રામલલ્લા માટે વડોદરામાં બનાવવામાં આવી 105 ફુટ લાંબી અને 3.5 ફુટ પહોળી અગરબત્તી
અગરબત્તીમાં 1475 કિલો ગીર ગાયનું છાણ, 191 કિલો ગીર ગાયનું ઘી, 280 કિલો દેવદારનું લાકડું, 376 કિલો ગુગળ, 280 કિલો તલ, 280 કિગ્રા જવ, 376 કિલો કોપરાગ-50 કિલો ગુલાબ, 50 કિલો પાઉડરનો સમાવેશ થાય છે.
Agarbatti for Ramlalla: અયોધ્યામાં રામ જન્મભૂમિ ખાતે મંદિરમાં ભગવાન રામની મૂર્તિના અભિષેક દરમિયાન ઉપયોગ માટે વડોદરા શહેરમાં 108 ફૂટ લાંબી અને 3.5 ફૂટ પહોળી અગરબત્તી બનાવવામાં આવી રહી છે. આ અગરબત્તીનું વજન 3428 કિલો છે. આ અગરબત્તી 110 ફૂટ લાંબા ટ્રક પર મૂકીને 1 જાન્યુઆરીએ રોડ માર્ગે અયોધ્યા લઇ જવામાં આવશે. આ રથ 16 જાન્યુઆરીએ અયોધ્યા પહોંચશે.
એકસાથે વડોદરામાંથી 150થી વધુ લોકો અલગ-અલગ વાહનોમાં અયોધ્યા જશે.અયોધ્યામાં રામ મંદિરના ઉદ્ઘાટન પ્રસંગે સનાતન ધર્મ સમાજ અને ગોપાલક સમાજના વડોદરા એકમ દ્વારા આ અગરબત્તી અર્પણ કરવામાં આવશે. આ અગરબત્તી એકવાર પ્રગટાવવામાં આવે તો 45 દિવસ સુધી સળગતી રહેશે.
વડોદરાના તરસાલી વિસ્તારમાં રહેતા વિહાભાઈ કરશનભાઈ ભરવાડના જણાવ્યા અનુસાર તેણે મે મહિનાથી ઘરની બહાર અગરબત્તી બનાવવાનું શરૂ કર્યું હતું. વરસાદની સિઝનમાં કામ બંધ કરાયું હતું. વરસાદ બાદ ફરી કામ શરૂ કરાયું હતું. આ કામ ગુરુવાર સુધીમાં પૂર્ણ થઈ જશે.
3428 કિલો વજનની અગરબત્તીમાં 1475 કિલો ગીર ગાયનું છાણ, 191 કિલો ગીર ગાયનું ઘી, 280 કિલો દેવદારનું લાકડું, 376 કિલો ગુગલ, 280 કિલો તલ, 280 કિગ્રા જવ, 376 કિલો કોપરાગ, 50 કિલો ગ્રામ ગુલાબ, 50 કિલોગ્રામ પાઉડરનો સમાવેશ થાય છે. ફૂલો, 200 કિલો અત્તર વગેરેનો ઉપયોગ કરવામાં આવ્યો હતો. અગરબત્તી બનાવવા માટે લગભગ 5 લાખ રૂપિયાનો ખર્ચ થયો છે. આ રકમનો મોટાભાગનો ખર્ચ તેણે પોતે જ કર્યો હતો. જેમાં સનાતન ધર્મ સમાજ અને ગોપાલક સમાજના વડોદરા યુનિટના સભ્યો અને મિત્રોએ કેટલીક સામગ્રી પૂરી પાડી હતી.
હાલ દેશભરમાં રામમંદિરની પ્રાણ પ્રતિષ્ઠાને લઈને અનોખો જુવાળ જોવા મળી રહ્યો છે. ત્યારે સુરતમાં પણ અયોધ્યાની આબેહૂબ પ્રતિકૃતિ સમાન લાકડામાંથી મંદિર બની રહ્યાં છે. હાલ રામમંદિરની ઘરે ઘરે પણ સ્થાપ્ના થાય તે હેતુથી સુરતમાં લાકડાની પ્લાયમાંથી અનોખા મંદિર બનાવવામાં આવી રહ્યાં છે. રોજની 70 જેટલા મંદિરની ડિમાન્ડ હોવાથી 30 બહેનો દ્વારા 100 જેટલા મંદિર લગભગ 500 પાર્ટને જોડીને બનાવવામાં આવી રહ્યાં છે.
વલથાણ પુણાગામ કેનાલ રોડ પર કોર્પોરેટ ગીફ્ટ બનાવનાર રાજેશભાઈ શેખડાએ કહ્યું કે, અમે છેલ્લા 13 વર્ષથી આ વ્યવસાય સાથે સંકળાયેલા છીએ. પરંતુ જ્યારથી અયોધ્યા મંદિરની ફાઈનલ ડિઝાઈન તૈયાર થઈ અને થ્રીડી ઈમેજ સામે આવી ત્યારથી અમે આ પ્રકારનું મંદિર બનાવવા ઈચ્છા હતાં. જેને અમે લેસર કટિંગ સહિતના 500 ટુકડા બનાવીને મંદિરનું નિર્માણ લાકડામાંથી સુરતમાં જ તૈયાર કર્યું છે. રામમંદિરની જેમ ગર્ભગૃહ, સભામંડપ, ગુંબજ, ત્રણેય દિશાના દ્વાર સહિતની આબેહૂબ પ્રતિકૃતિ બનાવવામાં આવી છે.
મંદિરની ડિઝાઈન બનાવનાર સંદિપભાઈ ગોંડલિયાએ કહ્યું કે, અમે મંદિરને આબેહૂબ બનાવવાનો પ્રયત્ન કર્યો છે. વૂડન કલરમાં જ મંદિરને બનાવ્યું છે. હનુમાનજીની મૂર્તિની સાથે અયોધ્યાનું મંદિર જ લાગે તે પ્રકારે પાંચ સાઈઝમાં મંદિર બનાવ્યું છે. જેમાં સૌથી નાની સાઈઝ 4*6 ઈંચથી લઈને 4*6 ફૂટ સુધીના મંદિર બનાવી રહ્યાં છીએ. જેનું વજન 500 ગ્રામથી લઈને 30 કિલો સુધીનું હોય છે. મંદિરના સ્કેલ પ્રમાણે તથા ડિઝાઈન પ્રમાણે મંદિર બન્યું છે. કોઈ કલરનો ઉપયોગ થતો નથી જેથી 100 વર્ષ જેટલા સમય સુધી એમડીએફ પાઈનવૂડની પ્લાયની ચમક અકબંધ રહે છે.
ટોપ સ્ટોરી
ટ્રેન્ડિંગ સમાચાર
