સુરતમાં વરસાદને કારણે લગ્નના મંડપમાં કરંટ લાગતા યુવકનું મોત, બે બાળકોએ પિતાની છત્રછાયા ગુમાવી
યુવક મૂળ રાજસ્થાનનો વતની હતો અને તે સુરતમાં 10 વર્ષ થી આઈસ્ક્રીમનો ધંધો કરતો હતો.
Surat: સુરતમાં વરસાદને કારણે એક યુવકને કરંટ લાગતા મોત થયું છે. 35 વર્ષીય યુવક D B પટેલ પ્લોટમાં લગ્ન પ્રસંગમાં આઇસ્ક્રીમનું કાઉન્ટર ચલાવતો હતો. વરસાદ વરસતા લગ્નનાં મંડપ પાણીમાં ભીનો થઈ ગયો હતો. આ દરમિયાન મંડપના લોખંડના પાઇપમાં કરંટ ઉતરી આવતા યુવકને કરંટ લાગ્યો હતો. ત્યાર બાદ યુવકને તાત્કાલિક સારવાર માટે ખસેડાયો હતો. ત્યાં ફરજ પરના હાજર તબીબોએ યુવકને મૃતક જાહેર કર્યો હતો. યુવક મૂળ રાજસ્થાનનો વતની હતો અને તે સુરતમાં 10 વર્ષ થી આઈસ્ક્રીમનો ધંધો કરતો હતો. યુવકનું અચાનક કરંટ લાગવાથી મોત નિપજતા બે બાળકોએ પિતાની છત્રછાયા ગુમાવી છે. ખટોદરા પોલીસે અકસ્માતનો ગુનો નોંધી કાર્યવાહી હાથ ધરી છે.
બિપરજોય વાવાઝોડુ અતિ ગંભીર તોફાની વાવાઝોડુંની કેટેગરીમાં ફેરવાઈ ચૂક્યું છે. ધીમે ધીમે ગુજરાતના દરિયાકાંઠા તરફ આગળ વધી રહ્યું છે. 'બિપરજોય' વાવાઝોડાની અસર જોવા મળી રહી છે. દરિયો ગાંડોતૂર બન્યો છે અને ભારે પવન ફૂંકાય રહ્યો છે. સુરતમાં બીપરજોય વાવાઝોડાની અસરના કારણે ભારે પવન ફૂંકાયો. જેના કારણે પબ્લિસિટીના બેનરો અને પતરા ઉડ્યા હતા. ભારે પવનના કારણે બેનરો ઉડતાં લોકોને સાવચેત રહેવા અપીલ કરવામાં આવી છે.
વાવાઝોડાના નવા ટ્રેક અનુસાર, વાવાઝોડુ બિપરજોય ફક્ત કચ્છ જ નહી પરંતુ રાજ્યના અન્ય ત્રણ જિલ્લાને પણ ઘમરોળશે. કચ્છ, દ્વારકા, પોરબંદર વાવાઝોડાની ઝપેટમાં આવશે. આ જિલ્લામાં સૌથી વધુ અસર થશે. જામનગર અને મોરબી જિલ્લામાં પણ વાવાઝોડાની ભયાનક અસર જોવા મળશે. કંડલા પોર્ટ, ઓખા અને નવલખીમાં તેની અસર થશે.
વાવાઝોડાને લઈને પોરબંદરમાં NDRFની ટીમ એક્શનમાં જોવા મળી હતી. દરિયાકાંઠાના વિસ્તારોમાં NDRFની ટીમે નિરીક્ષણ કર્યું હતું. નીચાણવાળા વિસ્તારોની સમીક્ષા કરાઈ રહી છે. 15 જૂને સવારે ગુજરાતના તટને વાવાઝોડુ ટકરાશે. વાવાઝોડુ 7 કિ.મીની ઝડપે આગળ વધી રહ્યું છે.
ટોપ સ્ટોરી
ટ્રેન્ડિંગ સમાચાર
