વડોદરાઃ મોડલ અને એક્ટ્રેસ પ્રાચીની હત્યાથી ચકચાર, પોલીસે કોની પૂછપરછ શરૂ કરી? જાણો વિગત

પ્રાચીને ઘરે મૂકવા માટે આવનાર અંકિતની પોલીસે અટકાયત કરી છે. યુવતીની હત્યા ગળું દબાવીને કરી હોવાનું પ્રાથિમક અનુમાન છે. યુવતી રાત્રે વસીમ નામના યુવક સાથે છેલ્લે હતી, તેવી પણ વિગતો સામે આવી છે.

વડોદરાઃ એમ્પ્લોસ ડ્રામા ગ્રુપમાં કામ કરતી 25 વર્ષીય પ્રાચી મોર્યની હત્યા કરાયેલી લાશ વડોદરાના ઓલ પાદરા રોડ પર આવેલા રિલાયન્સ મોલની પાછળના મેદાનમાંથી મળી આવતાં ચકચાર મચી ગઈ છે. ગઈ કાલે યુવતી ખંભાતથી શો પૂરો કરી વડોદરા આવી હતી. પ્રાચીને ઘરે મૂકવા માટે આવનાર અંકિતની પોલીસે અટકાયત કરી છે. યુવતીની હત્યા ગળું દબાવીને કરી હોવાનું પ્રાથિમક અનુમાન છે. યુવતી રાત્રે વસીમ નામના યુવક સાથે છેલ્લે હતી, તેવી પણ વિગતો સામે આવી છે. આ કેસમાં પોલીસે અંકિત નામના યુવકની અટકાયત કરી છે. તેણે જણાવ્યું હતું કે, તે રાત્રે 2.15 વાગ્યા સુધી તેની સાથે હતો. આ પછી પ્રાચી વસીમ નામના યુવક સાથે હતી. તેણે ઘરે મૂકી જવાનું કહેતા પ્રાચીએ ઇનકાર કર્યો હોવાનો દાવો અંકિતે કર્યો છે. પ્રાચીના શરીર પર ઇજાના નિશાન હોવાથી યુવતીની હત્યા થઇ હોવાની આશંકા પોલીસે વ્યક્ત કરી છે. પોલીસે ઘટના સ્થળે પહોંચીને મૃતદેહને પોસ્ટમોર્ટમ અર્થે મોકલી આપ્યો છે અને આ મામલે વધુ તપાસ હાથ ધરી છે. પ્રાચી હાલ વડોદરામાં પરિવાર સાથે રહે છે અને તે મૂળ ભરૂચની છે. તેનો મૃતદેહ મળ્યો છે ત્યાંથી જ થોડા અંતરે તેનું ઘર પણ આવેલું છે. ઘટનાસ્થળેથી બે બાઇક અને પ્રાચીનો અમૂક સામાન પણ મળી આવ્યો છે. જે.પી. રોડ પોલીસે વધુ તપાસ હાથ ધરી છે. આ ઘટનાની જાણ થતાં મોટી સંખ્યામાં લોકોના ટોળા એકત્રિત થઈ ગયા હતા.