યાર્થીઓની 35 લાખ કરતા વધુ રકમ માફ કરવામાં આવી છે, તેમ મેનેજીંગ ટ્રસ્ટી રમેશ માંગુકિયાએ જણાવ્યું હતું.